劉皇發稱「官不聊生」 被斥可恥

http://hk.news.yahoo.com/article/100220/4/gnrc.html

我覺得劉皇發咁樣講又好似過分左D，您又唔係官。從來只有「民不聊生」沒有「官不聊生」

其實佢地那一派人就係咁，有咩唔滿意就會出聲，某程度上，同班所謂「八十後」異曲同工。
我自己就覺得，發叔乃性情中人，作為鄉議局主席，有這樣的感嘆唔出奇，實在無需大驚小怪。
佢又唔使向選民負責，又唔使向中央負責，想講乜就講乜，幾好丫，
好過有些人士溫和地提出自己意見都會被人指指點點鬧係走狗。

光明磊落地聲大夾惡，好過賊喊捉賊，誰人無罪的便扔石頭吧。

以上純粹是基於香港有言論自由的觀點。

[ 本帖最後由 DIH 於 2010-2-21 20:24 編輯 ]

如果如發叔所言, 真係有官員覺得「官不聊生」,
做得咁委屈既就唔好做,
幫唔到市民都等大家歡喜下, 自己又開心, 何樂而不為？

我未見過有大型既私人機構, 表現差, 公關技巧唔好,
有時仲搵個炸彈俾公司, 可以平安大吉做到退休。

要向立法會交代, 根本係佢地既責任。
由陳方安生要向立法會解釋新機場開幕大混亂, 到梁錦松買車落台,
甚至中央既溫總煤礦事件都要親自監督調查,
根本係check and balance, 制度有進步既指標。
而家先話官不聊生, 睇怕溫總都要向香港官員多多學習啦...

[ 本帖最後由 kwyeung 於 2010-2-22 01:06 編輯 ]

做官有做官的難處,但佢究竟知唔知咩係不聊生?只是被困立法會大樓幾小時就
不聊生,那麼菜園村的阿婆被逼遷,大學畢業冇人請,莫非他們都去了了官?還是立法會
大樓是斷水斷糧,議員可以對官員嚴刑逼供,彷如中美合作所。

由此可見此人若真是想果句講果句的話,要麼文化有限,甚麼主席只是沐猴而冠,那麼我希望
他知恥,要麼就是像冇飯食何不食肉糜那種人

講真，曾蔭權講先算啦...

唔係真官，走去講官不聊生，最多當人神經病發作算啦...

劉皇發個主席位應該唔算係真正既官員職位?
既然佢都唔係真正既官
有咩資格講「官不聊生」?
雖然佢呢個位可以稱為鐵飯碗(佢點講野都唔會因為市民不滿而影響選情 仲唔係?)

如果真係有官員覺得「官不聊生」
唔該為香港市民著想盡早請辭
(根據小弟於通識所學
政府其實係每個人放棄部分人權去成立既
官員係人民公僕
如果俾人插幾句咁小事[佢地見慣大風浪既?]
就係度話「官不聊生」
真係唔好做官啦唔該)

原帖由 DIH 於 2010-2-21 20:21 發表
其實佢地那一派人就係咁，有咩唔滿意就會出聲，某程度上，同班所謂「八十後」異曲同工。
我自己就覺得，發叔乃性情中人，作為鄉議局主席，有這樣的感嘆唔出奇，實在無需大驚小怪。
佢又唔使向選民負責，又唔使向中央負責，想講乜就 ...

公眾人士行出離, 唔好話講乜, 做d乜出離都要自己負責啦
唔使同選民負責, 唔使同中央負責, 都要同市民負責
成蟲起人地演唱會講粗口都要靠鬧
身為公眾人士講d咁o既野被斥可恥, 真係毋需大驚小怪

老老實實...劉主席俾我既印象就好似新界目不識丁既牛屎佬收左少少利益就盲目日夜歌頌老細咁

得罪了

唔知遲d又有冇富不聊生呢...

[ 本帖最後由 DW8306 於 2010-2-23 11:23 編輯 ]