[足球] 一個心灰意冷既利物浦球迷(長文)

"Ninth defeats for Liverpool this season already"
"利物浦今季既第九場敗仗"

呢句話係琴晚利物浦0:1輸比韋根之後評術員所講既,
曼聯領隊費格遜曾經有句金句,佢話如果要贏英超既話,一季唔可以輸超過五場波
即係話利記係聖誕前經已同冠軍講再見

今季既利物浦,只可以用極失望黎形容,聯賽爭標無望,足總杯聯賽杯歐聯全部提早出局
爭前四同歐霸杯已係餘下目標,但係睇番積分榜,入前四既機會有幾高呢?
落後熱刺曼城1分(多踢曼城一場);領先維拉3分但利記多踢3場
即係話利記係四隊波入面最危險既一隊,好喇,講完積分就分析下利記既表現:

先講琴晚場波,基本上係fullteam上陣,謝拉特托利斯均左陣中,
但踢落呢?成場比賽豪無鬥志可言,一味斬高波比托利斯去追,中場個幾個經常傳失波
令對手容易防範唯一箭頭托利斯,最終只輸一球實屬幸運

好多人話沙比阿朗素離隊影響今季既成績?無錯身為利迷我仲好掛住佢,
佢個d笠射同長傳真係世界級,但佢走左係咪等於利記玩完?
呢個世界無話邊個無左邊個唔得,你睇下曼聯賣C朗個時夠有好多人話紅魔爭標無望啦
而家朗尼拍華倫西亞咪令個d人無晒野講囉,睇下利記?2000萬磅買左阿古蘭尼番黎,出個幾多次場?
垃圾時間咪出場囉...賓尼迪斯成日都話佢未係最fit ma,11月傷愈到而家都係咁講...
點解唔話自己買錯人呢?場場波用盧卡斯替佢,小弟對佢既評語係:有破壞無建設,老烏紅牌就有佢份
我唔係話成績差係佢一個既問題,但我睇左佢兩年都唔覺佢有咩進步...

講完個別球員,又講下成隊波有咩問題,今季既利記係無左個種爭勝既決心
上季利物浦點解排第二?因為成隊波都好有heart去踢,就算落後一球都可以最後反敗為勝
仲記唔記得上季主場反勝米堡2:1,韋根3:2個兩場波?對手踢左八十幾分鐘好波架,去到最後利記狂攻對手取得勝利
今季呢?淨係歐聯分組賽都3次90分鐘補時失波(兩對里昂,一次費倫),加加埋埋夠你出線有突啦

有人同我講利記今季多傷兵,但當你睇番佢地贏歐聯個年(2004-05),d十字軍仲多個而家啦
(先有施斯斷腳,謝拉特骨折,阿朗素,路易斯加西亞,巴路士etc...),個個一傷就幾個月...
仲記唔記得尼爾美拿(Neil Mellor)?就係靠呢個後生仔擊敗阿仙奴
個年聯賽利記排第五,但係身為球迷係絕對滿意,起碼我見到呢隊波有鬥志去贏波
個時對住Big3一樣係輸多贏少,但對住西布朗諾域治之流就sure win
而家?對住狼隊都可以交白卷,對住老樸又係食蛋,對史篤城由贏變和etc..
受傷係比賽既一部份,唔好成日話無費托就贏唔到波

如果利記入唔到四強賓尼迪斯唔教既話,咁我真係希望連第六都無埋
等班球員反省下自己踢緊咩波,配唔配穿起件波衫

Thanks for ur reading~

[ 本帖最後由 owen1234 於 2010-3-9 18:07 編輯 ]

尋晚餓餓地, 爬起身食左杯麵, 睇左上半場
真係估唔到利記追唔番
果球波真係衰的, 古治回傳唔輸界外
對富咸果次已經係咁樣輸一球

利記我覺得今年真係要問問其中幾個人做乜事
因舒亞, 基加高斯, 麥斯樂迪古斯同埋亞基蘭尼
講真, 經常話利記8+9球隊, 或者加理15
但係除左呢3丁, 其他都唔好差得咁遠丫
你講得岩丫, 果個阿基蘭尼, 又貴又唔知做乜
點樣磨合都應該磨合完啦卦
呀, 數少一個, 擺過老烏既, 叫格連莊臣
此子(係咪英格蘭球員?) 根本擔唔起大旗宜家仲傷左

上年輸4分俾曼聯其實真係唔抵, 呢樣係值得同情
只要佢兩對史篤都贏或者對當時的榜尾熱刺呢3場囉到4分, 即刻搞掂啦
宜家變左雙殺紅魔成徒然
今季即刻大跌watt
歐霸近年年年都有隊大野早段就整左落去, 有AC/ 拜仁, 今年有祖記利記
利記宜家不如算吧啦, 疊埋心水爭第4好過啦, 去到後期遇到例如華倫祖記馬體雲達既話就乾脆輸個甘的吧啦
俾你囉左個歐霸之後唔通下年搏衛冕咩
利記, 唔咪次次都好似愛華頓囉第4果年有特卸的

今年都注定係3頭馬車的了
但係真係估唔到利記會大走樣
曼城強左絕對唔咪理由
那怕你輸晒兩場俾MANC
宜家都仲有熱刺維拉搞住你
維拉呢個入決賽, 果個入4強, 補番3場都咪話唔驚