選擇物業管理公司的準則

最近我屋苑正進行新管理服務合約招標，結果由4間大公司+1間未聽個名的公司入標，分析各間公司，4間大公司無論由出標價甚至由增值服務都可算係大同小異，至於細公司雖然唔出名但係價錢比其他為便宜3萬一個月和增值服務比較多，但擔心支援和經驗方面就可能有所不足，我現時心目中就認為現時管理開的大公司都算不過不失，但係觀乎業主立案法團委員的態度似乎好想換，因為在之前會議上因為邀標價和職員去流問題，令關係無以前咁好，而且因為前兩年續約因為減左10%管理費，同埋因為安裝冷氣排水喉工程，令儲備減少，今年年頭就加了9%管理費，引起部份居民不滿，如果係你，你會點選擇呢，因為我個心15/16，始終大公司管理開咁多年對屋苑認知程度一定多，但係細公司個價錢同增值服務真係好吸引，究竟應該點選好呢?

細公司有冇申報宜家做緊同類既管理工作？如果有既不妨去下
佢自稱提供緊服務既屋苑睇下有冇頭緒囉。

原帖由 HY671 於 2008-4-16 15:48 發表
細公司有冇申報宜家做緊同類既管理工作？如果有既不妨去下
佢自稱提供緊服務既屋苑睇下有冇頭緒囉。

佢用自己/姊妹公司為一組，不過到正式管理時，只係自己一間，我查過係無屋苑，只係得學校

試試把有關公司Post上香港討論區問問，那處有好多物業管理的人，不要理會那些不理性的回覆，只看有用的回覆就可以了。

原帖由 superay 於 2008-4-16 19:48 發表
試試把有關公司Post上香港討論區問問，那處有好多物業管理的人，不要理會那些不理性的回覆，只看有用的回覆就可以了。

公開間公司名問好似唔係幾好，人地既意見亦未必客觀。而且咁様亦對
其他入左標既公司唔公平。

想問一問樓主各公司開出的所謂增值服務有甚麼呢？

原帖由 Alex_Tsang 於 2008-4-17 12:27 發表
想問一問樓主各公司開出的所謂增值服務有甚麼呢？

大公司送垃圾膠袋、鋁窗檢查等
細公司加送高清系統一套+紅外線外牆勘察

送垃圾膠袋，咪又係在清潔公司內敲腳骨。
咪又係羊毛出在羊身上。

高清系統，幾多錢呀，如果你係單棟樓，裝一套
高清接收都係20K多少少。
紅外線勘察，真係多謝晒，做完之後又會點呢？有
何跟進行動呢？是由顧問公司做定係一個二打六影
完就算呢！

那麼各公司的員工支出是全包宴定係實報實消呢？

樓主又介唔介意你家是在那類型樓宇呢？
私樓、HOS盤、TPS盤呢？

原帖由 Alex_Tsang 於 2008-4-18 09:02 發表
送垃圾膠袋，咪又係在清潔公司內敲腳骨。
咪又係羊毛出在羊身上。

高清系統，幾多錢呀，如果你係單棟樓，裝一套
高清接收都係20K多少少。
紅外線勘察，真係多謝晒，做完之後又會點呢？有
何跟進行動呢？是由顧問公司做定係一個二打 ...

小弟而家住在屯門區居屋
一共12座，接近1900個單位左右
佢紅外線勘察就話包括報告，不過佢無講之後點播，普通人會否睇得明同埋是否一定要搵專業人士先明白

俾多少少數據:而家我屋苑由大公司管理為$510000(包薪)
今次投標可以選擇賁報實銷或者包薪都可以
細公司出價: $501000(包薪)、 $501353(實報實銷)
大公司(即現時公司):$538814(包薪)、$528083(實報實銷)

[ 本帖最後由 butterfly 於 2008-4-18 23:28 編輯 ]

聽一位從事物業管理多年的朋友講,
曾經有某D管理公司為求"中標"
公司高層向業主法團成員暗中提供利益
手法不外乎飯局,旅遊,禮物甚至係錢

我居住屯門某屋苑十四年
已經換左四間管理公司
最近一次換公司係上個月o既事,
不過員工就係原班人馬
只係換左制服禁解