1X 竹園邨<>尖沙咀碼頭 (經:橫頭磡) 1輕微減班

miklcct 發表於 2019-11-9 12:35
5X去程的確係假特快，實質同5P無乜分別，重有2X東行都一樣係假特快，旺角上車同2A無乜分別。行同一條路嘅 ...

7做到竹園、馬仔坑嗎？呢兩度先係1X主菜喎，之前有版友講1上繁竹園總站可以一站坐滿。而橫頭磡上7，要喺樂富兜一圈先去返聯合道，遠遠唔及1X直接快捷。

仲有，你知唔知行公主道天橋>常興街>培正道>窩打老道係快過窩打老道>亞皆老街>窩打老道㗎？呢度有比7慳到啲時間。

tzuyu.taiwan 發表於 2019-11-9 13:35
7做到竹園、馬仔坑嗎？呢兩度先係1X主菜喎，之前有版友講1上繁竹園總站可以一站坐滿。而橫頭磡上7，要喺樂 ...

行多0.4公里重要轉多個彎會快得過跟7咁窩打老道直插？我就唔信啦。你話7做唔到竹園，咁喺7抽兩班車做特別班次咪得，喺竹園開，收5.8，跟2B行法到浸大轉返做4.9，然後跟足7出尖沙咀碼頭，反正樂富出尖沙咀嘅都保哂鐵，短途客去窩打老道何文田嘅行出出面搭特車都唔過分，起碼有原本7嘅客打底唔會載空，好過你條所謂假特快掠水重要未必載得滿出窩打老道。

miklcct 發表於 2019-11-9 19:58
行多0.4公里重要轉多個彎會快得過跟7咁窩打老道直插？我就唔信啦。你話7做唔到竹園，咁喺7抽兩班車做特別 ...

我呢條線講明掠水，同3X、5X、203X一樣，配合近年九巴作風。唔加價嘅特別線一早絕咗種啦，你停留喺五年前？

tzuyu.taiwan 發表於 2019-11-9 20:16
我呢條線講明掠水，同3X、5X、203X一樣，配合近年九巴作風。唔加價嘅特別線一早絕咗種啦，你停留喺五年前 ...

你睇下條213D咩死樣啦！話就話13D嘅分支，點知同27根本無分別，重要收貴27 2.9，結果咪一直載空，27繼續逼爆囉！
5X北行起碼係真得快，南行其實好假囉，根本只係靠執5同5P嘅雞，3X起碼叫做有得飛下太子道東，個X唔假得哂，203X就真係搵笨啦，同203E相比只係上海街同彌敦道嘅分別，又係靠執203E嘅雞。你嗰條假特快得龍翔道以北3個站同1同站，之後已經完全無得執啦，重要因為根本唔快嘅關係，橫頭磡嗰邊同7又唔同站，唔會有誘因特登去就時間去搭，出到窩打老道連站都唔停，想執下7、81C、271雞都唔得，等載空啦！

miklcct 發表於 2019-11-9 20:29
你睇下條213D咩死樣啦！話就話13D嘅分支，點知同27根本無分別，重要收貴27 2.9，結果咪一直載空，27繼續 ...

要解釋嘅我已解釋咗。我唔覺得要再曬時間同你糾纏落去。