給初哥使用：一般巴士術語: 第3篇 巴士車廠及公司運作篇

屯南廠      指輕鐵屯門泳池站對面的城巴和九巴車廠
唐廠         好似執左,依家969的車都係由屯南廠出,
               行屯公,元公入天水圍

小弟有以下補充：

原帖由 kenchan 於 2007-3-25 11:37 發表

Ｓ廠               九巴沙田車廠，主要服務沙田及馬鞍山等地。

「Ｓ廠」亦可稱為「蛇廠」。

原帖由 kenchan 於 2007-3-25 11:37 發表

Ｕ廠         九巴屯門、元朗、上水車廠，主要由新界西北、北區及大埔區之巴士使用。

「Ｕ廠」亦可稱為「兜廠」。

原帖由 kenchan 於 2007-3-25 11:37 發表

孖Ｋ廠/閃廠           即代表九巴將軍澳區車用的將軍澳廠 , 雖屬觀塘廠(K) , 通常亦另加一張類似閃卡貼紙貼於
                           車頭兩塊玻璃之間 , 以作K廠車停泊將軍澳廠之識認

「孖Ｋ廠」？
小弟做「 iTalk 人」咁耐，
今次都只係第一次見呢個詞，
咁都算「給初哥使用：一般巴士術語」？

原帖由 kenchan 於 2007-3-25 11:37 發表

掛牌車                              指定行走某一／數條九巴路線的巴士。
                                       掛牌制度名稱源於九巴使用兩塊式方向膠牌而得名

字軌車                              新巴及城巴路線中指定使用某車行走，該車便是字軌。
                                       字軌制度名稱源於中巴/城巴使用一捲過方向布牌 , 及三格(三行)路線號碼數字
                                       捲動布牌 , 狀似一行行字軌而得名

聽聞九巴使用「掛牌」呢個詞語已經不少於二三十年；
但係「兩塊式方向膠牌」係 93 年先出現，
96 年左右先轉晒喎……
咁「掛牌」點可能係源於九巴使用兩塊式方向膠牌而得名？

好明顯，
「字軌」一詞亦唔合乎呢個命名理由！

原帖由 kenchan 於 2007-3-25 11:37 發表

私牌                                 巴士暫停載客 , 行駛中出現 " 私家車 " 字樣

「私牌」係範指「暫停服務o既巴士」，
因為以往中巴同九巴都係用「私家車 PRIVATE 」代表部車唔載客，
所以有名「私牌」。

依家城巴用「暫停載客 Sorry! Not In Service 」亦可稱為「私牌」。

原帖由 kenchan 於 2007-3-25 11:37 發表

拖卡                           當一巴士路線有三架或以上同時出車/埋站/同時前後腳地跟隨行駛時 , 狀似火車拖卡 ,
                                 故得此名 . 拖卡通常有集體 " 碌車 " , 搏過鐘之嫌....

不知所謂！
唔識就唔好教壞人！

「拖卡通常有集體 " 碌車 " , 搏過鐘之嫌....」？
咁新巴條 701 夠成日拖卡啦！
唔通 701 個個司機都「集體 " 碌車 " , 搏過鐘」？

「拖卡」可以係因為交通擠塞、上落客時間不一、路面發生事故、「順燈唔順燈」等情況，
造成班次不穩。
通常「拖卡」前後都會出現「斷纜」，
原因就係兩班車夾埋一齊。

原帖由 kenchan 於 2007-3-25 11:37 發表

賣血                                  車廠員工被調派去駕駛巴士

賣血車                                實為工程部出車，在工程部剛維修好的巴士常用

「賣血」一詞，
正式解釋係咁：
幾十年前窮人為求賺錢，
到醫院或一Ｄ唔合法o既地方「捐血」，
以換取金錢；
借代到巴士公司，
就係指員工有假期唔放，
情願返工賺多Ｄ。

「賣血車」就係指呢Ｄ員工所駕駛o既特別班次，
通常都係原本「掛牌表」內冇o既，
所以當日o個條路線o既班次會比本來o既頻密一Ｄ。

「廠務員工做車長」應該係有另一個詞彙，
絕對唔係「賣血」。

原帖由 kenchan 於 2007-3-25 11:37 發表

加一車                               已全數退役，指為小巴／中巴型九巴
加二車                               九巴短的單層巴士，例如Dennis Dart、Mitsubishi牌所有巴士
加三車                               九巴長單層巴士，如Dennis Lance
加四車                               任何短的雙層巴士，根據九巴定義，包括所有雙軸非空調巴士、ASV、ATS和ADS
加五車                               包括下列九巴車款：AV、3AV、ATR,、3ASV、3BL、3N、AD、3AD、AP、
                                          AMN、S3BL、S3N及S3V。

「 Dennis Dart 、 Mitsubishi 牌所有巴士」係「加三車」，
「 Dennis Lance 」係「加 3.75 」，
「 Dennis Falcon 」就係「加 3.5 」，
聽聞行走 211 為主o既前新巴 Dart 亦係「加 3.5 」，
不過小弟未敢肯定。

AVW 、 AWBW 、 AVBE 、 S3M 、 AS 係唔係「加五車」先？
簡單Ｄ講：
所有 11 米及 12 米雙層車（ ME 除外）都係「加五車」。


出「給初哥使用：一般巴士術語」？
唔好玩啦！
各處鄉村各處例，
正如小弟未聽過「孖Ｋ廠」，
係未就等於出面冇人講？
將自己所認識o既一套推廣俾人，
都唔該先驗證o下啦～～
一開聲就話「給初哥使用」……
誤人子弟o既時候就多得你唔少喇！

原帖由 bose_hung 於 2007-3-25 12:34 發表
簡單Ｄ講：
所有 11 米及 12 米雙層車（ ME 除外）都係「加五車」。

ME後期亦為加五車

「孖K廠」，即是屬觀塘(現屬啟德)車廠，車頭擋風玻璃中間或上客車門附近貼上
紅色K字
「閃廠」才是將軍澳廠，車頭擋風玻璃中間上方有鐳射閃貼

響另一邊都Post過...

其實睇完可以話得啖笑...
呢D所謂o既「術語」，究竟係iTalk上面o既術語、巴士途o既術語，定係
呢一個Industry o既術語呢？

如果係前者，我都或者可以信，不過如果以最後者o黎講，你係無可能同
做呢行o既人溝通...因為根本唔知你講乜...

而且當中有好多都係錯，包括車型果度(not only that)，其實有無諗過呢一
樣o野o既來源係乜o野呢？

城巴S就叫做南區，E就係東區，N就北區，T就係機場
城巴只會講屬區，唔會叫S廠、E廠咁

鴨廠唔用啦，而家係新黃廠同海廠，柴廠而家通常指新0既城巴廠
新巴就用返創富廠或杏廠

掛牌車係因為係廠度有塊大板，每架車都有個牌仔，派車部會將架車0既
牌仔掛係所屬路線0個格度，所以叫掛牌

原帖由 bose_hung 於 2007-3-25 12:34 發表

...

小弟再有以下補充:
AT係加1.8車,即車型津貼=每日底薪*18%

請問咩叫大兩味...

原帖由 北角---九龍城 於 2007-3-25 18:24 發表
請問咩叫大兩味...

駕駛正字軌車長返兩段時間叫大兩味
例如早更車長：05:45-10:30,16:00-19:30
夜更車長：10:30-16:00,19:30-00:45