倫敦巴士危機？需求十年下跌近四分之一

根據倫敦運輸局（TfL）最新發佈的《2025年倫敦出行年度報告》，倫敦公共交通格局出現明顯變化。數據顯示，巴士需求持續下滑，2024/25年度預計達1,842百萬次旅程，較前年度下跌1.5%，延續近年下降趨勢。與2014/15年的歷史高峰相比，巴士使用量已累計下跌22.8%，降幅明顯。

同期，巴士平均行駛速度為每小時9.2英里，較上年度下降1%，反映倫敦道路交通擁堵情況依然嚴峻。與此相反，地鐵及活躍交通出行（如步行、單車等）使用量則持續上升，顯示倫敦出行方式正發生結構性轉變。

此現象值得深入思考。巴士需求下降的原因包括：道路擁堵導致速度下降、乘客轉向地鐵等更快的交通方式、遙距工作普及導致出行需求總量下降，以及活躍交通的推廣。倫敦作為全球交通系統標竿城市，其巴士面臨的挑戰或可作為香港、新加坡等城市的借鑒。

來源： Transport for London 2025 Annual Overview Report

閱讀呢D數字時要小心，因為你講嘅報告統計呢D數，有至少兩種計法。

第一種只計旅程最主要果程，而第二種就計哂咁多程。

舉個例，若果科學園去屯門，我搭272A轉東鐵再轉綠小的話，
第一種統計只會顯示我搭綠小，因為佢係最遠果程。
而第二種會顯示我搭佐三程車。

假如咁啱就到263A一程過，咁就會見到“公共交通客量下降”。
註：除另有註明外，所有比較皆為2014/15及2024/25年度比較
SL線則為2023至2024及2024至2025之比較。

你引嘅客量下跌，應該係呢份報告(1)嘅table 3。
https://content.tfl.gov.uk/travel-in-london-2025-annual-overview-acc.pdf

你引嘅“四分之一”跌幅，係逐程計條數。
如果逐程計的話，只有London Overground (LO), Elizabeth Line (XR)及渡輪上升。
要留意嘅係期內有London Overground接收佐新線，
及延長至Barking Riverside，及Elizabeth line新通車。

而呢條數計所有TfL營運的交通客量下跌一成。
如果扣除LO同XR嘅新線效應，跌幅會升至17.2%。
而跌幅最慘烈嘅係同巴士同一套收費嘅London Tram，跌逾四成。

其實同期有另一份簡報(2)
https://content.tfl.gov.uk/travel-in-london-2025-consolidated-estimates-of-total-travel-and-mode-shares-acc.pdf

Table 2同報告(1)嘅table 3係同一條數，分別只係一個係年度計一個係每日。

如果你睇簡報(2)嘅Table 1，佢計嘅係主要一程。咁就睇到有D唔同。

只計主要一程的話，所有公共交通平日旅程只係下跌7.5%
巴士及London Tram共跌18%；
鐵路無升跌；
只計LO及XR以外嘅TfL服務跌10.5%。

逐程計嘅跌幅大過只計主要一程，而用主要一程計，鐵路直頭無升跌。
而巴士及London Tram兩者“客量”皆跌逾兩成及四成，
但只計主要一程只係跌一成八。較合理嘅解釋，係要轉車嘅人少佐，
甚至效應同hybrid working及改用active transport係同一層次。



而Superloop成為報告(1)嘅亮點。

據Table 5，全新SL線，除SL4只有一年嘅數字外，所有全新SL線均錄得逾10%嘅升幅。

而既有SL線，SL6及SL9先跌後升，SL8雖然受累近市區交通持續轉差，
連續兩年微跌但仍然跑贏大市。
至於SL7更連續兩年錄得7-8%強勁增長。
難怪對拓展新SL線咁大信心。