DIH 發表於 2022-8-8 13:12 態度正確。我當年都無補習同臨急抱佛腳,但自己都唔夠膽開考前仲出去玩;雖然當年人生唯一一次公開試,開考前五日因為急事,臨急 day trip 過關去左深圳一轉,記憶猶新 我都係 2008 年後先開始年年都有得飛,尤其是過去四、五年飛得特別多。可惜第一次出國 summer program 去程無留影,但好慶幸之後每次旅程都有紀錄過,更有過好幾次相當特別同難忘的旅程。舊年經歷過連續十六個月邊度都無得去既日子,發現自己真係好需要出行。 入境檢疫減至三晚的確出乎意料,但始終時間寶貴,最好當然免檢疫。我已經差唔多四年無返過香港了,唔知幾時先可以返。一來新工開始左無耐,咁快就放長假唔係幾好;二來工作上都仲有 security concern;三來如無意外下月入籍,之後申請護照又要搞兩三個月,我最快都要有新護照後先可以出境了。希望到時真係全面回復正常吧。 |
本帖最後由 DIH 於 2022-8-9 12:49 編輯 S3BL100 發表於 2022-8-7 22:44 我一向以日常溫習打底,反正校內試都考過幾次,由細到大都唔係臨急抱佛腳,亦無補習同操paper(最需要操的在課堂上已操了)。從網上搵到當年正試時間表,三月尾開始考中英文,然後到四月尾考Chem/Bio/Phy,二月尾去五日旅行都唔太過份丫,正所謂讀萬卷書不如行萬里路~ 作為交通愛好者,本來就好鍾意為巴士火車飛機留倩影,只因以前得菲林機要慳住使,旅程見聞好多只能記在腦中。當時這部初代數碼相機只得針孔鏡頭,無光學變焦,幸好都影落唔少相片,之後從2005年開始有比較見得人的相機,更加乜都影一餐。 我放晒陳年報告出來都有少少「作法」成分,今日終於有好消息,入境檢疫減至3晚,比我想像中進取,希望再過多排可以免隔離。 https://news.rthk.hk/rthk/ch/component/k2/1661373-20220808.htm |
站規|清理本站Cookies|hkitalk.net 香港交通資訊網
GMT+8, 2024-4-28 20:12
Powered by Discuz! X3.4
Copyright © 2001-2020, Tencent Cloud.