[分享]今天遇到的事

今天遇到的事
今日坐地鐵往九龍灣,有個男人係旺角站上車,當時列車上仲有好多位,
佢衝左入黎(當時我坐係車尾,最後一度門,挨玻璃位),將我手上既電話成部撞左去第二邊既玻璃位
之後該男人幫我執番,一聲唔出就坐我隔離,但我部電話已經明顯地花哂,

我:喂,你咩意思呀,而家花哂,點算先?
佢話我:冇野呀你先生?

咁我就費事係車入面嘈,我就跟佢落車同佢理論
到佢落車我同佢既對話:

佢:做咩跟住我
我:你撞跌我部電話,花哂,點計數
佢:你點證明你之前部機冇花
我:咁就算係呀,你都要道個歉掛,一句sorry都冇,
佢:下,咁地鐵入面咁多人你就咪鬼玩電話啦(重申一次,該時佢第一個上車,冇人同佢爭位)
我: 咁你講哂佢啦
佢:唔好意思,幫你唔到

那個男人就走左……..

好唔明白而家d人點諗野, 你撞到人可以sorry都唔講
而家仲要撞花我部機,又係sorry都唔講,咩意思先?
怪唔知得而家香港人比人印象咁差lor, 多得呢d人唔少!!

P.S.:可能板友們覺得我好無聊,但我純粹分享
不喜勿插

依家好多人好無禮貌

上次同媽坐馬鐵, 我係第一道門等車la,
之後有對男女, 係我後面等, (度度門無人
唔等, 係要我後面)...

之後車黎到, 上車, 個男人好想爭位, 一黎
係我後面係咁推我, 我俾我媽行我前面,
佢係後面係咁推, 講真, 我前面都無咩位俾
佢行, 都唔知佢推乜....我亦無"讓"佢r

之後佢以平淡語氣, 似鬧非鬧般, 連講2句4字粗口鬧我
(當然鬧埋我阿媽la那一句)....

我唔想同佢噪, 我阿媽又係度, 廢事搞大, 我
無理佢....

真係有無搞錯, 咁多道門, 係要跟我尾, 本身無問題,
但排隊o既, 你要爭位都唔好推人, 推唔到, 仲要鬧人

乜野人黎....

[ 本帖最後由 3ASV196 於 2006-12-6 00:06 編輯 ]

建議樓主報警，或用手機影下該人面貌，以便追究。

原帖由 superay 於 2006-12-7 11:39 發表
建議樓主報警，或用手機影下該人面貌，以便追究。

可能上次太好心了..
因為發生o係列車上
唔想阻到其他人的關係
所以冇拉緊急制找車長幫忙
但經過今次教訓後
明白左自己唔出聲,最後結果都係自己食番(花了的手機..)
下次對住呢d人都係唔好太好心了

原帖由 marioso 於 2006-12-7 03:22 PM 發表

可能上次太好心了..
因為發生o係列車上
唔想阻到其他人的關係
所以冇拉緊急制找車長幫忙
但經過今次教訓後
明白左自己唔出聲,最後結果都係自己食番(花了的手機..)
下次對住呢d人都係唔好太好心了

如果你拉緊急制搵車長幫忙就到你唔岩!
呢D小事又唔係影響成架車乘客既安全
何況手機一定有機會花

為左件小事又叫人賠,又跟住人地,
人地唔報警你都執到!下次係咁你咪報警囉
個緊急制唔係用黎處理乘客間既私人糾紛架

原帖由 CZ_6686 於 2006-12-7 16:34 發表

如果你拉緊急制搵車長幫忙就到你唔岩!
呢D小事又唔係影響成架車乘客既安全
何況手機一定有機會花

為左件小事又叫人賠,又跟住人地,
人地唔報警你都執到!下次係咁你咪報警囉
個緊急制唔係用黎處理乘客間 ...

我就咁報警警察會follow 到我去到邊咩?
而且到時我可能連一個人證都冇
(其實o係車上發生事真係煩... )
我諗好難搵到一個真係解決到呢個問題既方法

原帖由 3ASV196 於 6/12/2006 12:03 AM 發表
依家好多人好無禮貌

唔只係無禮貌，有好多直頭自私同不為自己負責任。
而且有啲人成日都會做啲咁嘅事嚟發洩情緒，
尤其係自沙士後，啲人比以前更自我，
認為為自己好，好過對其他人好。

依家日日搭地鐵，都見啲人唔會先讓人落先，
第一件時就係衝上車搶位先，完全唔跟次序。
小弟次次等車都跟地上的箭咀企，
但排隊嘅人一多，次次都有自私啲人企喺落車嘅一行搶上車，
對其他跟箭咀排隊嘅人好不公平。

有次喺九龍塘上地鐵，當時已無乜位企，小弟唯有企近門口，
但架車關門時，有班人就衝入嚟(有一大半本地人)，門關唔上再開，
上唔到車嘅人(同一班人,有近10人)就突然好大聲叫"衝上去啦" ，
小弟嚟唔切反應走開，班人就夾硬衝上車。
當時其他客見到就爭先走避，小弟走唔切就被班人係咁推 ，
班人更差啲推低個細路同女人，個女人鬧班人唔睇路，
小弟亦一齊鬧班人(心情已麻麻 )，班人就無聲出。
到太子站轉車，班人又阻著門口唔走，再搞到其他人略有微言。

唉，依家好多人都幾咁"好質素"！