探討興建雲巴連接烏溪沙站及周邊屋苑的可行性

近年烏溪沙站附近有多個大型屋苑發展區如落禾沙地區（迎海、雲海、星漣海）和西沙灣
然而上述區域離地鐵站都有相當距離，目前倚靠巴士及小巴進行接駁。
尤其是西沙灣，完全建成後將有高達9700戶入伙。
（即使相關道路已擴建，也不排除無法應付將來人口增長）
與此同時，政府正推進啟德輕軌和東九龍線落實興建。
兩線預期採用載客量較低的“雲巴”系統，引起了一定爭議（尤其在人口密度較高的東九龍線）。
然而對於落禾沙及西沙灣往返烏溪沙站的短途接駁，此類系統頗為足夠。
因此想探討是否能興建一條雲巴，將三地連接，方便居民出行。

建議站點如下；除西沙灣站為地下站，其餘全部為地上架空站：
1. 白石（Whitehead）——耀沙路/落禾沙里回旋處上方。附近有星漣海、泓碧、城大宿舍等。
2. 落禾沙（Lok Wo Sha）——耀沙路近迎海行人天橋北端，連接上述行人天橋，並可通往附近烏溪沙村及海灘。
3. 烏溪沙（Wu Kai Sha）——烏溪沙站北側，A2出口天橋附近，連接上述行人天橋，可直接轉乘屯馬線前往各地。
4. 樟木頭（Cheung Muk Tau）——西沙路樟木頭村與帝琴灣之間，連接附近過路行人天橋。
5. 泥涌（Nai Chung）——西沙路泥涌新村及泥涌巴士總站之間，連接附近過路行人天橋。
6. 輋下（Che Ha）——西沙路輋下巴士站上方，北段連接過路行人天橋，南端嘗試觸及馬牯纜村及對面發展區（好像是Go Park項目一部分）
7. 西沙灣（Sai Sha Wan）——Go Park體育中心地下，使用網球場及高爾夫球場之間的空地。
車廠建議選址：白石東北部有個向東伸出的小型半島，建議使用該處地面；或者回收白石高爾夫球場用地興建。

服務時間：白石開 05:25~1:30，西沙灣開 05:20~01:25
繁忙時間 8~10分鐘一班，非繁忙時間15~20分鐘一班。
建議收費：全程劃一$6.5，烏溪沙站轉乘地鐵可享有轉乘優惠$4.5（合資格老人$2，無轉乘優惠）【或者參考啟德輕軌定價】

敬請指教~

581咪凍過水

其實應該拆左過渡性房屋，屯馬線加多個站係14 鄉路口

雲巴從來都未試過高載客量公交線，起雲巴做觀光線就可以。雲巴
安全系數不高，要他重載，跌一部落街，幾多人生還都係一個問題。
這種交通工具，係內地都係做觀光車或長期空載(坪山線)，廠內車(比亞迪廠)渣。

cx838 發表於 2025-4-26 18:03
雲巴從來都未試過高載客量公交線，起雲巴做觀光線就可以。雲巴
安全系數不高，要他重載，跌一部落街，幾多 ...

所以返到政府想用雲巴起東九龍線嘅問題......
我在R1版propose過，轉用爬山輕鐵可能更加適合；
假如驚噪音，就玩輪胎（好似巴黎地鐵咁）

不過，啟德輕軌用雲巴係OK嘅，因為確實帶觀光性質，而且條線比較短。
而家睇到，西沙+落禾沙嘅情況係有啲似跑道區。
有唔少人睇衰Sierra Sea，就係驚西沙路遲早會塞爆（即使已經擴闊去Go Park嘅路段）
最好起多條類似APM嘅物體疏導交通（輕鐵都已經太大部），雲巴剛好夠用。

另一位師兄都講得無錯，條線基本等於581；但係萬一善水有興趣玩雲巴？
此外，政府至今都無話過啟德雲軌一定係俾港鐵做；同埋跑道區都係善水大本營之一......

hellomato 發表於 2025-4-28 10:02
所以返到政府想用雲巴起東九龍線嘅問題......
我在R1版propose過，轉用爬山輕鐵可能更加適合；
假如驚噪音 ...

西沙路雙程化之後中間種樹嘅空間唔夠起橋墩
另一方面無論鐵路定雲巴，都需要搵地起車廠同控制中心

eternalflame 發表於 2025-4-28 16:49
西沙路雙程化之後中間種樹嘅空間唔夠起橋墩
另一方面無論鐵路定雲巴，都需要搵地起車廠同控制中心
...

所以要睇啟德輕軌究竟點起——
以前大家嘅assumption係將成個啟德空中花園鏟曬變路軌；
而家就話可以擺on top of 空中花園兼做成個花園嘅shelter。
所以真係整到啟德輕軌同空中花園並存，我估西沙路搞雲巴嘅環境空間都應該問題不大——
望落好似同空中花園差唔多寬，甚至唔似跑道區兩邊夾住啲高層居民樓。

但也承認，一樓建議部分車站位確實比較理想化，可以做以下調整：
1. 白石（Whitehead）——改到白石俱樂部西面，回收貨倉用地，兼做車廠和控制中心。【白石東北小型半島為自然保護區，無法使用】
2. 落禾沙（Lok Wo Sha）——改到迎海西北側空地上，靠近烏溪沙路/耀沙路迴旋處。【車站走向隨烏溪沙路；服務目標不變】
3. 烏溪沙（Wu Kai Sha）——【位置不變】烏溪沙站北側，A2出口天橋附近，連接上述行人天橋，可直接轉乘屯馬線前往各地。
4. 樟木頭（Cheung Muk Tau）——移到帝琴灣一期對出，西沙路與年豐路之間狹長土地，繼續連接附近過路行人天橋。
5. 泥涌（Nai Chung）——泥涌停車場上蓋（舊泥涌巴士總站遺址），繼續連接附近過路行人天橋。
6. 輋下（Che Ha）——移到行人天橋東側，輋下村口新道路工地位置。【附近有一大批土地被剷平，原因待查】
7. 西沙灣（Sai Sha Wan）——【位置不變】Go Park體育中心地下，使用網球場及高爾夫球場之間的空地。

hellomato 發表於 2025-5-5 12:33
所以要睇啟德輕軌究竟點起——
以前大家嘅assumption係將成個啟德空中花園鏟曬變路軌；
而家就話可以擺on ...

啟德空中花園橋墩結構已經預左上面會加建單軌鐵路