[合輯] 九巴將軍澳路線建議

建議：

I.
1. 開辦九巴91A，康盛花園往鑽石山站，經翠林、寶琳、厚德、科大、清水灣道、彩虹站、新蒲崗、鳳德，平日上繁一班。
2. 開辦九巴91B，康城站往鑽石山站，經峻瀅、百勝角、清半、銀澳路、坑口站、坑口北、坑口道、科大、清水灣道、彩虹站、新蒲崗、鳳德，平日上繁一班。
3. 九巴91M西行平日08.00班次取消。

原帖：https://www.hkitalk.net/HKiTalk2/thread-1156813-1-1.html?mobile=2

II.
1. 93A延至啟德郵輪碼頭，加經觀商區、兒童醫院，調整班次，設分段收費。
2. 5R削減1輛用車予93A，減至30分鐘一班。

原帖：https://www.hkitalk.net/HKiTalk2/forum.php?mod=viewthread&tid=1132856&mobile=2

III. 開辦93P，寶琳至香港兒童醫院，經康翠、寶達、秀暉樓、觀商區。

原帖：https://www.hkitalk.net/HKiTalk2/forum.php?mod=viewthread&tid=1132523&mobile=2

IV. 95M西延至九龍灣(企業廣場)，加經花園大廈、MegaBox，調整班次，設分段收費。

原帖：https://www.hkitalk.net/HKiTalk2/forum.php?mod=viewthread&tid=1132808&mobile=2

V.
1. 98P全日服務，回程除現行班次外，途經將隧。
2. 98D延長至科大(南)，不再途經寶琳。

原帖：https://www.hkitalk.net/HKiTalk2/forum.php?mod=viewthread&tid=1137127&mobile=2

VI. 296D來回不復途經佐敦道/加士居道及彌敦道，改經漆咸道南及梳士巴利道，班次及用車不變。

原帖：https://www.hkitalk.net/HKiTalk2/forum.php?mod=viewthread&tid=1137852&mobile=2

(II, III, IV) 想特別回應一下，如果106遲d招到標開番，咁95M仲有無需要入九商區呢？如果95M、111、106入晒九商區，又有93K、105繼續入土瓜灣，咁其實297對寶林基本上無咩意義，紅磡果邊上又耐，結果坑口又係陪兜圈，完美咁試範咗咩係資源未能得以善用。咁當然呢樣嘢現時都已經出現緊，只不過如果再拉95M就只會更明顯。93A延唔延長入啟德唔緊要，但會唔會係時候諗吓將軍澳半山多條線同樣往觀塘、但途經上落客車站不同ge問題呢，與其進一步拆線延伸抽車，倒不如考慮合併加班？

(V) 會唔會太唔可行呢？98D現時非繁靚ge時段近乎每班都可以爆住入將軍澳，只不過近年唔知係交通狀況差咗、定係車收得多咗，所以見親個班次都唔係時間表上果回事，但非繁靚果陣依然可以坐爆全車，非繁何文田都要企。早幾年減過一次班，但依家6-10分鐘佢再開到有緣人班次，15分鐘又得，59分鐘都得，甚至實際無咗ETA果班都得。先唔講究竟康翠同科大非繁究竟會有幾多客出佐尖，淨係6-10 officially變15已經唔掂啦，仲要係連91M都坐唔爆ge時段加多架車入科大。

(VI) 贊成。

ViviTse 發表於 2019-11-30 04:39
(II, III, IV) 想特別回應一下，如果106遲d招到標開番，咁95M仲有無需要入九商區呢？如果95M、111、106入晒 ...

IV. 我嘅方案係95M喺唔加車下拉去企廣。其實95M客量就係頹，我亦唔指望拉入企廣客量會大幅提升，只係想條線盤數冇咁爛。要注意嘅係，111小巴收得貴，而我建議95M新增路段收5.2，加上95M經停翠林、康盛總站、秀茂坪道，相信會吸到班貪平貪就腳嘅客。

觀塘山山頭主義嚴重，我比較悲觀，唔認為93A、95M、98A合併會搞得成。

V. 98D拆線有三大目標：首要係俾坑口有特快嘅將隧口接駁線，其次係俾康翠有九巴獨營嘅將隧口接駁線，之後係俾科大有將隧口接駁線/全日直出市區線。九巴多年嚟頹做將軍澳，好多線班次都愈拉愈疏，唯一仲有拆線條件嘅得98D(以目前用車數目，98C拆線係零可能)。而98D拆線後其實唔一定要拉新98D去科大，只係我驚齋做坑口、景林非繁會唔夠客，順便想俾科大有將隧口/市區全日線。

tzuyu.taiwan 發表於 2019-11-30 17:21
IV. 我嘅方案係95M喺唔加車下拉去企廣。其實95M客量就係頹，我亦唔指望拉入企廣客量會大幅提升，只係想條 ...

IV. 95M收$5.2落九龍灣，我諗呢樣個難度同叫111收少4蚊無分別啦。九巴全將軍澳區出九龍灣(啟業邨, 九商區, 九龍灣站, 九展, etc)ge路線有6條：93K, 98D, 297, 296C, 296D, 296P，淨係計回程，佢地係收緊$7.2-9.9不等，而111果$9.6亦都係lies within the range。當然我無話過九巴個收費會合理化/唔合理化111個收費，但要九巴由$7.2-9.9一下子降至$5.2，邊有咁大隻蛤乸隨街跳呀~ 如果有就真係要驚啦，個班次究竟會變30定60呢 至於觀塘咩山頭主義難搞都無辦法啦，但睇吓佢有無心搞啦，如果有心搞，98A用93K整雙向分段慳車(淨係繁時先開短途)，而93A同95M就拉入觀貿區、坑口做大循環，順便經埋觀塘，班次密過95M分分鐘佢地無蝕㗎wo。

V. 如果講坑口隧道線(全日經寶順路)，我諗98B/S揾方法合併又好咩都好，用佢黎改始終好過將一條儲好晒客ge 98D班次一減再減，你都應該好清楚唔係好耐之前減過一次班啦。至於康翠將隧線，九巴轉乘講真有何用呢？康翠出觀塘有98A，出旺長有98C，出土瓜灣有93K，係差條尖咀全日特快姐；而無跨公司轉乘下，叫做稍為有用d ge 798同694都轉唔到，咁九巴轉乘真係意義不大，更何況康翠已經身在半山，要屈番落將山下再塞次將隧未必太大吸引力。至於科大駁將轉站，我諗唔到有咩用，要出觀塘/黃大仙區ge坐咗91/M，要出港島ge11轉咗鐵，even有條九巴線科大出將隧，都始終轉唔到694。而全日拆線可以唔加車，我諗全將軍澳都無一條線做到，更遑論98D係靠實際搭車時間(等車到落車)揾食。

ViviTse 發表於 2019-12-1 03:23
IV. 95M收$5.2落九龍灣，我諗呢樣個難度同叫111收少4蚊無分別啦。九巴全將軍澳區出九龍灣(啟業邨, 九商區 ...

IV. 95M嘅建議係幾個月前出。宜家諗落，5.2呢口價的確過平。但我諗收費都一定低過111嘅9.6。

V. 康翠除咗將隧口接駁線，其實更需要全日尖沙咀線，我認同呀，而全日化嘅98P兩樣都做到！至於98A/98B同98C/98S全日分拆，恕我真心認為難以成事。全將軍澳得98D一條線班次夠密，甚至用車其實都要問山上拎多三部(不過因為換到全日尖沙咀線，相信佢哋會受)用以拆線。當然你問我自己98D係咪應該拆線，其實我係不置可否，呢份建議只係提供一個方案俾坑口有直出特快、康翠有全日尖沙咀線同科大有全日市區線。

tzuyu.taiwan 發表於 2019-12-1 11:25
IV. 95M嘅建議係幾個月前出。宜家諗落，5.2呢口價的確過平。但我諗收費都一定低過111嘅9.6。

V. 康翠除咗 ...

IV. 如果拉95M，平過111唔出奇，我估$7.2啦，但首要係拉95M。依家九巴寶林<>九商區係收緊297 $9.9，忽然收平幾蚊未必係易事，更何況297本身有105、106、111、93K競爭，若再自己搶自己客，非繁分分鐘寶林段都不保。至於秀茂坪亦可能會反對，本身咁平落觀塘，忽然加到7個幾。

V. 全日尖咀線比康隧線更實際，但全日98P可行性真係低咗d。一來班次斬半，做多ge只係康翠（預期客量比98B/S全日所新增服務ge康城客量更少），而疏咗仲有邊個肯搭呢。二來，寶林段一係會經寶康路/寶豐路落隧道而停少咗好多個站，一係會寶琳北路兜一次、欣景路兜番一次，結果係拆線減班之餘仲要加一堆車。三來，漆咸道、彌敦道由朝塞到晚，近年都一直有聲音開始討論緊98D/296D/796P等等會唔會考慮經理工、尖東先去避塞車位，而攞上繁98D特同102條龍去比，可見除咗出將軍澳ge速度唔慢得之外，去到九龍區塞咩位都好重要；換言之若98D拆線，過咗將轉站之後，再加上疏咗一半，客量未必會如想像中咁好。而若果98D真係全日拆線，加車或者山上抽車會勢在必行，否則只會係變相大減班。而98B/98S全日後所到ge觀塘道/長沙灣道一帶唔係唔塞，只不過去塞果個位已經差唔多大家落車，對客量影響會較細，同埋都係果句，轉乘效果較強。

若果打算新增康翠尖咀ge巴士，拎93K觀塘道後往尖東係其一方法，但於觀塘區議會受阻撓可謂估計之內；另一方法為安達臣發展區最後果幾期（安達、安泰以外ge樓）發展好之後，213X再分拆，一條秀茂坪入翠林，一條安秀道自用，但當然牽涉受眾更多，搞得黎仲有排；仲有一個方法係98D逆走，康盛開，但咁做就算康翠都唔會多謝你，因為佢地想要超特快，而坑口圈亦唔會多謝你，因為由坑口圈兜出坑北再落將隧一樣唔見得吸引，而改半圈就到富寧反對、回程半個坑口真空。所以三個方法都難，但始終比98D/P全日拆線更可行。

ViviTse 發表於 2019-12-2 03:12
IV. 如果拉95M，平過111唔出奇，我估$7.2啦，但首要係拉95M。依家九巴寶林九商區係收緊297 $9.9，忽然收 ...

兩點：
1. 全新95M只限新增車站加價(去程用落車拍卡補錢嘅方法)。
2. 我嘅98D/98P重組方案要喺山上線抽多三部車，而你始終未講到98A/98B或98C/98S要加多幾多車、車從何來。