[板務建議] 關於高鐵文章設立精華區

有人提到支持高鐵的人可以做些什麼去抗衡反高鐵的聲音, 亦提到根本沒有反對者那麼多時間、精神、心機、金錢去學他們方法宣傳自己的想法。

於是我就想, 其實本站都有些名氣, 高鐵事件甚至比很多鐵路板熱鬧, 而本站又比更熱鬧的某些討論區有秩序, 可唔可以利用本板作為一個有效撐高鐵的平台, 可以向公眾甚至傳媒反映呢度o既聲音。甚至如果做得似模似樣, 我們可以寫 email 邀請傳媒、立法會議員等來關注呢度o既文章。更可提升本站和站友的地位。

本板一條關於高鐵的討論已達 40 多板, 當中有些回應其實很有參考價值, 但亦有更大量的三兩句回文夾雜其中。所以我建議, 由板主決定, 在該 40 板文章中, 以及其他近期的高鐵文章裡, 抽取有價值的進入 "精華區", 好讓未有參與其中的站友或其他人, 可以更方便獲得我們的見解。而 "精華區" 不設回文, 要回應的可按一向程序開普通文章回應。

而今後大家如發表一些想進 "精華區" 的文章, 盡量俾多少少心機寫, 整理好o的, 然後建議板主去 "精華區" 裡。大家也可以開放版權, 同意任何人把文章轉去其他地方。

當然基於公義, 反高鐵的文章都可以放入去, 但不論支持反對, 都應該基於議事論事原則, 禁絕漫罵和空洞口號式文章, 和要服從板主的決定。

唔知板主有冇時間做呢個工作, 和板主及其他站友對呢個建議有乜睇法?

其實我想有個高鐵專用分板，將R1同R3有關高鐵的討論都一併放入去。
原因：
1. 香港在高鐵事件上，總會和內地扯上關係，依照現時安排的話，將來討論很易踩界。
2. 高速鐵路在世界各地都是相對獨立於普通鐵路的系統，高鐵本身是一個世界性的類別。
　例如討論高鐵技術，無可避免會講到日本、德國、法國。
3. 若設精華區，放幾耐才足夠？假如下周通過撥款，之後冇乜好講，咁個精華區會失去意義；
　相反，設立高鐵專區，可以一路跟進事態發展。

咁如果有人的貼子係既有普通鐵路又有高鐵，例如遊記之類，就照返現時分板安排咁出文。

不知各位意見如何？

另設分板都係一個 option 可以另外傾, 不過 "精華區" 唔單止係為撐高鐵而設, 而係可以放埋其他有用o既文章。

唔好話我話，如果呢個版係專撐高鐵咁開來就無用，所以樓主既「利用本板作為一個有效撐高鐵的平台」就唔係太好喇，因為咁樣可能招致一些激進反高鐵份子進入搗亂，但係如果係一個兼顧高鐵利弊同正反兩方需要既就無咩所謂，起碼能夠促進到理性討論。

原帖由 KMB-ATE1 於 2010-1-9 17:56 發表
唔好話我話，如果呢個版係專撐高鐵咁開來就無用，所以樓主既「利用本板作為一個有效撐高鐵的平台」就唔係太好喇，因為咁樣可能招致一些激進反高鐵份子進入搗亂，但係如果係一個兼顧高鐵利弊同正反兩方需要既就無咩所謂，起碼能 ...

即使做到兼顧高鐵利弊，激進反高鐵份子一樣插你，
因為高鐵一定係百害而無一利

而且高鐵係不公義，所以根本毋須討論利弊

[ 本帖最後由 Kaix 於 2010-1-9 18:32 編輯 ]