23M九龍灣特行車時間及在九龍灣兩站的落客人數

EX-TL 發表於 2020-1-20 22:32
連你影出嚟都睇唔到有字, 只見一張過膠白紙遮住八仔嘟卡位, 就唔好怪老人家睇唔到啦, 你問下呢度所有板友 ...

車外反光望唔到啫
上車拍卡有大大張紙遮住,咁都睇唔到有乜好講?

當好多正常人都睇唔到啲貼得勁吸引勁天花龍鳳既彩色poster時  你嗰張咁既手寫野會傳老人家睇到? (門口張彩色只講去商貿區 冇話過可以返樂華添。。。)(我真係聽過有人喺開線3個月後先知有290 仲要好似開心大發現咁誇張)

MT695 發表於 2020-1-21 01:45
車外反光望唔到啫
上車拍卡有大大張紙遮住,咁都睇唔到有乜好講?

拍照水平同人嘅高度一樣, 反光非因車門玻璃反光, 即係俾著你搭呢架車, 都有可能因為反光而睇唔到白紙寫乜.

就算唔反光, 老人家嘅習慣性, 上車就專心擺張卡埋去部機, 唔會因為有張白紙遮住橙色八仔圖案就唔識拍卡, 拍完後放低手, 專心一意行入去搵位坐, 就係老人家搭車模式, 後生仔一眼關七就可以話佢唔睇嘢, 點樣期望老人家同後生一樣嘅水平.

23M往樂華方向自從裕民坊 物華街改為單方向行車後, 已經三十年冇改過路, 特班頭牌仍然係show樂華, 上車門整兩張彩色大字報去九龍灣商貿區, 人哋唔一定get到個意思, 去牛下老人家居多, 呢個時間係去街市附近飲茶買餸, 唔停牛下就整得咁難睇, 搭錯車都正常.

樓主仲話人地個腦唔知諗乜, 開個po出嚟踩完客量, 又踩埋老人家, 影張相出嚟反晒光, 你都睇唔到有字, 仲要話上車拍卡就會睇到, 根本九巴同樓主呢類巴膠一樣, 以為整左人哋實會睇到, 睇左又一定明白, 人哋get唔到係人哋嘅問題, 唔諗吓自己做得夠唔夠, 好唔好, 唔會為受眾諗多少少, 睇吓有冇改善空間, 啲重要資訊仲停留喺過去手寫字鬼畫符嘅年代, 有進步嗎?

EX-TL 發表於 2020-1-21 11:54
拍照水平同人嘅高度一樣, 反光非因車門玻璃反光, 即係俾著你搭呢架車, 都有可能因為反光而睇唔到白紙寫乜 ...

佢唔睇,睇唔明又唔出聲,你又可以做d咩幫佢?
唔通你要個司機每一個人上車都問一次人去邊?
揸車已經要用神,仲要分神應付幾廿個客,司機都辛苦啦
世界會變,所有野都唔會理所當然

當年6延長,事隔幾年都仲有人黃昏企美孚總站等車
怪得邊個?