驗車一問~

小弟既汽車就快續牌要驗車，想問程序係點？？小弟第一次驗車，所以有此愚問，望各位見諒...

要到期前幾耐驗車？？邊度有套餐包驗既車房或地方，有冇好介紹？？大概幾多$先完成所有野？

一架10年車既corolla EE111，通常有冇野要執？平時都好少渣，一年來先渣左5000km...  thx~~  買返來時(上年11月)已經換左油，直至到而家都暫未換過任何野~  

t唔該晒!

買本前便利睇, 私人廣告, 車仔8百至千幾都有啦,

自已上車場驗都可以530元,
不過比多幾百,車房賺,更加方便,慳時間.

所有燈,正常可以着,任何部份冇溜油,有brake.手制,塵come,
操作正常,睇埋啊sir心情..

[ 本帖最後由 mira 於 2008-10-9 23:42 編輯 ]

如果樓主有時間又心癢想試下的, 咪自己渣去驗
其實好少事, 我呢幾年都自己去驗, 次次都ok

在運輸署網頁會有指定驗車中心的地址(通常都係汽車代理商)
揀間就腳的帶埋牌簿, 在辦公時間渣過去, 就會有人招呼你
之後等二三十分鐘就知道結果, 冇問題的話, 拎返牌簿就走得
若然有野衰左, 咁邊項肥佬咪整返好佢, 14日內覆驗只係比165蚊

如果樓主覺得部車冇2樓所講果幾種問題, 就搵日渣去驗啦

thz~~樓上兩位師兄~~

我都唔清楚自己架車有冇2樓所講既情況，同埋架車都成10年，對於d小毛病冇乜信心 所以都決定左搵間千零蚊既車房包驗     平時渣開都完全正常，但驚廢氣、漏油、底盤等小問題會過唔倒關，索性搵左間車房搞掂佢算

toyota既車10年其實多唔多小問題呢~~??

原帖由 4056 於 2008-10-10 23:30 發表
thz~~樓上兩位師兄~~

我都唔清楚自己架車有冇2樓所講既情況，同埋架車都成10年，對於d小毛病冇乜信心 所以都決定左搵間千零蚊既車房包驗     平時渣開都完全正常，但驚廢氣、漏油、底盤等小問題會過唔倒關，索 ...

好睇你自己點保養者, 正正常常咁用, 應該冇乜問題..
小弟部100仔一年分分鐘跑萬幾二萬公里...
剛剛過去的暑假更精彩, 兩個月跑6000k....
但連埋整車千幾就過關.....
私家車驗得好鬆的..放心啦..

驗車其實好簡單, 驗車官會依照哂指定程序去做, 唔會因為個官心情靚定唔靚而對程序鬆緊有任何影響!

檢驗內容:
車底鏽蝕度
軑尺虛位
懸掛系統
迫力磅數
手掣磅數
所有燈號功能
廢氣排放量

如果你覺得自己架車保養ok, 完全冇需要哂d無謂錢比d車房賺, 只需要用個零鐘頭時間(記得帶埋牌簿), 擺低$530蚊, 隨時隨地15分鐘攪掂!!!

哦 唔該晒上面兩位師兄既意見

小弟都唔太清楚自己架車既狀況，平時渣落冇咩問題，最後畀左間附近既車房一千蚊搞掂

佢幫我check晒d野，試埋車，兩個鐘就搞掂晒程序，真係好快~~  我問佢5000km駛唔駛換偈油，佢話我呢d日本車仔可以玩到8000先玩，唔駛浪費，好老實

不過私家車真係驗得好鬆:: ，我架車驗完返來，我先醒起有盞車尾牌燈燒左，佢即刻幫我換埋~~

另外再想問保險，一年零九個月牌，爭一星期先夠21歲，11年1300c.c. corolla大概要幾多$??   thz~~~\\
今年平安渡過，有20% discount~~

[ 本帖最後由 4056 於 2008-10-12 20:25 編輯 ]

ok啦,過2日我都去驗車
通常比車房代驗都合格架,因為要留住d客.而且原裝車

想請教各位師兄，驗車時驗車官會唔會睇埋車牌字型 ?

因為坊間有傳言話用圓字車牌會肥佬，如果係的話就要造過另一套了，買車時車行整左套圓字俾我 .....

未試過因為圓字驗唔到車
反而試過一次係鮑魚無左粒螺絲,
個師傅比我即日驗番,即刻係附近整番就合格!