[多圖] 二白灣發展區近況

近期尚堤大賣廣告, 加上小弟有好一段日子冇入過愉景灣,
所以早幾日趁有免費車入去行左一趟, 主要係去睇下二白灣發展區有乜動靜.

A) 愉景灣社區會堂

在海澄路盡頭, 有一座剛剛落成既二層高建築物, 將會係未來既「愉景灣社區會堂」,
另外該建築物內亦包括有「鄰舍輔導會東涌綜合服務-愉景灣分處」.

B) 尚堤以北之新發展區

早前提及在尚堤以北有大型土木工程進行, 包括興建一條地下行車道,削坡及平整土地:


現時該地下行車道結構部份已經完成, 正等待內部裝修及填回泥土.

下圖為位於海澄路盡頭既出入口, 正在髹上黑色保護漆:


位於半山,地下行車道中段既通風槽:


而尚堤北面對落既山谷就進行緊填土工程, 在斜坡上砌上一塊塊圓餅型既磚(?),
形成一道垂直既擋土牆(遠看有D似城牆), 再在牆內範圍填回泥土:


同時, 在北面既山坡有削坡及土地平整工程, 下圖可見北面山坡上有類似集水庫既建築物:


新發展區工程遠觀圖:

C) 智新書院

最後帶大家睇一睇果座近期成為尚堤賣點之一, 由英基出錢興建既"智新書院"(Discovery College),
校舍仲未拆棚架, 估計工程進度也有七成左右, 其佔地及體積比新建既官立/資助學校更大,
仲有個超大型天幕, 實在大得驚人...

點解愉景灣可以禁私家車,
但香港就唔禁得

不過睇愉景灣以外國人為主,
就知香港人的素質去到邊,
小弟有個身於基層的同學以"粗口"黎形容愉景灣,
話有錢就梗係要買車揸車架喇

可見香港人將有能力養車視為光榮/王道,
呢種思想除了落後老套外, 更加係不道德

外國好多人會以養車為恥,
無奈外國地方發展分散,
冇車的話連生活都成問題

原帖由 Seiko 於 2007-9-25 00:43 發表
而尚堤北面對落既山谷就進行緊填土工程, 在斜坡上砌上一塊塊圓餅型既磚(?),
形成一道垂直既擋土牆(遠看有D似城牆), 再在牆內範圍填回泥土:

圓餅型既磚係「泥釘」，作用係穩定斜坡泥土以免倒塌。不過佢既
詳細原理我都唔係好清楚，要請熟土木工程既人補充。

原帖由 fai 於 2007-9-25 09:40 發表

圓餅型既磚係「泥釘」，作用係穩定斜坡泥土以免倒塌。不過佢既
詳細原理我都唔係好清楚，要請熟土木工程既人補充。

泥釘應該係以下這些釘:

原帖由 hk_ayu 於 2007-9-25 07:37 發表
點解愉景灣可以禁私家車,
但香港就唔禁得

不過睇愉景灣以外國人為主,
就知香港人的素質去到邊,
小弟有個身於基層的同學以"粗口"黎形容愉景灣,
話有錢就梗係要買車揸車架喇

可見香港人將有能力養車視為光榮/王道 ...

外國人真的視養車為恥？只係唔駛養好0的ja

你試試係外國街道問個無車階級，睇睇邊個覺得羞恥，
當然，不同城市都有不同需要，有0的高密度城市可以唔駛用車
但有0的低密度就唔同，閣下都講過係生活需要，連生活都成問題，又試問怎抬頭？

原帖由 hk_ayu 於 2007-9-25 07:37 發表
點解愉景灣可以禁私家車,
但香港就唔禁得

哥爾夫球車就係愉景灣區內既"私家車"