又一城地區只值有 203C+702?

ma212223 發表於 2016-6-28 19:31
61X本身由九龍城碼頭開都係U型走線
而基本上黃大仙警署及之後嘅站基本上都係62X 259D服務範圍
如果轉入大 ...

你望一望個價就會估到區議會唔放棄61X架喇

leungky0528 發表於 2016-6-28 18:46
我覺得可以拉103P入去
依家只到旺角東外邊
根本咩野都做唔到

其實我唔反對拉103P去九龍塘
但我始終覺得咁樣真係為拉而拉

如果我要往返又一城同港島, 我諗都唔諗就落左東鐵去紅隧口, 相反都係
因為我搭2個站東鐵只係3.7, 但時間上肯定快過架車行九龍, 仲可以避埋紅隧口塞車
以時間就係金錢呢個概念, 轉車係贏晒
係巴士公司角度諗, 我唔駛整多條線, 你都係搭巴士經紅隧過海架啦, 咁我做咩要拉長條線搵自己笨?

其實呢D位巴士要贏, 首先係本身冇鐵路
116都係九龍遊一輪先到慈雲山, 都係多人搭, 點解?
慈雲山冇地鐵丫嘛, 搭鐵轉車仲要轉小巴, 成本高自然少人用
但九龍塘有兩條鐵路頂住, 巴士點搭都要輸

我個角度係呢三班103P唔出都出左
既然都係要做，咁用嚟攞少少掌聲都無壞
就算係蘊釀縮班都好
都想佢試左呢個一直存在嘅選擇
先好同我講無利可圖

講得難聽啲
當巴士公司幾年嚟連入多少少旺角同太子嘅微調都唔搞
係唔怪得升斗市民提出更大嘅要求去講數

巴士迷成日都好天真，以為巴士一定夠鐵路打
個地鐵站已經深入民心，東南西北全部去晒
大學生仲要半價，你巴士做唔做到?

拉旺角線入去
唔該你說服巴公點解有旺角呢個大客倉唔做要走入去九龍塘自取滅亡?

leungky0528 發表於 2016-6-28 20:46
我個角度係呢三班103P唔出都出左
既然都係要做，咁用嚟攞少少掌聲都無壞
就算係蘊釀縮班都好

講得離譜啲，唔改線點樣推論到可以成為講數條件？

GU9338 發表於 2016-6-28 16:46
你個擔憂 - 完全依賴鐵路不無道理 , 但又唔使太悲觀 ,
畢竟有好多人想有位坐想快 , 就會自己去搵其他門路 ...

作為馬鞍山＜＞城大用家
我敢講好多人寧願坐86C(歌和老街上/落)都唔會行出去坐87D(當然更多係火車轉馬鐵 又平又快)
一來86C有位坐機會大
二來唔好以為慢好多
86C非繁錦英到石硤尾公園只係40-45分鐘左右
87D行到出窩打老道 加埋馬鞍山燈位停多兩停(耀安/福安)都係翻到
依家有ETA 望住預翻5分鐘行上去坐86C就係

hk20020062 發表於 2016-6-28 21:13
巴士迷成日都好天真，以為巴士一定夠鐵路打
個地鐵站已經深入民心，東南西北全部去晒
大學生仲要半價，你巴 ...

恕我不敢苟同

你講到旺角係大客倉 , 咁旺角都一樣有三條鐵路直達 , 一樣深入民心 , 巴士無得做嗎 ?
而且我前面講咗 , 半價係優勢但唔係唯一考慮因素 ,
唔通 5_X 6_X 就完全無學生上車 , 個個搭西鐵行大運 ? 唔可以咁定論掛 ?

我由頭到尾都係針對偏遠既地區拉線去做 ,
觀荃 / 將荃搭鐵路方便到過對面轉車就得 , 但 40 290 一樣有市場 ,
面對更遠既西鐵沿線 (或者其他區) , 我唔認為拉小量 X 線入去呢件事不能討論。

我諗九龍塘呢個地方唔係九巴唔想做，但 203C 損手爛腳嘅記錄，加上九龍塘地區道路規劃差離開九龍塘，一係經窩打老道 + 旺角（但等同趕走哂九龍塘班客），一係經太子道西（但界限街其實咪又係塞），一係經南昌街（但沿路都人口老化，不論南山邨出定白田邨出，客量都唔多）
九巴應該唔會無啦啦踢條線入去試客量

所以未話講數係講得難聽啲囉

103P嗰啲未就係大客倉前面企定定響度
望住「偏遠」住宅區得正正響度
最後乜都唔洗做嘅一本正經巴士線囉
話我離譜都係咁講，睇到佢真係慶幸自己仲識咩係天真

GU9338 發表於 2016-6-28 21:39
恕我不敢苟同

你講到旺角係大客倉 , 咁旺角都一樣有三條鐵路直達 , 一樣深入民心 , 巴士無得做嗎 ?

咁你覺得應該拉邊條 X 線入去呀?

68，放大角咀係方便同 268 互跳，拉上九龍塘就內部車務調動問題
61，原本架車就行龍翔道，為咗你特登落歌和老街、聯合道?
58, 59, 67，原本人哋可以去到旺角，為咗實現你九龍塘即係要轉車，咪輪到佢唔肯囉。再講，你覺得啲人會揀旺角定九龍塘?

大西北去九龍塘，太子落車轉地鐵

你咪討論飽佢囉，討論完就好夢醒啦