K65A 運作觀察

近一兩日早繁所見，K65A 實際上開得比表列密，大約 10 分鐘左右已經有車。而事實上，雙向都係勁多人，天水圍站 前車走咗五分鐘都冇，條龍已經有 50 人。現場都有站助數車數客同維持秩序。而 流浮山道 同 田廈路 某啲附近有村屋嘅站又係有一大堆人等車，反而 33 35 冇乜客，就算 天水圍站 排哂長龍等 K65 K65A，都冇人過檔，上車嘅都係入 下白泥 或者 沙橋 輞井。


不過有少少問題，有班 14X K65 同 單層 K65A 同時上客，最後齊齊頂閘走人。留後 三兩個客，唔係咩大問題。但後面又有架半吉 5XX K65，竟然直接飛站走。

而 K65A 流浮山開出尾車亦打大幾分鐘（冇阻住其他車）。亦因為 K65A 同 K75S K52S K76S K73 短途車 506 富健特 嗰啲一樣，係冇入資料，所以八仔機照用主線資料，而 LECIP 係冇運作，即係冇 ETA、冇報站。生客會比較易落錯車或者 miss 咗啲站。


另外，隔離 K75P 都好多客。