劉偉恆離開商台 ( 更新：最後一次節目：7月28日...)

原帖由 chai 於 2007-7-26 13:13 發表
『愚僧』最終想將商台搞成怎樣？

繼和『咸豬手』一起將全港各個收聽之冠的節目剷除後﹐
時事節目全變高官宣傳平台﹐自毀一手推廣的韓國音樂市場﹐
節目質素、收聽率及廣告同線爆跌....

想不到商台最終毀在這個所謂『自已人』 手上...

後記﹕相信部份版友已經知道『咸豬手』的下場又是怎樣

莫講話商台搞到唔知做乜,

對家新城個情況仲恐怖,玩粵港融合,大搞深(穗)港聯播節目,
結果將一o的好的節目剷除,現在所播的節目質素簡直不知所謂,
又玩人事鬥爭,迫走娛樂台的陳小芝、李學斌等「台柱」...

大約2月之後,我無再聽過新城,從此轉聽港台...

如果連官台都係咁,香港各電台真係從此玩完

[ 本帖最後由 U-157星之Kelvin 於 2007-7-29 23:38 編輯 ]

原帖由 TL 於 2007-7-30 16:49 發表

前一個禮拜六晚聽 948 深夜節目時, 廣告聽到陳小芝個名,
心諗乜陳小芝離開左新城咩?! 前日聽完劉偉恆轉去港台,
直情聽到佢把聲.
咁做左幾年既《我芝訂》係咪執左笠? 我已經好多年冇聽過.

陳小芝06年12月已經離開o左新城。
今年6月11日開始o係香港電台第二台同梁德輝、侯嘉明一齊主持新節目，
叫「好心情」(All time high)，星期一至五，深夜12至2。

前晚聽完劉偉恆最後一晚節目, 令我最有感覺係最後果半粒鐘,
播左幾個佢以往節目既 jingle, 我既年輕同青春即刻湧返出黎!
之後聽那隻「機屍」代李慧雅主持既《一切從音樂開始》,
狂串劉偉恆個節目好 relax, 大家應該就黎訓著覺云云, 不過亦
都多得佢呢一席話, 提我即刻轉返我呢個時段聽開既港台.

估唔到基斯會咁串劉偉恆...

星期六深夜一路都聽著劉偉恆最後一晚做節目。
雖然我唔係由佢踏入商台果日就聽佢節目，
但都算係佢忠實聽眾。

由一切從音樂開始、我恆我素、韓流襲港，
甚至係同梁禮勤、何亨一齊o既越位越出位，太多回憶啦...

最後一晚劉偉恆仲講，
當年係鄭丹瑞批准佢做韓流襲港。

由佢o既blog內容估計，
佢同商台似乎已經決裂，
希望佢未來會有更好發展！

尋晚聽完 903《短期租約》
後 Wasabi 話 Jessie 做埋最後一晚「發癲星期日」(按: 迷幻星期天),
我都聽左一陣! 唔知葉偉恩同 Jessie 又係咪即將 / 已經離開商台?

「遮匙」只係因為星期日過o既非人生活唔做迷幻星期天，
星期六、日903播o既西崎公園係會繼續。

我第一次聽劉偉恆做既節目係《越位越出位》
記得果陣係 F2 某一晚陰差陽錯開左收音機就聽到
亨恆勤做節目，內容好似係佢地出左去食野(？)，
之後就聽上癮喇，晚晚夠鐘開機聽

慢慢接觸多左劉偉恆既節目，覺得呢個主持著實
好有吸引力，吸引到我經常開收收音機聽佢既節
目。到今日包括劉偉恆在內既亨恆勤都走晒，真
係覺得好可惜，尤其《越位越出位》同《我恆我
素》，呢兩個係最有興趣聽既．．．

果晚《一切從音樂開始》基斯一開始就串劉偉恆，
心諗：又唔見得你做節目好過佢
揀歌呢基斯同泰山都可以話係不適當時間播不適
當既歌，真係唔覺基斯佢有乜資格去批評(串)人