「紅磡碼頭」故事餐前開胃菜: 訪問故事主人公!

紅磡碼頭 故事 林聖直擊訪問！
當日，訪者到左紅磡碼頭的小食亭遇到林聖 (紅磡碼頭 故事主人公)，大家傾左幾句： (前邊係訪者問，後邊係林的回應)

拍拖係咪好事？
當然係好事

乜野係最慘既事？
無拖拍

點解無拖拍係慘事？
你唔覺得慘咩？

如果有人話拍拖唔好，你會點答？
身在福中不知福，肚飽唔知肚餓人

你點睇鑽石王老五一詞？
沽名釣譽

有無實質証明無拖拍慘？
有，請聽許志安「孤家寡人」

有事業無愛情的人你覺得係點？
生不如死

有愛情無事業的人你覺得係點？
至死不渝

唔怕餓死老婆搵臭屋？
幾淒美丫

點解淒美？
起碼死既時候都有個人在身邊，唔駛死左俾人用席捲住

如果要你終身不愛，你會點樣？
我會即刻在你面前咬利自殺

拍拖好多野兼顧，你唔怕煩？
你睇下宜家d雙失青年幾無聊

你點睇婚前性行為？
春宵一刻值千金

如果你俾多過一個異性追求，你會有乜感覺？
好似中左幾次三T六合彩一樣… 不過會至算啦

天涯何處無芳草？
只見巫山不是雲

你點睇情變？
變幻原是永恒

你點睇網上戀愛？
係一個幾好既方法，所以宜家d七老八十都要學識玩icq

你點睇情來自有方？
蘇永康自己個感情好好咩？好引唔引

你覺得一個人食薯條係咪好慘？
呢樣係第二樣世紀至慘之事也

你點睇和尚師姑修女們？
他們想早登極樂，由得佢地犯賤吧啦

你點睇經常換畫既人？
咪答左囉，等於他中左一次3T唔夠係咁中姐

你有無聽過盡訴心中情？
呃人的，唔好信

你有無信心你將來會戀愛？
希望越大，失望越大呀哥仔

拍拖拍到對泣牛衣，值得嗎？
阿當夏娃最初一絲不掛添，有牛衣咪好囉

色字頭上一把刀？
唔咪「刀」字唔通係「力」呀？你要配眼鏡了…

你有無睇過早熟一片？
有，睇到我喊，羨慕死人了…

你點睇分手或者係離婚？
千年道行一朝喪，或者係臨老唔過得世

要你具體演繹愛情，你會比喻愛情做d乜？
「你是陽光暖風與空氣」

如果你第日拍拖有情變，你會點做？
有至算啦，船到橋頭自然直，唔好再問啦

最後，多謝你答左我咁多問題，阻住你唔好意思。
唔阻，希望第次你再問的時候真係阻到我啦…

記住留意 「紅磡碼頭」 推出時間啦~~ thanks for reading!

**以上橋段純屬虛構 **

[ 本帖最後由 2ac 於 2006-5-13 13:18 編輯 ]

補充一下: 林聖既愛情觀~

最感受到愛情係重要的時候：
1.        大時大節得一個人或者只係得朋友們在自己面前晒幸福既時候。
2.        當發覺自己唱情歌係「帝」自己而唱慘歌係話到自己好應既時候。
3.        當發覺自己事業有成但係死左都係盞益政府既時候。
4.        當一個人到左25歲開始出現中年危機既時候。
5.        當人人都有個留低了我自尊還剩幾多既時候。
6.        當宴會因為單身而要做unlucky thirteen要請客破財既時候。
7.        當發覺自己九子連環但係無人打番相同一色既牌俾自己既時候。
8.        當一個人單拖在麥記食薯條既時候。
9.        當見到報紙三日唔埋兩日見到有未婚媽媽上報耀武揚威既時候。
10.        當發覺自己因為男性荷爾蒙過剩搞到開始甩頭髮變施丹既時候。
11.        當發覺屋企張雙人床成日唔可以發揮他最大功用既時候。
12.        當俾人串話自己無愛情滋潤從而發達既時候。
13.        當阿媽問做乜唔帶女朋友返黎食飯係咪要白頭人送黑頭人既時候。
14.        當自己身光頸靚但係只係虛有其表查實敗絮其中既時候。
15.        當自己因為無戀愛而有自殺念頭既時候。
16.        當一個人仲無聊過做雙失青年既時候。
17.        當覺得出街既時候見親都係情人。
18.        當買波買馬中左唔少錢但係都唔開心既時候。
19.        當想得到多d免稅額但係只限夫妻至會多d既時候。
20.        當想開聯名戶口但係心有餘而力不足既時候。

大家仲有無乜野補充呢?

原帖由 2ac 於 2006-5-14 05:17 PM 發表
大家仲有無乜野補充呢?

21.　當想去睇愛情片，發覺
　(a)　周圍都係一 pair pair 既時後
　(b)　一行得返兩個位，你買完飛格離個位仲係黑色既時候
22.　當想唱合唱歌無人同你「合」既時候
（好彩而家就話有多 Sing 道姐 ）

22 果點我o岩o岩聽緊「愛與被愛」既時候諗到，
一個／班麻甩佬同梁晴晴唱既時候 ...
自己都試過開左房，班 fd 未黎既時候，
不斷咁同容祖兒唱「刻不容緩」

好,又等小弟補充林聖o既愛情觀先:

24. 每次落莊o既時候,別人一雙一對,自己孤零零.
25. 做功課或溫書時,人地一雙一對地互相扶持,
自己遇到難題,孤立無助,亦冇機會幫女友解決難題.
26. 考完試時,人地唸o下點樣同女友行街睇戲,
我就孤零零煩緊wun節目,慘過雙失青年,慘過遭c++蹂躪.

[ 本帖最後由 HATE10XX@106 於 2006-5-20 14:41 編輯 ]

哈哈, 其他回假設亦很有創意
板友不介意我將有關回應選用嗎?