原帖由 nwfb23 於 2007-5-19 07:25 發表 
開頭可能真係關錢事0既，不過熟絡0左，就真係friend啦
放假都會出去飲茶，就算唔坐車，經過站頭都會入去吹0下水咁
唔駛錢，變0左係副產品啦
我就覺得, 可能有好多人真係為左錢, 但係都有唔少係完全冇利害關係的...
就好似小弟咁, 小弟係唔同途徑, 識左唔少司機, 但係, 有一個, 真係好令小弟印象深刻..
話說當年小弟返學放學都係搭某一條巴士線的了, 咁呢, 小弟放學就放15:30,
咁呢條線就非常好客既, 當年過左三點八呢, 就唔駛旨意係呢個分站上到車的了...
於是呢, 小弟和另一同學, 好多時都係衝落去趕搭15:33的那班車的..
次次都係咁追, 有時追到有時追唔到啦..但通常某個司機的話, 就一定追到既...
有日, 大熱天時, 星期五, 又係咁去追巴士, 佢都行前左等出站的了, 不過太多車, 所以出唔到,
見我地揹著個大書包, 於是就俾我地上左車...一坐就坐係導航位...
點知, 個日部車去到公路時, 突然風油泵失靈, 冇左風油軑...
其實個司機可以就咁停係公路等過車, 但佢又知道佢班車之後的車多數冇位,
於是, 即使千辛萬苦, 佢都駕部車去到公路之後的第二個分站, 一個
又多車轉, 又一定上車既分站...
第二日, 見返佢, 同埋佢部車, 係天橋佢已經見到我地, 所以就特登等埋我地先開車,
上左車之後又講返起之前個日的事...就咁做左fd啦...之後, 總之係佢開個班車呢, 小弟
一定上到車既....
到而家, 都已經5年有多了, 雖然小弟成日唔係香港, 佢都認得小弟架,
到小弟有車牌之後, 都試過送佢返屋企tim, 順手傾下計, 傾下近況呀...
而家連msn都有埋, 佢d仔女及佢老婆都知有我呢個人tim..
六月返來時又搵下佢先... |
