談談新興投資產品–認股證(窩輪)：

近年市場出現新興投資產品，
就是認股證(窩輪)，
每日二十隻最活躍成立的股票中，
當中有部份係認股證(窩輪)。

其實認股證(窩輪)是甚麼來的，
為何認股證(窩輪)受到一些股民歡迎？

坊間有不少書籍談投資認股證(窩輪)，
都是由一些投資專家編著的。

原帖由 nwfb1110 於 2007-2-2 20:56 發表
近年市場出現新興投資產品，
就是認股證(窩輪)

唔係'新興'既,在70年代既上市公司流行用
'公司認股證'去代股息,指既係權證持有人
可以在限期前以指定价格購買該公司既股票,
由于係由上市公司所發既,因此有集資作用,
但因要股民自己淘錢去行使,交易係唔多.
到左80年代就有由商發行既備兌股權證,
當時發行商以英資既富林明及巴克來為主,
由于與上市公司無關,不須公司發股權,
因而就可以大量發行.比之于現時既權證,
當時既權證係要以實貨去交收,發行商亦要在
事前有股票供權證持有人去購買(備兌),
因此造成正股既大幅波動.
因為權證既交易混亂,證監會在5年前叫停
權證既發行,年多以后公布現時既新例,
發行商不須有實貨備兌,但要維持交投既秩序,
亦要每日呈交交易既數据,而權證亦轉為全歐式
(只能在到期日去行使)及現金結算(即行使時只係交付
'价內值'不須有股票既交收,亦因此不用付印花稅,
引致購買既成本比正股低,'升1格'都賺到錢)

不過窩輪o既風險比普通股票高,
買o既時候要加倍留意.

現時o既窩輪係分兩種, 一種係
認購,  另一種係認沽. 如果係認
購o既話, 價格升o既時候係賺;
認沽就o岩o岩相反, 升o既時候
就唔係賺.

我自己都會留意呢o的o野, 不過
我未玩過. 想知o既話, 最好睇多
o的財經報紙.

係喎, o係銀行買唔買得窩輪?

原帖由 a396 於 2007-2-7 00:10 發表
不過窩輪o既風險比普通股票高,
買o既時候要加倍留意.

現時o既窩輪係分兩種, 一種係
認購,  另一種係認沽. 如果係認
購o既話, 價格升o既時候係賺;
認沽就o岩o岩相反, 升o既時候
就唔係賺.

我自己都會 ...

只要你有任何一個證券戶口 (銀行或證券行),都可以買賣認股證(即窩輪),當然都要留意有關條款 ,而且銀行證券收費普遍比證券行高,玩輪無著數

近年窩輪多人玩係因為港交所收窄買賣差價 ,玩細價股day-trade短炒無肉食,所以先多左短線投機者改行炒輪,實行以小搏大,與此同時覺大輪商排山倒海式宣傳攻勢, 找來代言人財經演員等借勢宣傳,亦令唔少散戶投入玩輪陣營

有說窩輪可以作為一種輔助投資工具,如持有正股又怕短期會跌就可以買入相關put輪做對沖,不過實際就係大部份人玩窩輪多數都無相關正股,只係諗住可以以小搏大,當然炒輪並不是想像中咁易賺 ,實際能影響窩輪價格除左正股走勢外,還有引伸波幅 , 實際貢杆等等可以由輪商自己操控既因素,所以有時可見部份窩輪根本唔跟正股走,甚至正股升call輪會跌,特別係一d輪商知道自己要蝕錢既價內輪, 而一d成交無咁活躍既窩輪買賣差價更隨時相差幾個價位,即係就算正股唔郁,散戶即日買隻輪即一沽都要蝕差價,更重要既一點係,輪商自己亦強調"莊家(好聽d就係話發行人)可能係唯一報價者",說穿了而家既輪只係同輪商大戶對賭,非正式調查顯示80%玩輪既最終都係輸錢 , 對於投資新手都係不掂為秒

[ 本帖最後由 hr1918 於 2007-2-7 07:15 編輯 ]

原帖由 TL 於 2007-2-7 12:55 發表

三年前成為股民既我, 入市後兩個月已經開始玩輪,
當時0岩0岩遇著大調整, 又唔識揀輪, 當年又唔似得宜家咁多廣告同節目講窩輪,
所以窩輪損失慘重, 經過 04 年學習之後, 曾經有段長時間完全冇輪在手,
到去年 ...

唔係話無機會賺既 ,如果坐岩大戶輪商順風車仲隨時執唔少
除左揀岩輪之外就真係要貼市睇實正股同輪走勢之掂,而家呢d市唔貼市真係好難玩，所以而家只玩正股

原帖由 053h4 於 2007-2-8 23:51 發表

影響窩輪的其中兩個因素是波幅及時間值
在大抄完的整固期或持倉時間較長(如數個月)
不考慮股價因素, 其價值都會下跌

如非做對沖, 窩輪只宜短抄, 否則"易輸難贏"

時間值都仲容易睇
引伸波幅先任佢up
發行商可謂立於不敗之地

近來最賤的新招
就係連價都唔出...

無謂送錢俾D一年收幾十個月花紅既打工皇帝啦

原帖由 hr1918 於 2007-2-7 07:09 發表
只要你有任何一個證券戶口 (銀行或證券行),都可以買賣認股證(即窩輪),當然都要留意有關條款 ,而且銀行證券收費普遍比證券行高,玩輪無著數

銀行炒權證最大'搵笨'點係存倉費,因為權證价格低,1手可以低至几百蚊,但銀行公价
每手收$10,有'免佣'优惠都係補唔番(某銀行指'即日鮮'免收存倉費,根本唔算係优惠,
因為'即日鮮'係唔使做股票交收,無倉可以存)

原帖由 alexero 於 2007-2-9 23:37 發表
近來最賤的新招
就係連價都唔出

在新既權證法規,發行商有責任提供買賣流通量('牌')及指定差价以下既報价,
可以係'持續'報价(可以睇到有牌)及'回覆'報价(即係要你打電話去發行商
叫佢去報价,規定在接到電話后1分鐘內就要開价)
如果睇唔到發行商既牌,估計係因該權證買賣不活躍及'末日'發行商
無'做庄'意慾,又或者該權證合理价低于1仙,係可以不開价既.