你接受安樂死嗎 ?

假如你有親友或自己 ,
病情已經到左末期 .
而醫治過程又十分辛苦
那麼你會否讓他/自己去接受安樂死嗎 ?

俾著係我自己想就緊係想啦,但法律唔容許丫嘛,
叫我親人/醫生幫我拔喉我就會害到佢坐監
如果親人想死我地幫佢拔喉咁我地又會坐監
有時d野真係好殘忍

拔喉並非安樂死,
而係自然死

仲有當病人陷入不可逆轉的深度昏迷(腦幹死亡),
拔除人工維生儀器自然死才是尊重生命的做法

吉

[ 本帖最後由 fokck 於 2006-8-20 00:18 編輯 ]

本來俾唔俾施行安樂死應該係要完全出於當事人既決定，而
唔係由其他人，包括家屬，去作決定或影響到當事人。不過
好多時要到安樂死既人一係植物人，一係就重病到要靠儀器
維持生命既人，再唔係就係康復機會得返好低既病人。好多
時佢地已經無理智清晰既思維去落 judgement，又或者佢地
已經失去溝通能力去表達佢地既意願。響未徵得當事人既意
見既情況之下，如果由家屬單方面去決定行安樂死，不論係
咪出於好心，係咪想停止病人既痛苦都好，咁似乎同謀殺無
乜分別。

安樂死如果要被合法化或規範化就會有好大既潛在危機。究
竟個決定由邊個做，係家屬定係當事人，都好有可能會有人
(特別係第三者)為求達到某種目的而影響到應否施行安樂死
既決定。一個本身係為左同情受盡痛苦折磨既人既制度，最
終可能會被濫用。而人死不能復生，做錯左一步就點都無得
反悔同補救。

要真正去對受病魔折磨甚至同緊死神掙扎既親人表達同情同
憐憫，應該係家屬既關懷照顧、心靈上既支持同埋愛，而唔
係以終止生命當作一個所謂既解脫，因為安樂死實際上係一
種逃避。