歷史一刻 雙層巴士上昂坪

嶼巴今早安排一部 E400 雙層巴士 AD11 (VU4736) 進行試路，我們的板友紀錄了巴士成功駛抵昂平的歷史一刻。

相片由 Singularity Studios  提供

車廂內好像有巴迷跟車。。

唔通矮過雞車就可以上到？

Choi 發表於 2019-6-2 01:01
唔通矮過雞車就可以上到？

當年雞車真係容易翻車，以羌山道嘅斜度開上去真係牙煙

睇下嶼巴下一步會不會將矮E400開入大澳

昂坪都掂, 大澳應該得嘅, 唔知有冇順便試埋行21?

嶼南沿路樹枝事前cut晒?

其實羌山道由石壁至深屈路口一段，雖然有幾個灣位較細，但其實整段都算直，而且路面唔算窄，加上少車行，只是改善路面不平，有預算嘅拉直灣位，其實行雙層都係時間問題，我記得該段應該做改善工程好耐，估計試路應該都做好晒工程才試。

至於深屈道至昂坪，當年改善工程大刀闊斧地搞，條路有埋行人路非常闊落，當年標準係能夠俾大車行走，以前路口轉小型巴士，從此能一車到尾，也是大佛建成後，能接待咁多人嘅原因。

所以羌山道水塘呢一段搞惦改善，試雙層係預咗嘅，反正3M路況都差唔多，基本上唔覺邊個位真係行唔到。依，咁11米mmc又如何？個人覺得係爭樹嘅高度！單層車都12米，所以長度應該唔係問題，有RAS個轉向接近短車，滿載上到伯公坳而無水滾，上昂坪真係可以一試。嶼巴黃老闆，近年都成日開創歷史，11米車.......

當年如果唔係佢部雙層猛男試唔到，今日佢應該唔使頭痕，猛男可以提供2.5米較窄車身，有RAS，甚至矮車身，合作多年維修零件一早齊備，成本效益高。其實如果試不設企位，個結果又會點？不過貝澳至梅窩啲灣位先至係考驗嚟！

至於雙層落大澳，就真係路況複雜許多，灣多又窄又曲線大，要好似東涌道咁大改善先可以。咁如果今次試路成功，雙層巴士上到昂坪，多咗車可以派落大澳，爭在人手。

試路成件事都真係一次提升，成功嘅話，嶼南有更多低地台服務，有足夠座位應付，又唔使試唔同單層車，去應付未來唔同需要，穩定成個服務水平，不過唔知條數係咪咁易計，好在嶼巴有B線拉上補下，嶼南服務又真係因為咁，而有動力有資源去改善。