黃家駒逝世二十週年

1993年6月30日係香港樂壇最傷感的一日,BEYOND主音黃家駒,於6月24日在日本富士電視台錄影節目時發生意外,重傷昏迷,延至6月30日東京時間下午4:15(香港時間下午3:15)逝世,享年31歲.
黃家駒1962-1993

當時資訊冇現時咁發達, 初次透過傳媒知道家駒由高台跌下重傷昏迷, 是從亞視六點鐘新聞得知,
片頭預告簡單講述事件已覺得情況不妙, 即刻叫齊所有家人出來看電視.

回想這一段畫面, 可能大家覺得好誇張, 在我而言, 這宗意外和世界任何一次天災人禍相比,
震撼程度只有過之, 而無不及.

家駒生前最後一plug歌曲《海闊天空》, 歌詞不謀而合地與事件相呼應, 令人大感惋惜!

家駒過身後, Beyond頓時迷失方向, 需要平伏心情, 唱片公司滿約後改簽滾石, 推出新曲
《遙遠的paradise》, 又再令人想起家駒, 可惜此後只有零星hit歌, 如《活著便精彩》,
《抗戰二十年》等.

《海闊天空》此後改由家強主唱... 作為Beyond樂隊靈魂人物的家駒過身雖然已經20年,
但Beyond最經典和最流行, 始終是家駒在生時的歌曲.

家駒逝世20周年, 適逢是陽光普照星期日, 有心者不妨到將軍澳華人永遠墳場拜祭.