這樣算是有機會嗎? (文章頗長...)

其實講起嚟一匹布咁長...
話說小弟舊年出嚟做暑期工
咁就識到一個女仔(大我兩年)
一路都冇乜特別事~
可能係因為我同佢年紀比較相近(其他同事年紀上都比較上大)
所以間中都會傾吓計咁

咁喺我離開咗之後,一路都有keep in touch
不過多數係ICQ度傾計,好少講電話
除咗喺ICQ傾計之外,間中都會約出嚟睇吓戲,食吓宵夜咁啦

直至到去年十一月之後
因為project/考試排山倒海咁嚟
所以就冇聯絡一排
去到今年一月尾左右,就再次傾番ICQ
但到呢一刻為止,我都冇諗過會同佢發展

大年初一凌晨,佢差唔多踏正十二點就打俾我
原本都冇乜特別...但奇就奇在佢呢個時間係同屋企人行緊花市
就咁就同佢講咗半個鐘左右電話(佢屋企人沿途依然喺隔離...)

年初四晚,佢突然打電話嚟問我睇唔睇戲(之前已經約咗睇,但冇定時間/地點)
咁我就答應佢出去睇
佢出到戲院就話佢買飛先
最後我「遲到」大半個鐘(其實係因為我一路喺屋企,佢喺街.所以有呢種錯覺)
佢就有少少嗲嗲地咁發我脾氣,最後梗係乜事都冇啦
入到戲院之際就開始有事發生喇
入到去我發覺佢買咗love seat...
佢就話唔想坐咁前,同埋冇位
(但係其實成間戲院都唔夠廿人
佢仲要買第一排love seat
之不過除咗之前一排係住滿人之外
再前一排就已經係冇人坐ga喇)
我梗係冇乜點留心睇套戲喇,因為個位已經搞到我亂哂
最後...我第一次送佢返屋企
去到屋企樓下,佢就送咗盒朱古力俾我,話係「新年禮物」

之後一路keep住講電話/ICQ
十二號晚我再約佢出嚟食飯睇戲
(十二號其實係元宵節,我特登約佢呢日
原來想約十四,但太明喇,所以改約十二號)
呢一日我就回佢禮,同樣話係「新年禮物」
我送咗條手鏈俾佢...
佢收到嗰刻都幾surprise ga,仲笑住話我waste $$ tim
今次睇戲輪到我買飛...我刻意買番love seat位睇佢乜反應
佢入到去見到love seat,好似若無其事咁就坐喇
我仲無意中發現今次係坐番同上次個位tim
睇完戲食埋糖水就再次送佢返屋企
返屋企遊中佢話好大風,咁我就俾件褸佢著
佢笑笑口咁著咗...仲話我件褸「唔夠暖」

於是乎我同佢三日唔埋兩日就傾電話(九成係我打俾佢)
每次傾大約一個鐘左右啦
每次我有d乜困難(包括朋友)都會搵佢傾訴
而佢每次都會幫我諗,開解我

到三月頭,佢話佢病咗(類似感冒咁啦)
我即日就買咗粥同腸粉俾佢,送到佢屋企樓下
佢又係好surprise咁收咗...仲OK開心tim

then再過一排我再約佢行街
期間佢話佢隻手爆'察'
我喺上星期就送咗支hand cream俾佢r
同埋我o依家間中都會突然送糖水俾佢r
佢成日都話我,叫我唔好咁傻
但每次都好似幾hapi咁收咗佢wo~

但唔知點解近期我約佢r
佢每次都總係有d事咁出唔到嚟
(我唔知佢係咪已經知道我鍾意佢)
但佢都會send SMS/打俾我

同埋我懷疑佢係有睇我日記
(因為我日記有tracker,但我check唔到係咪佢)
而我日記都有打d有關於鍾意人嘅歌詞/文章咁

P.S.o依家睇戲的話,就算一齊買飛
      大家都好似有默契咁揀love seat坐



咁各位睇完咁大段嘢之後
覺得我係咪有機呢?
但我又唔係好知佢係咪鍾意我
我唔知應唔應該同佢表白好
各位認為我應該點做先好?
原地踏步定係表白好?

[ 本帖最後由 JX9097 於 2006-4-9 19:13 編輯 ]

就咁睇似乎好有機會~~
同我上年向女友表白前既情況相似

不過你話近期約佢都總係有d事咁出唔到...
咁究竟佢係咪真係唔得閒呢!?

原帖由 DY8711 於 2006-4-10 10:52 發表
就咁睇似乎好有機會~~
同我上年向女友表白前既情況相似

不過你話近期約佢都總係有d事咁出唔到...
咁究竟佢係咪真係唔得閒呢!?

其實我都諗過好多可能性...
我都唔知邊個係真=.="

(1)其實我舊年到今年二月都有做part-time(我仍然係學生)
三月開始就冇做喇
咁三月之前約到佢嘅成功率都接近100%
但整個三月就唔多成功r
所以有fd就話我可能因為佢驚我支出太多
所以就盡可能唔出(齋講電話/SMS)

(2)我三月開始有好多project/mid-term接踵而來
而佢之前都成日叫我俾心機讀書
咁就可能係因為佢驚我冇時間溫書
所以就盡可能唔出

(3)佢二月頭開始搵到份新工
咁份工就OK辛苦,而且工作時間長
(變相要早d瞓...休息休息)
所以同佢講電話嗰陣都要就住佢時間瞓覺
而且佢都成日話做嘢做到幾攰
所以咁亦都有可能導致佢唔想出咁多街

(4)當然...可能係佢唔想同我有進一步發展
所以就盡可能避我喇...(但電話照講,冇乜異樣)

就咁睇就好樂觀喇,
話晒睇戲坐情侶座,送佢返屋企,送禮物,傾電話...
如果個女仔無其他咁相熟既異性就更大機會~~

當然有好多野你自己先係最清楚~
未肯定的話不妨再試探一下...

原帖由 DY8711 於 2006-4-10 22:21 發表
當然有好多野你自己先係最清楚~
未肯定的話不妨再試探一下...

應該點試探法呢?!

原帖由 JX9097 於 2006-4-16 19:37 發表


應該點試探法呢?!

PM左你,希望幫到少少手啦

原帖由 DY8711 於 2006-4-17 11:08 發表

PM左你,希望幫到少少手啦

我諗我知點做喇...多謝哂