今朝東鐵係咪出過事？南行班次勁疏

每朝9點左右喺上水搭東鐵出去返工。
依個時間差唔多過上繁，可能羅湖有車要收，耐唔耐要等4-5分鐘。
但今日送車尾下一班竟然要6分鐘。
見到再落啲站，南行班班隔5-6分鐘+幾卡紅晒就feel到唔對路，仲疏過非繁。
即刻改搭其他車出去，反而上行keep住2分鐘一班。
唔知今朝東鐵係咪出過事？有冇師兄朝早都搭過東鐵返工？

近來東鐵好似特別唔穩定咁, 但又冇事故通知
尋朝早見紅磡過海段九卡全紅, 同時間荃灣綫過海段都只係橙黃色

Quanta 發表於 2026-1-29 16:12
近來東鐵好似特別唔穩定咁, 但又冇事故通知
尋朝早見紅磡過海段九卡全紅, 同時間荃灣綫過海段都只係橙黃色 ...

可能影響唔太明顯所以冇通知。
如果上繁東鐵過海段全紅唔出奇，食晒屯馬同東鐵兩條線過海返工嘅人流。

我前一日28號朝早8:33左右紅磡南行都發現疏咗，大約3-4分鐘一班，需知道平時可以密到前車未走晒已經播下一班車即將到站。

好在紅磡站大上大落，我都係等第二班車就上到。

另外，近幾個禮拜發現金鐘站東鐵北行，吉車入站後，停大約七八秒先開車門，之前係停車即開門的。