起四順時多咗條新清水灣道, 如果唔起路就只得德望段舊清同協和街.
起興田邨 將軍澳延長將軍澳道, 同時令秀茂坪有多一條路行.
碧雲道公屋區同連德道 高超道相連, 兩邊都能夠應付車流.
惟安達臣even安秀道現有兩條邨, 因為冇再起新路, 只係沿用舊有已經多車嘅寶琳路或新清水灣道, 而即使秀茂坪道喺舊邨拆卸後被拉直擴闊, 始終都係要經寶琳路轉落去, 問題係寶達邨入伙後已經預見飽和, 加咗安達邨上去都唔做嘢, 就預咗有今日.
可惜東九龍綫講咗差唔多十年先拍板, 明年踏入第十年先開始動工, 通通太遲, 板友仲話撻地會起車廠, 意味起上蓋物業? 我唔知啦!
石礦場(安愉道)居屋開售咗四個, 安峯賣唔去, 買咗都全撻訂, 長實港人首置加埋兩大商場, 仲有茅湖仔政府宿舍, 所有人都係靠寶達邨一段寶琳路落秀茂坪道, 假設有啲車會轉入安秀道去新舊清, 所謂舊清擴闊加大車流, 簡直係不知所謂, 清水灣道 西貢公路一樣會有發展, 救?
安愉道新樓仲未賣完, 仲有警署 消防局 學校 石礦公園等民生設施, 普通車輛唔趕急, 警察消防救護就一定急, 路都冇一條, 急都冇用.
我明白我建議中嘅天橋在技術上可能有難度 但參考將藍隧道當初的建議走線, 做唔到直線, 而要在山中迂迴曲折通出去, 後尾不單做得到拉直, 仲可以山中做分支直出東隧, 所有嘢只取決一樣嘢, 就係有冇心想做, 只要認為有迫切性, 無論使幾多錢, 都可以做到出嚟, 當然政府要點對待東九山區居民, 就睇佢有幾想做, 但站喺市民角度去出建議, 都要被同樣係市民嘅板友以各種理由反對, 實在係摸不著頭腦!!
當年觀塘工業區被建議起動, 已經鬧過道路飽和, 鐵路設施不合時宜, 一定爆鑊.
安達邨稍有眉目開始起, 已經叫定抽到都咪要, 天氣+交通成最大隱憂, 但起得出嚟始終要有人住, 搬咗上去嘅而家唯有慢慢受!
政府無視問題嚴重性, 民間有心人提建議, 都要被反對同恥笑, 明白遠水不能救近火, 但問題起始係政府唔做嘢, 建議起條橋貼塊藥膏舒緩吓都話舒緩唔到! 不如咁, 樓上15#不如你建議拆晒安達臣啲樓, 從而根治問題, 你夠膽嗎? |