本帖最後由 EX-TL 於 2023-10-13 17:25 編輯
錦英路居民唔會因為99唔入錦英路而唔搭, 亦唔會因為99入錦英路而搭多咗.
相反, 99行錦英路, 馬鞍山市中心 恆耀客就慢晒.
翻查報章, 十四鄉項目提供約9,700伙, 共分佈於46棟介乎16至31層分層住宅大廈, 比起藍籌屋苑沙田第一城的10,642伙, 只係少約900多伙(約一棟公屋大廈).
行銀城街路線, 一城居民support到, 同時出面大涌橋路 小瀝源路路線各有支持者, 入面同出面嘅路線走線上有部份重疊, 但唔會因為入面住客, 而改到出面路線要同入面路線有分別, 除非你改到出面路線更加方便長途客(例如你建議中的99西貢市 大網仔路 西沙路-馬鞍山市中心), 否則改完個分別好似令到條線營運差咗, 不如唔好改.
十四鄉項目自成一國, 就好似第一城 太古城, 有自己內街, 亦有比較近大路, 內街居民唔會行出大路搭車, 其實對大路嘅99影響唔算大, 而99 299X已經因為近十年西沙路鄉郊段越來越多人遷入, 對中間位的十四鄉項目居民來講, 吸引力應該唔大.
另外, 287K取消後, 87K兜入頌安總站兼減價做番287K原來個份, 錦鞍苑一段亦已經有個恆安站, 返中大的恆安邨居民過去耀安邨搭87K便可, 鐵路轉車客已經直接搭咗馬鐵/屯馬綫. 在有299X和假日線99R前提下, 九巴延長99去東鐵綫車站的誘因似乎好細. |