有人提議錦上路起高鐵站,點解唔問過錦上路居民?

高鐵總站係西九龍
有人就建議高鐵總站應該係錦上路
但你有無問過錦上路居民先?
如果起錦上路高鐵站要收地
相信同當年起西鐵站收地一樣
我就係錦上路居民
唔該請支持錦上路方案的人請問過我地先
唔係個處無咩人住就當佢地無到

原帖由 區麗芝 於 2010-1-10 09:47 發表
可能佢地認為只要保留到菜園村,
鏟平成個錦田都冇問題

如果到時政府決定用錦上路做總站,又有幾十條村D人抗議拆村,到時又嘈大一輪,都係照原本計劃好過,至少唔會一拖再拖....
不過,高鐵之後仲有一個問題,就係香港段既一地兩檢,唔需要質疑的是,到時人大又會釋法,容許中方海關在西九總站設立,真正做到好似深圳灣咁既一地兩檢,
因為會涉及基本法第22條,所以人大又要透過釋法去順理成章把兩方的清關手續設於西九總站,到時真係可以把成堆CRH係香港做總站,大陸人也可以唔駛帶
証件來香港參觀下這個車站...如果西九唔做一地兩檢,成條高鐵都係多餘,好明顯政府擺明會俾中方官員擺西九,到時又會有新一輪爭拗...

之前已經講到就算雙方清關手續都放響西九
都唔代表容許唔駛證件去西九遊河

1. 高鐵無得上車補飛, 唔出返大堂唔會買到飛坐回頭車
2. 西九係終點站, 列車落到黎要先清客, 而且無得用"轉車"做理由唔出閘

何況如果唔係"成堆CRH係香港做總站"
點樣用盡一條咁貴ge高鐵?

原帖由 64K 於 2010-1-9 23:12 發表
高鐵總站係西九龍
有人就建議高鐵總站應該係錦上路
但你有無問過錦上路居民先?
如果起錦上路高鐵站要收地
相信同當年起西鐵站收地一樣
我就係錦上路居民
唔該請支持錦上路方案的人請問過我地先
唔係個處無咩人住就當 ...

如果政府提出擺錦上路
班友又會提議擺洲頭架啦!!

應該係一提出設站時, 就全民支持, 到詳細設計出晒, 原來又係要剷平好多地方, 然後 "全民" 反對。