東鐵線都有優先座了

對MTR黎講，加貼紙既成本點都比更換座位顏色為低，所以大家都係唔好希望MTR會咁做

西鐵線o既優先座同東鐵線一樣都係o係輪椅位o個排o個兩個
小弟暫時只發現 D329-330 有優先座貼紙

小弟亦發現於多個港鐵站的入閘機旁都有豎立A4 siz o既優先座海報
但真正留意o既人確實唔多

原帖由 h2o 於 2009-11-2 17:36 發表

真係唔多應該擺呢個位, 一來不便者要入裡面唔容易, 二來有一半機會變倒頭位. 點解唔可以用側坐位做? 又貼紙? ......

不如問下九鐵翻新列車果陣點解唔將呢類座位換返做打橫。
要讓位唔一定規限優先座位置先可以讓，就算坐緊唔係優先座既座位，
見到有需要人士都應該起身讓座，極端D講，就算咩都唔貼都應該要o甘做。

要人提先識做我覺得係社會倒退，奈何香港社會正正有呢個趨勢，
舉個例子，以前見到呢種情況，唔讓座既人自自然然覺得唔好意思而起身，
反而而家有人覺得自己係理所當然(先到先得)。

o係日本地鐵車廂曾經見過一篇掛o係車頂廣告式既散文，由於小弟不諳日語，
請身旁朋友代為翻譯，內文係講述一位女士搭緊地鐵(有位坐)，見到一位老婦入左車廂，
於是想讓位俾呢位老人家，但係老人家話唔需要，同女士講坐一個站就落車，
如是者過左幾個站都未見位老人家落車，到該位女士落車果陣，老人家就同佢講要小心肚裡面BB，
但係其實果位女士當時只有兩個月BB，理論上外表應該睇唔出，佢就覺得老人家既行為令佢覺得好溫暖。

我聽完之後都覺得好warm，雖然唔知係唔係真係有件o甘既事，但俾我印象座位應該係俾更有需要既人。

[ 本帖最後由 on11358 於 2009-11-5 23:25 編輯 ]