人類愈見聰明,是好是壞?!

對於人類既幸福,有不少角色既人會做好本分,發明更多方便大眾既用品
同時,有一班害群之馬正不斷破壞社會既秩序,包括電腦黑客,黑心既電話騙案集團等
他們有不同目的,有的貪玩,有的貪錢,有的只是無聊,但對社會既損失就無法估計

宗教可以導人向善,同時可迷惑人心,有人竟然會話911慘劇是美國自編自導自演出來
剛過去中秋節出現既血月(深紅色既月亮)顯示世界末日會來臨,粒子撞擊器會催毀地球......

為了錢,好多人會願意做犯法事,包括走私毒品,售賣大量冒牌貨(聲稱是真貨)等等

我開始覺得,人類愈來愈聰明,是好是壞已經不能判斷,因為可以好極端
以近日大量難民湧向歐洲各國做例,有人為了私慾,發動與別國戰爭,受害是好多無辜人民
有些香港人,為了爭取真普選,弄致與朋友、家人、情人關係決裂,值得嗎?

這個題目,討論層面可以好廣泛,開文只是慨嘆人心是如此...唔識形容

911 個度我覺得美國佬自己搞出黎呢點未必冇咁 o既可能，
到而家呢一刻有好多野美國政府都解釋唔到。

只要能夠保持原本純真的自己, 以真心待人, 與知心好友分享生活點滴, 堅守彼此信念,
世界再多奇人異事, 也視如浮雲, 反正人類每日製造大量無聊話題, 知道太多益處不大,
反而令自己憂慮. 選擇接觸正面的資訊, 甚至把自己置於社會之外, 活於充滿正能量的
小圈子裡, 尋找濁世裡的清泉, 地球上無數由聰明人製造出來的不良事件便會隨之遠離.

說到底, 聰明一定是好, 但聰明經過每個不同性格.背景的人出來的效果, 可以是人們
無法想像的. 利用聰明, 過好自己的生活, 不損人, 不害人, 幫助有需要幫助的人, 讓他們
不致被騙, 結交益友, 讓聰明向正面發展, 永垂不朽, 這才是人類的責任.

樓主的話題真的很廣泛, 以上只是個人面對現時資訊爆炸時代的做法, 很多事情要關注,
但人類知道得越多不一定是好事, 不如讓自己成為局外人, 運用自己的聰明觀看眾生相,
懂得分辨是非黑白, 對每件事看得透徹, 經過時日磨洗, 人家要製造謠言煽動, 破壞秩序,
自自然然會懂得樂觀面對, 告別感嘆的日子.

EX-TL 發表於 2015-10-2 19:44
只要能夠保持原本純真的自己, 以真心待人, 與知心好友分享生活點滴, 堅守彼此信念,
世界再多奇人異事, 也視 ...

你上面呢個 reply focus 左起人際網路之上，
但係起另一範疇，好似起社會入面，尤其工業革命之後人類效率高左好多，同時已經消耗左地球唔小資源。

我同意你所講樓主呢個話題好廣泛，最重要一點係聰明個定義在那裡同埋針對邊一樣野。

再講白一點, 既然我地改變唔到部份人運用聰明才智去做壞事.行壞心腸, 想法充滿陰謀或偏激,
好心地的最多只能夠從人脈去感染人, 做好事, 講好說話, 凡事向好的方面諗, 對人提高警惕等,
除了自求多福, 減少慨嘆, 最重要係令身邊多啲人繼續用聰明才智去做好事.

或者我咁講同維穩冇分別, 但我地唔係位高權重者, 能力有限, 只能對身邊少數人起到影響力,
樓主講的黑客, 黑心集團, 走私, 親朋關係破裂等, 都有可能響我地身邊朋友出現, 咁我地平時
做到幾多就做幾多, 可以減少身邊人運用聰明才智去使壞的話, 對世界總有好處.

你可能會話, 我所提到的事冇911事件.為左私慾發動戰爭等咁大, 但我相信每個人一出世都係
一張白紙, 有點樣的成長經歷, 比如話家人.朋友.同儕等從小付出關懷.教導.勉勵等,
係可以對一個人影響好大.

我地細個睇/聽偉人故事, 總係離唔開有他/她的師輩們啟發到佢地運用聰明去發明新事物,
改善人類生活, 造福世界. 與此同時, 亦都有一些人在發動戰爭, 散佈謠言, 惟恐天下不亂......

既然呢個世界長久以來都有唔同人運用聰明去行善.使壞, 存好心的人可以做的, 就係希望身邊
家人.朋友.同學.同事等唔係下一個運用聰明去使壞的人, 而做法可以參考番3#的內容.

至於點回番正題, 人類越見聰明是好是壞, 從回覆應該睇得出我的觀點, 就是只要人心地良善,
聰明一定係件好事, 奈何世界上咩人都有, 而主流社會的人擁有越多, 越想擁有更多, 慾望加大,
忘了原來的自己, 當越來越多人使出小聰明以圖得到更多, 聰明已經沒有對錯之分, 問題又再
回到個人修為上, 只會沒完沒了.

故此, 無需要諗太多, 做好本份吧!

但大家要留意的是所有例如朋友、家庭、政權等關係在整個生命當中到頭來只是輔助性質。
事實上人類這個物種最根本既終極責任應該與所有其他既物種既一樣，都係放在該物種既實體生命能夠廣泛地可持續地存在方面。
當這個根本既終極責任與朋友、家庭、政權等關係有衝突既時候，最好仍是堅持以那個根本既終極責任行先。

果批針對指定政權既革命者雖然我們未必完全認同他們既具體革命行為，但是他們起碼讓我們知道現時的確存在有些立心不良既政權，
為了維持該政權本身既霸權，引導其人民在其他較低級既例如朋友、家庭等關係內遭到綁架，跟住亦縱容人類這個物種既發展脫軌。

人類呢個物種夠唔夠聰明，若是在較微觀的群體來說可能足夠，但若是在物種整體上來說就似乎仍未足夠。
雖然人類呢個物種自從發明左例如政權和其他很多種類既關係確實是可以例如將人生變得多姿多采和將人類呢個物種既發展超越唔少其他物種，
但問題是自從有左政權呢種關係之後卻似乎很諷刺地反而令到人類呢個物種既發展方向偏離應有既軌道。

若果人類普遍仲係懶理物種自身既發展，跟住政權又係懶理既話，最終星球既情況轉差既時候，人類既發展就會大萎縮，甚至自取滅亡。
留意果幾大宗教既核心主張都有根本性既問題就係過分幻想實體形式既生命之後有仲未完全確實既非實體形式既生命，導致有些唔珍惜實體形式既生命方面既行為唔覺地合理化，事實上珍惜實體形式既生命確實是每個物種最基本應有既責任。

AVD1 發表於 2015-10-3 17:23
你上面呢個 reply focus 左起人際網路之上，
但係起另一範疇，好似起社會入面，尤其工業革命之後人類效率高左好多，同時已經消耗左地球唔小資源。......

仲有例如政制發展方面唔少政權都仲未係合格。
而最重要既跨星球發展方面更被個別外星物種追過添，就算在政制發展方面領先都補唔番數。

單係 "視力" 呢一環已經夠壞.

以前D手機只有基本通訊功能, 依家果D又可以上網, 又可以影相, 又可以睇電視........
以致都市人趨向 "低頭簇", 終日電子器材不離手, 視力只會越來越壞.

小學生仲慘, 以前D小學生只有傳統既紙筆功課, 依家果D仲要做埋網上功課, 又時時刻刻有 i-phone / i-pad 望, 令學童 "近視" 呢個問題火上加油.

人類整下整下變左做電子器材既 "奴隸", 完全失去哂以前果種 "純樸".