[2023.05-06] 周遊九州 (多圖)

五月尾去了一轉九州自由行，現分享一些鐵路照片及影片。

今次用全九州 Pass，本體價 18,500 円，有兩程特色列車網上訂位每程 1,000 円，總使費 20,500 円，以結賬時匯率計算，約值港幣 $1,170。上一次去九州鐵路遊係 2012 年，11 年過去，現在多了網上訂位這回事，而 JR 九州網上訂位係開車前 30 日 10:00 開放，特色列車全車指定席，一票難求，安全起見必須預先訂位。旅程以博多為中心，即日來回熊本、鹿児島 (x2)，有一晚出去由布院及別府，而張 Pass 只需搭一次博多～鹿児島來回就回本，賺夠有突。

（延伸閱讀：飛行報告　巴士雜攝）

Part 1　九州新幹線

總共搭了 7 程新幹線，內容大同小異，特別抽出來作簡單介紹。


▲博多駅新幹線改札口，上一次「在九州搭新幹線」係 2011 年搭山陽新幹線去小倉，「搭九州新幹線」就係第一次。


▲博多駅係山陽新幹線及九州新幹線交接點，設有 11-16 號共 6 個月台，由 JR 西日本管理。


▲みずほ（Mizuho／瑞穂）為九州新幹線最快車次，JR 九州管內只停博多、熊本、鹿児島中央三站，博多往熊本只需 34 分鐘，往鹿児島中央只需 76 分鐘。第二快為さくら（Sakura／桜），車程 90±6 分鐘。最慢的つばめ（Tsubame／燕）大約需時 108 分鐘。


▲博多駅新幹線月台採用 JR 西日本風格站牌



▲N700 系，8 輛全動力的 R 及 S 編成分別屬於 JR 九州及西日本，乃為九州新幹線度身訂造，今次全部新幹線車程都係搭佢。








▲攝於熊本





▲攝於鹿児島中央




▲攝於久留米


▲指定席為 2+2 排列


▲自由席為 3+2 排列


▲駁卡位



▲已無用的電話


▲梳妝位


▲三車鼎立






▲JR 九州 800 系，只造了 9 抽，其中一抽在熊本地震中損毀廢車而只剩 8 抽，今次旅程並無乘搭。


▲鹿児島中央的 800 系海報



▲JR 西日本 N700S 系




▲JR 西日本 700 系 Hikari Rail Star





▲非常幸運地遇到 JR 西日本 500 系，我爸見到以為係新車，我話係該段路現存最舊款。


▲500 系超人


▲博多往熊本影片剪輯（右側）


▲熊本往博多影片剪輯（右側）


▲博多往鹿児島影片剪輯第一段（左側），在博多総合車両所可以見到兩節新幹線 100 系雙層車廂、一節 0 系車頭及一節試驗用 WIN350 車頭。另外，新鳥栖至久留米距離只有 5.7 公里，3 分半鐘內行完。


▲博多往鹿児島影片剪輯第二段（左側），在熊本車両中心見到 SL 人吉煤煙，通過新八代時見到軌間可变電車試驗路軌，亦即 2004-2011 年期間 Relay Tsubame 轉車月台。


▲博多往久留米影片剪輯（左側）

Part 2　SL 人吉、熊本

我在 2019 年去完英國後開始愛上蒸汽火車，打算有機會去九州就搭下 SL 人吉。可惜後來碰上疫情封關，而 SL 人吉原本行駛的肥薩線更在 2020 年 7 月豪雨中嚴重損毀長期封閉，不幸中之大幸當時 SL 人吉因疫情停駛不在路上。「老家」無路行，列車在同年 11-12 月選定日子以「SL 鬼滅の刃」為名行駛熊本～博多，然後於 2021 年夏季改為行駛熊本～鳥栖。2022 年 10 月，JR 九州宣布由於機件老化，SL 人吉行駛至 2024 年 3 月便會結束（58654 号機於 1922 年生產，已達百歲高齡）。此時終於迎來疫後開關，但 SL 人吉冬季停駛，我等到今次旅程才可以安排。

SL 人吉只在星期六日各行駛一轉來回，朝早由熊本以蒸汽機車帶頭行到鳥栖，下晝由柴油機車整列倒拖返熊本。既已公布最後一年行駛，加上疫後復常，我都預計會非常搶手，模擬後發現熊本往鳥栖一程網上訂位一開售即秒殺。追尋下知道可在開售日前再推前 7 日做預留，但只能註冊 JR 九州戶口付全費 1,680 円，不能用 Pass 名義加 1,000 円，能否成功預留亦要在正式開售後才知道。我姑且一試做網上預留，結果都係留唔到位。嚴格來講，若只想坐車的話，回程由鳥栖往熊本會有位，但倒後行氣氛大打折扣，亦令前後行程諸多制肘，無謂浪費時間。搭車唔成，無人話唔可以影，於是旅程第二日就落熊本影 SL 人吉，順便遊覽經歷 2016 年地震後，最近重開的熊本城。


▲熊本熊歡迎你


▲熊本駅在來線站名牌


▲恭候 SL 人吉





▲2018 年登場的 821 系電車


▲熊本駅在來線月台採用「缺角形」設計，2、5 號月台軌道只有一半長度；1、4 號月台雖然接通南北，但月台只得一半長度；只有 3、6 號月台用盡全部長度。圖中最左邊為 1 號月台、最右邊為 6 號用台，我站在 4 號月台尾，對住 5 號月台軌道。


▲821 系開車影片


▲SL 人吉入站







▲6 號月台無得由對面觀察車輪，月台上亦非常多人，好難影到靚相。


▲穿上時代服飾的操作員落力加煤


▲車身圖案好似「囚」字


▲準備出發


▲SL 人吉出發影片（音量注意）


▲感謝 SL 人吉


▲熊本駅外觀宏偉得來平實






▲從旁邊大廈影落去


▲1993 年出廠的 8000 形復古市電 101 号




▲熊本城




▲天守外望


▲1955 年出廠的熊本市電 1095 号


▲1954 年出廠的熊本市電 1085 号

Part 3　指宿、西大山

之前家人自駕遊去過一次指宿，而我除了 2001 年在志布志落船之外從未踏足鹿児島県，一於去見識下。


▲指宿のたまて箱（指宿之玉手箱）每日開三對來往鹿児島中央及指宿，一個月前網上預訂都唔係太多選擇，09:56 太早，13:56 冇乜人揀但太晏，衡量之後決定搭 11:56。


▲JR 九州出名多特色列車


▲指宿之玉手箱開出後，緊接開一班普通直掃到尾，係指宿枕崎線為數不多的全程列車之一，每日僅南北行各三班。


▲鹿児島中央駅在來線站牌


▲817 系電車


▲行走特急きりしま（Kirishima／霧島）的 787 系與兩列 817 系。787 系 1992 年登場，在九州新幹線通車前行走博多至鹿児島之間的 Tsubame 在來線特急，其後足跡擴展至宮崎、大分、長崎等縣，真正做到「Around the Kyushu」。



▲指宿之玉手箱到站


▲開門時門頂噴出蒸氣，象徵浦島太郎從龍宮回來後打開玉手箱。一車走天涯，時間表編得好緊密，到站落客又到下一批上客然後立即開車。




▲車內採用特別布局，部分為共用空間，故可作指定席的座位甚少。此處左邊為共用梳化，右邊為小童座椅，甚至有一個 BB 籠。







▲車內雜攝


▲鹿児島車両センター（車輛中心）


▲開車不久列車員就來兜售貨品，我買個 file，又同家人一齊買布甸。



▲布甸好香滑，底下用芝麻糊模擬指宿熱沙。


▲我坐望海橫向座位。列車一開就非常搖晃，一直不敢離座，亦無法探索另一車廂。列車員訓練有素，馬步極穩，即使搖到外婆橋都可以在有限時間內完成各種任務，包括拎住記念紙牌同逐個乘客影相。


▲遙望櫻島火山


▲車程 52 分鐘到達指宿。指宿之玉手箱係配合九州新幹線全線通車而設的觀光列車，拍攝時已行走 12 年。指宿駅無閘機，落車時職員會收走指定席券。


▲書法站名牌


▲與指宿之玉手箱同一配色的郵筒


▲指宿駅外觀，此站有日本最南的綠窗口（みどりの窓口），亦係最南的特急停車站。指宿以南的火車及巴士班次非常疏，無自駕之下，我地係包的士遊覽。當地業界早已編好一批指定行程，向站內觀光中心職員查詢即可安排，我地好彩遇着識講普通話的職員。選擇行程為西大山及長崎鼻，連落車遊覽總共大約兩個鐘，普通的士一車 7,500 円，同逐次計跳錶價差唔多。


▲飯後搭的士直接來到 JR 最南端車站西大山，此站與埃及 Alexandria、美國 El Paso 及中國上海在同一緯度。




▲剛好趕得切影 14:34 往指宿班車


▲幸福郵筒


▲之後繼續搭的士去長崎鼻


▲浦島太郎像


▲行到燈塔


▲左邊係大隅半島，其中一座山上出現莢狀雲（lenticular cloud）。


▲正南方遠處係屋久島，不過太遠望唔到。


▲開聞岳與地熱黑沙。指宿最出名係砂浴，不過實在太熱，臨時決定唔去。




▲龍宮神社



▲返到指宿駅，距離發車尚有時間，玩下車站外面免費足湯。當時氣溫 28 度左右，感覺「滾水淥腳」。


▲成個人㷫晒都係買雪糕好




▲車站窗口只開 07:30-11:30 及 12:30-15:15，之後就人去樓空。


▲キハ200 系（KiHa 200）快速往山川





▲重遇之前在西大山見到的 KiHa 47


▲特色站牌


▲指宿駅向北望


▲作業用車


▲搭返剛才見到的 KiHa 200 回程


▲可惜車內非常翳焗，冷氣微弱又開唔到窗。


▲指宿至二月田右側車窗


▲二月田至薩摩今和泉前面展望


▲薩摩今和泉停車，此時方知沿線雜草叢生，如此路況 JR 九州算係盡力保持速度。



▲返到鹿児島中央

Part 4　鹿児島市電


▲鹿児島中央駅的櫻島火山彩繪玻璃


▲鹿児島中央駅對面的 1000 形 1018 号（2005 年製）

以下攝於天文館通：


▲9700 形 9702 号（1998 年製）


▲7500 形 7504 号（2019 年製）


▲9500 形 9508 号（1997 年改）


▲1000 形 1015 号（2004 年製）


▲2100 形 2102 号（1989 年製）


▲又見返 9702 号


▲1000 形 1016 号（2004 年製）


▲又見返 1015 号


▲9500 形 9512 号（1999 年改）


▲2100 形 2122 号（1991 年製）






▲夜晚由天文館通搭 2 號電車返鹿児島中央，用車為 9500 形 9505 号，1996 年由前身 813 号改造而成。

Part 5　由布院之森

2012 年已經搭過ゆふいんの森（由布院之森），今次再搭，網上預訂博多至由布院竟然無位，於是試下由中途站出發，訂到久留米至由布院，要搭新幹線駁腳。


▲久留米駅在來線站牌


▲久留米係鹿児島本線與久大本線分離之處


▲上層為新幹線月台，下層為在來線。


▲久留米駅向南望


▲KiHa 220



▲815 系電車


▲由布院之森原定 09:51 到站，可能受大雨影響，稍遲幾分鐘。





▲2012 年搭 1999 年出廠的 KiHa 72，今次搭到 1989 年出廠的 KiHa 71。


▲滿滿昭和風


▲有雪糕賣


▲停在日田的 KiHa 220





▲沿途一直落大雨，估唔到只係前菜，一個月後久大本線終於頂唔住。


▲慈恩瀑布


▲剛上車時車上商店非常多人，此圖攝於落車前閂舖後。


▲到由布院



▲辛苦了


▲由布院之森影片


▲由布院駅外觀



▲在車站外某名店食豐後牛







▲實在太大雨，家人都無興趣行得遠，只能以超市為據點，我自己一個操上金鱗湖影相。好彩由布院同別府幾年前去過，唔行都無乜損失。


▲之後搭巴士往別府駅




▲別府駅橋底用作商場、超市及街市，唔使淋雨，去到酒店後面條街才開遮。

Part 6　Sonic、門司港、鹿児島本線


▲2012 年在別府晚餐後搭夜車直接返博多，今次得以在日間體驗日豐本線，搭 09:19 班ソニック（Sonic／音速）往小倉。


▲別府駅向北望


▲別府駅向南望


▲883 系及 885 系圖樣的排隊指示



▲別府駅站牌同候車室都係溫泉主題


▲883 系來到。話說我本來係搭 09:47 班車，用 885 系，食完早餐見時間尚早就改搭前一班，亦因此搭到未搭過的 883 系。


▲車內設有行李架



▲座椅設有耳狀頭枕，原先預備安裝個人音響系統，但因經費不足及技術問題而擱置。雖然列車名為 Sonic，但其實同「超音鼠」（Sonic the Hedgehog）無關係，超音鼠亦唔係老鼠而係刺猬。




▲水戸岡銳治特意將車端部設計成可供流連的公共空間


▲沿途都係落雨


▲Sonic 影片剪輯，883 系設有振子裝置，「片彎」感覺幾爽，不過相片同影片都較難捕捉到感覺。


▲10:37 到小倉


▲KiHa 47


▲817 系


▲搭 10:58 普通往門司港


▲813 系




▲車內有大量宣傳海報


▲小倉至小森江影片


▲接近門司港


▲古色古香


▲回望列車


▲周圍都係古蹟


▲站長你好


▲門司港駅舎已納入重要文化財，與東京駅丸の内駅舎齊名。


▲日本郵船 ＿ ＿ ＿，家人見到非常興奮。




▲搭船過唐戸食河豚







▲別府出發時落大雨，去到門司港仍然天陰，午餐後竟然放晴，實在喜出望外。


▲関門大橋




▲返到門司港駅




▲留置線



▲連廁所都係復古風


▲搭 14:24 区間快速


▲811 系




▲車內




▲スペースワールド（Space World）駅，此站 1999 年開業，服務旁邊的同名太空主題樂園。主題樂園於 2018 年關閉，改建為 Outlet 並於 2022 年開幕，但當地居民無要求改名，故 JR 九州並無改名。


▲車站對面有一座スペース LABO（Space Lab，北九州市科学館），站名未至於太離題。



▲出閘後上電梯過天橋就去到 Outlet




▲遙望皿倉山。皿倉山有特別的登山纜車，但因時間及天氣關係無去到。


▲行完 Outlet 行 Aeon Mall


▲走時見到皿倉山上有舊雲，唔去都唔使揼心。


▲夜晚覺得個入口都有少少太空元素



▲搭 19:31 区間快速


▲Space World 駅向南望


▲Space World 駅向北望


▲此 813 系到站時非常多人，過了黒崎及折尾後才開始鬆動。


▲開車大約一個鐘後，列車離開福間進入快速區間，車內乘客大為減少，直至博多才再湧入大量乘客。


▲德政


▲20:41 到博多


▲搭埋呢程就用完張 Pass


▲小小影片

Part 7　西鉄太宰府＞大橋


▲每次去太宰府都摸下隻銅牛，原來佢與我同年。


▲天滿宮本殿正在維修，臨時本殿有特別設計。



▲楼門


▲菖蒲池


▲太鼓橋



▲四の鳥居


▲三の鳥居


▲二の鳥居



▲當日天氣預報話中午過後會落雨，果然行完參道就開始倒水，即刻衝入站。


▲搭 14:09 普通


▲遮雨棚


▲站名牌


▲西日本鉄道（西鉄）6000 形，1993 年投入服務。



▲大約 10 分鐘車程出到二日市，轉乘 14:24 急行往大橋。


▲二日市駅向南望


▲二日市駅向北望


▲西鉄 5000 形，車型本身自 1975 年投入服務，編號 5539 係 1987 年出廠。


▲這列 3000 形行走普通班次


▲我搭的急行同為 3000 形，此車型由 2006 年開始投入服務，兩車從編號來看是 2010 年出廠。


▲大橋駅 5000形


▲3000 形及 5000 形大橋駅発車影片

鐵路篇至此分享完畢，多謝觀賞。