Saphir Odoriko 3號 Premium Green

上一任東記社長其中一個大計就係觀光列車計劃，先做一列E001系四季島，之後再大手筆投資做兩抽E261系專跑Saphir Odoriko。

同樣出自KEN OKUYAMA DESIGN，車頭設計比四季島更優勝，玻璃面積更大而且全面用深色玻璃，而且天花亦加入天窗設計。
伊豆方向特設Premium Green，升高地台再做一排2列。然後編成中加入餐車、包箱車，喺東京首都圈咁繁忙嘅路線加入旅遊列車運作係非常大膽舉動。

相比起現任東記揸fit人，新車spec.慳得就慳，編列越做越縮，唉。

準時30日前去eki-net搶，1號Premium Green就滿晒，好彩我果日有3號運轉，成功搶到3號Premium Green，仲幾前。
當日3號Premium Green都全滿，一般Green 9成滿，剩底大包廂無人訂，仲有幾多外國客坐Premium Green，證明觀光列車喺日本真係不敗，你敢做就有客。

我坐過四季島，上到車都比E261系車頭塊玻璃尺寸嘩咗出聲，而且因為做埋天窗，所以車頂無冷氣機組，同新幹線一樣放車底，在來線非常少見呢種擺法











包廂車卡，非常有四季島味道






一般Green Car


餐卡:






食咗杯甜品，喺餐卡感受日常中嘅非日常。



雖然Saphir Odoriko定位係旅遊列車，但喺東海道線運行速度一d無留力，唔似四季島咁會留力放慢少少跑。

車底冷氣機機組




喺伊東同東京站再細心睇車身同拉花設計，覺得好有日立英國800 Series味，或者歐洲列車味