有關清風街一帶的道路設計

1. 住過港島東區既人都應該知道, 清風街一帶既交通設計特別奇怪...
皆因所有由興發街南行右轉既車, 唯一既來源就係東區走廊, 同東廊形成功能重疊.
(由威非路道出興發街既車, 一定要轉入歌頓道)

本來俾D車多個行車路線選擇係好事, 但呢個安排反而令興發街北行非常擠塞,
原因係興發街同清風街交界有三個車輛源頭, 令興發街北行紅燈時間過長.
呢個安排係咪應該改下呢?

(個人認為應該取消永興街至清風街一段興發街南行, 另外允許橋底西行既車直行上橋,
可以將紅燈輪候時間減少一半, 亦令車輛唔駛經留仙街入維園道, 減低興發街北行車流)

2. 現時有102, 106, 110三條巴士線由東區出發, 經興發街北行轉入維園道過海.
但興發街既塞車往往增加車程, 減低巴士線既吸引力.
如果喺清風街橋面近興發街興建一個「橋上巴士站」, 又喺維多利大廈門外用樓梯同升降機接駁, 咁樣可唔可行呢?
(即巴士會喺橋面停車上落客, 102, 106, 110等巴士改道, 原本經清風街天橋既巴士線就加個站)

唔知大家又點睇?

[ 本帖最後由 4437 於 2012-1-14 03:12 編輯 ]

原帖由 4437 於 2012-1-14 00:09 發表
2. 現時有102, 106, 110三條巴士線由東區出發, 經興發街北行轉入維園道過海.
但興發街既塞車往往增加車程, 減低巴士線既吸引力.
如果喺清風街橋面近興發街興建一個「橋上巴士站」, 又喺維多利大廈門外用樓梯同升降機接駁, 咁樣可唔可行呢?
(即巴士會喺橋面停車上落客, 102, 106, 110等巴士改道, 原本經清風街天橋既巴士線就加個站)

感覺上巴士站既客係響維園同天后站果邊黎, 起響橋面會唔會要佢地行遠左?

其實我之前坐102返九龍, 係入興發街塞左20MIN, 打左1823,
並與運輸署職員直接電話講過類似有關問題...

負責SET 紅綠燈的職員, 話都知道有關問題, 但基本上
興發街太多車, 就到一邊就就不到一邊, 不過我針對
主要係電車路入興發街情況, 問題似乎好難解決, 佢
本身都有派人再監察下咁...

另外, 因為興發街多巴士, 我亦聯絡埋另一位負責巴士的
職員, 都有問有關行清風街橋代替入興發街的可行性, 但
都係怕人反對.....但長遠好似有計畫, 係改善興發街的巴士
站, 希望將來改善到一D

[ 本帖最後由 3ASV196 於 2012-1-14 00:47 編輯 ]

原帖由 jpoon 於 2012-1-14 00:42 發表

感覺上巴士站既客係響維園同天后站果邊黎, 起響橋面會唔會要佢地行遠左?

天后客方面, 我覺得係紅綠燈擺位問題, 令大部分人行去留仙街過馬路, 改橋面可能反而會距離短D
維園客方面, 可能要行遠少少, 睇下泳池果邊仲有冇位起巴士站出入口, 等D客可以經網球場行去巴士站(時間應該差唔多)
至於大坑客, 就真係行遠左, 但係本身都有替代服務(108, 112, 116)
不過幾條過海線車程快左, 應該會賺番D北角/炮台山客, 打番個和;
另外東隧線同南區線加停橋面站, 客量應該可以有所增長.
(其實遲早清風街果頭都會多人, 歌頓道一帶已經俾田生收購緊, 準備起新寫字樓, 而威非路道今年亦會有新寫字樓入伙)

[ 本帖最後由 4437 於 2012-1-14 01:00 編輯 ]

原帖由 4437 於 2012-1-14 00:09 發表
(個人認為應該取消永興街至清風街一段興發街南行, 另外允許橋底西行既車直行上橋,
可以將紅燈輪候時間減少一半, 亦令車輛唔駛經留仙街入維園道, 減低興發街北行車流)

其實當中環及灣仔繞道建成後，便會取消由興發街南行右轉往維園道的安排。

印象中這個路口是於1990年代初期更改的，更改前東區走廊西行往興發街出口之架空路牌是寫著「高士威道」，而從興發街出口的車輛是只能左轉歌頓街或永興街，而右轉往維園道一段便是於1990年代初加建（加建前是行人路的一部份）；而當中環及灣仔繞道建成後，這個改動便會打回原形。

而在這個路口改動的差不多時期，維園道西行進行了擴闊工程，使到車輛可以由維園道西行前往加寧街，更改之前維園道西行的車輛是沿近垃圾收集站的支路往銅鑼灣，而改動前的路口是沒有交通燈。

[ 本帖最後由 hkaiw 於 2012-1-15 20:44 編輯 ]

原帖由 4437 於 2012-1-14 00:51 發表
另外東隧線同南區線加停橋面站, 客量應該可以有所增長.

唔明點樣東隧線加停橋面站, 你指619/671往上環/香港仔方向?

原帖由 hkaiw 於 2012-1-14 19:40 發表

至於清風街的車輛則只能右轉往興發街，後來才可以直行往維園道；而當中環及灣仔繞道建成後，這兩處改動便會打回原形。

唔係播......清風街出0黎0既車，乜唔係一直都只係俾轉右出興發街北行咩？

http://maps.google.com.hk/?ll=22 ... p=12,262.79,,0,6.51

原帖由 jpoon 於 2012-1-15 05:33 發表

唔明點樣東隧線加停橋面站, 你指619/671往上環/香港仔方向?

係, 總之路經既巴士線都停站.