現今道德風氣下的惡果

近兩星期,聽到好多法庭新聞,不禁令人心酸

5/9:虛報被人強姦 兩女生罰做義工

28/8:狠心母三次棄嬰

7/9:母親虐待八歲女兒判感化兩年

5/9:未婚媽媽令三子營養不良

四單新聞一單比一單恐怖,個個以為年少無知,發生完行為之後,生完仔就可以乜都唔理
結果報警上埋報紙頭條,跟住上完法庭,下令收監兩星期,之後判感化、服務令
循環不息咁,一單又一單......

究竟教育局、社署做過o的乜?
個惡果何時才終結?

樓主所言. 一干犯案人等做出如此行為, 首先並非其父母管教不力,
完全係政府有關部門的問題.

正如有人不注重個人衛生而得病, 實不知負責醫療部門做過什麼.

這樣的立論理據不足, 對錯太一面倒, 唔好玩的. 應該找多點似是而非, 似非而是的理據.
例如樓主的例子, 加多點原素例如很多父母知識水平不高, 想教都教不到, 學校社工支援
不足等等, 然後再推個波到政府身上, 才會更好玩.

社署做過D乜我唔評論

諗一諗，人地唔俾你幫你奈得什麼何？
幫人果一方永遠係被動的。

其實呢d事, 好多人, 包括政府, 都同樣有責任,
大家都無得推卸了....

家長, 教師, 傳媒, 鄰居, 親友, 政府 (排名不分先後),
其實係每一件事, 都可以發揮到影響作用的....但
最後都發生左....邊個可以推....

道德係整個社會的問題, 本身亦無可能單靠政府去
改變這個標準.......好似之前中大學生報的討論, 已經
知道左依家社會係太多不同標準, 大多不同意見, 而
一個人亦好難接受他人影響, 試問就有關話題, 可以
做到d咩具體野?

我地見到呢d新聞事件, 其實對有關人士, 可能已經係
好事, 因為已經知道左, 同處理左了, 但真係唔知仲有
幾多係未被揭發....

我地可以做的, 最重要的, 唔係批評他人, 而是首先要
做好自己, 更關心身邊的人

[ 本帖最後由 3ASV196 於 2007-9-8 16:05 編輯 ]

政府坐擁大量納稅人資源, 而個別家庭只資源有限, 出現社會問題時當
然係政府最大責任.

香港地搵食艱難, 又無最低工資, 阿爸阿媽為左份工無晒時間教仔. 子女
出問題, 當然係政府/政府訂下既教育政策出問題先會搞成咁, 唔通想賴
阿爸阿媽無家教? 好似而家D政府廣告, 成日講埋晒D咩身教言教, 根本就
係政府將責任推卸俾家長身上.

原帖由 PB602 於 2007-9-9 01:47 發表
成日講埋晒D咩身教言教, 根本就
係政府將責任推卸俾家長身上

見到呢句, 都好悲哀.....教仔, 原來唔係
家長責任, 有都只是政府推卸....唔怪得
搞成咁......

原帖由 3ASV196 於 2007-9-9 10:21 發表


見到呢句, 都好悲哀.....教仔, 原來唔係
家長責任, 有都只是政府推卸....唔怪得
搞成咁......

唔係，個講法應該係父母都好想好想教好仔女，但能力做唔到，
政府係呢方面又提供唔到足夠支援，所以攪成咁云云．要講到
好似政府睇住升斗市民死都唔理咁，才夠感動．政客們發覺有位
入，就會走出來幫口啦．

原帖由 PB602 於 2007-9-9 01:47 發表
政府坐擁大量納稅人資源, 而個別家庭只資源有限, 出現社會問題時當
然係政府最大責任.

香港地搵食艱難, 又無最低工資, 阿爸阿媽為左份工無晒時間教仔. 子女
出問題, 當然係政府/政府訂下既教育政策出問題先會搞成咁 ...

無論點樣，家長係能夠對子女實施最直接影響既人。

政府如果唔咁樣宣傳，更加失職。

原帖由 Dolphin 於 2007-9-9 11:12 發表

唔係，個講法應該係父母都好想好想教好仔女，但能力做唔到，
政府係呢方面又提供唔到足夠支援，所以攪成咁云云．要講到
好似政府睇住升斗市民死都唔理咁，才夠感動．政客們發覺有位
入，就會走出來幫口啦． ...

呢D"道理"我隨手可以作好多: 例如話, 如果單靠父母就可以教好仔女, 咁點解政府要
實行強迫教育, 而自己去教小朋友反而會俾政府拉去坐監? 咁就證明連政府自己都當
信學校做得比父母為好, 既然如此, 有事當然係入政府數...

Anyway, 香港好多新移民根本唔理自己D仔女, 由得佢地自生先滅, 到出事時又賴政府
唔幫佢地教仔. 你去一去天水圍, 響公眾地方可以發現大量小朋友作出驚人行為, 而響
佢身旁個位語帶鄉音既阿媽完全視若無賭.

呢D尊貴既優等公民係唔需要教仔既, 呢個世界只有"無政教"而唔會有"無家教"既.

原帖由 PB602 於 2007-9-9 15:37 發表

呢D"道理"我隨手可以作好多: 例如話, 如果單靠父母就可以教好仔女, 咁點解政府要
實行強迫教育, 而自己去教小朋友反而會俾政府拉去坐監? 咁就證明連政府自己都當
信學校做得比父母為好, 既然如此, 有事當然係入政 ...

沒有人說政府毫無責任，但你似乎在走另一極端。

或者是我看不懂反話吧。