真係多謝港鐵，冇故障下本來25分鐘車程變咗40分鐘

夜晚九點幾鑽石山返青衣，一落月台見到下班車5分鐘，太子轉荃灣線目送車尾又6分鐘，去到荔景知道又送車尾，見下班車9分鐘，實際隔成12分鐘，點解？東涌線車臨閂門，就聽到播往荃灣列車即將到達

日頭由太子轉觀塘線都係送車尾，港鐵口中話減班只係等多兩分鐘，結果埋單等多十分鐘都有，仲要講緊同以前未減班前送晒車尾情況比較，心諗設計時間表個同事係咪玩嘢

九巴咁疏 就算佢疏極都仲有人搭鐵唔揀直達嘅42C

所以我覺得青衣好唔抵，實際位處於都會區但每次搭鐵出市區都幾乎要等多幾分鐘。今次港鐵減班對市區客影響無新界及離島客咁明顯。

keilingha 發表於 2020-3-9 18:59
所以我覺得青衣好唔抵，實際位處於都會區但每次搭鐵出市區都幾乎要等多幾分鐘。今次港鐵減班對市區客影響無 ...

其實無論搭邊條線減班幅度都咁明顯，尤其星期六同夜晚，反而市區四線同東涌線平日非繁同以前差唔多。

星期六日夜晚市區四線6分鐘一班，東涌線12分鐘一班，班次唔止癲過十幾年前，時間表仲要唔夾，太子站行過對面月台半分鐘都唔洗，等1分鐘同5分鐘其實一樣都係要等，諗唔通嘅就係點解時間表要SET到班客等足5分鐘先轉到車？記得以前市區5分鐘一班年代，太子站兩個方向轉車明顯夾過時間，一落車半分鐘對面線嘅車就埋站，本來呢一兩年轉車站啲班次已經唔夾，琴晚咁樣真係火都黎，官方乘車時間話就話29分鐘，加多10分鐘就差唔多

Quanta 發表於 2020-3-9 01:44
九巴咁疏 就算佢疏極都仲有人搭鐵唔揀直達嘅42C

但42C好兜，同埋最近都好似cut咗班次

gsrc0525 發表於 2020-3-9 21:04
其實無論搭邊條線減班幅度都咁明顯，尤其星期六同夜晚，反而市區四線同東涌線平日非繁同以前差唔多。

星 ...

夜晚的確係六分鐘一班亦等得辛苦，但其實星期六日嘅日間部分時間仍能唯持三分鐘咁上下一班，相對東涌綫、東鐵綫、馬鐵綫等就俾佢一刀切減到全日都過六分鐘一班，根本就無得避，而且新界人及離島人出市區普遍轉綫次數較多，所以累計等車更耐，浪費更多時間。