唔反對搵路線兜入去服務體育園, 但搵28就唔係咁適合.
1. 承啟道係新路, 貌似冇乜車行, 燈位唔多, 實際上路口燈位等好長時間, 唔順燈, 而且出入承啟道的啟成街 啟華街等路面窄, 燈位前後亦多車, 未來體育園啟用, 跑道和沐泰街住宅區入晒伙, 車流量一定多左, 特別是當大型盛事舉辦, 私家車 旅遊巴和出入各住宅區的車輛擠滿承啟道/沐泰街路口時, 很難想像承啟道仍能暢通無阻.
2. 淘大返樂華2A單打獨鬥確實不行, 如找另一條樂華總站路線頂替, 即是用另一隻蓋冚住個煲, 倒頭來班次亦都疏, 因為你要搵一條比28密而順路的路線唔容易, 2A亦唔會增加班次來迎合呢班客, 開短途班次收原價起碼由九龍城起載, 用車必定增加.
3. 如果係駁鐵路, 現成5D已經駁緊九龍灣站 土瓜灣站 黃埔站, 22M駁啓德站 土瓜灣站 宋皇臺站, 先前建議中的25已做到淘大往體育園, 建議收費$7.3, 回程無論25還是本建議的28, 都是做唔到淘大停站, 改28作為體育園鐵路接駁的原因不成立.
4. 樂華邨居民出入土瓜灣 馬頭圍的行車時間被迫增加, 呢班客並不能轉搭其他路線如13X 213X直達目的地, 轉車亦一定比現時慢和貴.
5. 最終受惠改道帶來的好處, 可能只有尖沙咀 何文田站往體育園, 對樂華 淘大出入土瓜灣的影響則偏向負面.
綜合以上多項理由, 唔認為28為合適改入體育園的巴士路線. |
樓主
