2023 再續女皇夢 Air China 波音747-400之旅

過去三年的 Covid 可以話係 747 客機嘅惡夢
唔少航空公司都係果幾年提早退役 747。
2023 年後，地球上仲有載客的波音 747-400 客機只係剰返德國漢莎航空、俄羅斯國家航空、中國國際航空、韓亞航空、馬漢航空。

當中中國國際航空仍然擁有三架波音 747-400 ，分別係 B-2445、B-2447、B-2472。
其中 B-2472 係中國政府的首要後備專機，同 747-8 政府專機同級，平日較少行走客運航線。
B-2447 則係再次要一啲的後備專機，2018 年就錯經用佢嚟接載金正恩去新加坡。
B-2445 只係普通客機，但自從 2021 年 7 月後就已經冇再出嚟做生意，甚至有中國網民認為呢架機已經退咗役，因為架機之後都有拆件畀佢啲兄弟使用，但最終居然係上個星期復出返。

近半年來有唔少飛機迷都特登走去坐 CA 的 747-400，因為而家都叫做好固定地行走深圳至北京航線。
不過話就話係固定行一條線，實際上冇話係固定行死果一班機，而呢樣就係搭 CA 的刺激感！
因為 CA 派機確實係好漂忽，即使你係訂機票果時寫明會用 744，最後都有機會換咗另一隻機。
通常要去到臨起飛前一日，查看中國的飛機手機  App「飛常准」，望多一次會派係邊班機，就多數十拿九穩。
所以我自己都選擇去啲改飛費用較便宜的地方訂飛，而最後我都係要改一次機票。



今次呢個行程除咗搭飛機有刺激性之外
連帶過關都充滿不確定因素
事關自己的「港澳居民來往內地通行證」已經過咗期年幾，雖然話就話可以延長使用期到今年年底，
不過自己果張仲仍然在舊一代的肉色卡版本，懷疑去到關口以外其他地方已經冇人識睇，
選擇係福田口岸過關的時候，邊防人員因為見的張證太舊，個樣已經變咗好多，要求我出示埋香港身分證。
之後乘搭地鐵 4 號線去到福民站，再轉乘 7 號線到崗廈北，然後轉乘 11 號線到深圳機場。
11 號線設有頭等車廂，車費係原有車費的三倍，福田口岸到深圳機場盛惠 22 RMB
車程約 45 分鐘，不過頭等車廂冇乜人搭，同後面迫到傻的普通車廂大相大相逕庭。


因為買咗 Business Class，所以係深圳機場就有專為高級旅客而設的 checkin 櫃位
果然係 checkin 的時候，地勤就認為我係使用無效的證件
雖然已經多番解釋，不過地勸都要打電話去請示上級，當然最後都係獲得機票。
而係之後進入禁區都需要通過兩次閘口
兩次亦都係職員唔識睇我張證件，又係需要曬一番口水。


深圳機場禁區範圍


咩叫 Children's Helicopter？


先去機場貴賓室
中國國際航空使用同深圳航空一樣的貴賓室「深航尊鵬閣」



貴賓室極具中國特色
當然唔可以同一般認知一樣
去到的時候啱啱好冇哂自助午餐
熱食只可以叫麵。


食完野上返去準備登機
已經見到今程機的主角
不過睇深圳機場的設計就係令你冇得直接影隻機 ...

成為第一個上機的人。

空中服務員對於揸相機的人見慣不怪
甚至一上機已經指住叫你影個水牌。
事關 CA 的 747-400 已經成為中國航空迷的「朝聖地」
我搭的呢班機，已經有幾個揸相機的航空迷
不過會坐 Business Class 的航空迷呢，就只得我一個




今次程機自己有個少少心願，就係想坐到 747 的上層客艙
雖然過去搭 747 的次數都唔少
不過就冇乜機會接觸到上層
而 CA 的 747 樓上座位分佈係排係最後，為 80-85 行，所以我張 business class 機票係寫住第 80 幾行

Push Back

起飛

遠方係興建中的深中通道

望返香港的天水圍



餐牌

因為係正餐時間，所以係有餐食，聽講其他時間直頭冇派餐


充滿年代感的系統同埋飛行地圖
Mon 是可以 touch 的，不過好似係電阻式果隻



之後參觀下條樓梯


747 樓上的 Pantry
留意一下呢隻機由於係政府的後備專機之一
所以 Pantry 地下係用咗木地板


Landing

降落後特登走返去樓下機頭的 Business Class

頭等機艙，CA 的 744 頭等位係設於 Business Class 之後




隔離啱啱好泊左架 748

之後入住北京酒店，出示證件的時候又係遇到同樣問題
不過都係後話了

P.s

翌日係北韓宣布開關之後第二班飛往北京的航班
現場都有唔少機迷捕捉呢班機

謝謝點閱

用得嘅機得兩架，樓主全程順利真係上天眷顧。
早幾日睇到 Youtuber Sam Chui 都有搭，佢唔好彩遇着 B-2472 壞機要落機換機至 B-2447，delay 幾個鐘 。

唔講唔記得回鄉證已一批過延長有效期，等我重成日同人講自己係無證人士。

DIH 發表於 2023-9-1 11:45
用得嘅機得兩架，樓主全程順利真係上天眷顧。
早幾日睇到 Youtuber Sam Chui 都有搭，佢唔好彩遇着 B-2472  ...

自動延長效期只限原本 1/1/20 至 30/12/23 到期嘅回鄉証

好羨慕樓主響 2023 年依然可以坐到 747-400，仲要係坐上層

747-400 其實我好耐之前都坐過唔少次，但十年前開始機會愈來愈少，最後一次係 2018 年 LH FRA-DEN。本來 2019 年去完歐洲果次都有機會坐，但當時貪新鮮兼貪遲十分鐘起飛就改經 MUC 轉機坐 A359，放棄左另一次坐 744 既機會，而家後悔莫及

當然而家 LH 744 未退晒，但要我搵到時間再去歐洲，仲要夾到合適 routing 係好難

初期印象麻麻，到後期先感受到原來係寶。好多野都係失去左先識得珍惜

跟圖
早幾日都自己一個上咗去搭CA1314，惡劣天氣班機延遲咗接近五個鐘頭。好彩去程買咗公務艙可以喺候機室食住訓住等，最後都可以順利乘上到機之後喺北京瞓咗一晚就坐CA1303返深圳，來回都係B2445🌝🌝
身邊嘅朋友提過我千祈唔好坐經濟艙，但係又想貪平結果回程試吓，嗰種空中都可以感受到坐綠皮既感覺真係有啲後悔。
但總結都開心嘅，細個家境問題所以好少去旅行更加未搭過飛機，幾年前原本坐華航747去台灣由遇著這個疫情取消。今次總算完成個小小嘅心願🥲🥲🥲