1992年個場雨, 小弟都好難忘..
個時小弟應該讀緊K2, 好彩地係返下午班(唯一一年因為學校制度而要返下午班)...
個時小弟家住耀安, 個時又未有頌安, 一望出去應該唔係填緊海的爛地就係海及安置區..
好記得個日未到中午, 馬鞍山路V位已經水浸, 浸到連排頭位的85K(一部S3N)都唔敢過...
成個馬鞍山(個時馬鞍山應該只得馬鞍山路, 恆康街, 西沙路, 錦英路)都塞到死晒...
所以好多私家車都改道西沙路經西貢出入..
點知, 個日稍後時間, 近麥邊的西沙路有山泥傾斜, 來回線全部封閉
結果, 馬鞍山對外交通完全癱瘓, 當日黃昏下班人士, 需要於馬鞍山路下車, 然後行經城安回到馬鞍山.
到第二天早上, 馬鞍山出沙田才大致回復正常, 而西沙路個邊, 仲要封多好幾個月, 連299都只能去到企嶺下老圍
(個時係有條299S定299P的, 用AT)...
後來, 西沙路所謂既通車, 都只係掘開左邊近BBQ場的路, 掘夠位置俾車過, 到好多年之後, 個幅護土牆整返好,
先至回復正常. |