今次 Smartone 5G 網絡覆蓋唔只集中係市區車站，新界車站亦都有份。而係 12 個測試車站中，即使係好似九龍塘咁嘅繁忙車站亦有唔錯嘅網速表現。

5G 嘅網速明顯比較快，最快嘅站下載速度去到 445 Mbps (葵芳站)，
就算係放工時間既觀塘綫車廂都可以去到 273Mbps ！
計返咁多個站平均下載速度都超過 200 Mbps，比起以往 4G 快成幾倍甚至幾十倍速度。
另外平均 12ms 低時延表現，無疑對打機對戰、視象會議等更有幫助。

小編想講下個別車站表現：
觀塘、牛頭角：呢兩個係印象最深刻嘅站，係放工繁忙時間，網速依然好快，無受人流影響，唔似用 4G 網絡咁成日塞車，希望將來更多用戶嘅時候可以保持到。(5G 技術可以支援大量用戶，應該就無乜難度)
九龍塘：東鐵綫月臺既網速可以去到 338Mbps，無乜以前呢個站一向比較慢嘅問題，相信可以應付觀塘線轉乘東鐵線的龐大客流。（其實油塘表現都唔差）
天后：深處港島地底的月台 5G 網絡覆蓋，下載速度去到 150 Mbps，證明地底車站表現一樣唔錯。
屯馬線一期四站：下載網速均達三位數 Mbps，其中以沙田圍表現最為突出，其次為第一城及石門。

唯一可惜係暫時 SmarTone 5G 覆蓋嘅港鐵車站只有 20 個（包括上面 12 個站 + 調景嶺、海怡半島、大圍、大水坑、火炭、馬場、大埔墟、上水站），希望可以快啲擴展到全線啦。

P.S. 留意一下，SmarTone 5G 網絡係香港唯一用瑞典 Ericsson 技術，唔係用華為技術~~