夢幻JJ之旅 第二彈 TR972 HKG-SIN

喺五月嘅時候，一直唔食榴槤嘅老竇唔知咩事話要食吓馬拉種嘅榴槤，本身已經諗緊今年去檳城定係KL定係邊度，但係熱愛minions同侏羅紀嘅家母知道環球影城開咗minions land同Gardens by the Bay有侏羅紀crossover，之後就決定去新加坡唔去馬拉，而小弟嘅國家清單仍然未能解鎖新國家

睇開我嘅飛行報告都知我哋一家唔介意時間爛，最緊要就喺目的地時間越耐越好；上年坐過CX去SIN T4之後，對於T4嘅麻煩留下深刻印象，我同屋企人都決定坐唔用T4嘅公司，啫係星航啦？只但係同某版友/好友一樣，有787都想坐787，本身SQ全部香港機都A350/77W已經冇話特别有興趣，突然醒起星航有個廉航仔有787坐，睇咗時間先知原來佢哋每個禮拜嘅航班數目都唔同，而就算有機都每日唔同時間，當中我哋嗰日就係0510起飛，我心諗係咪磁能線嘅時候，父母話抵啦，去到啱啱朝早瞓醒嘅時間，於是竟然揀咗呢班咁騎呢嘅飛機

不過揀呢班嘅時候，我提出坐ScootPlus，一嚟張凳瞓得舒服好多，二嚟機頭冇BB喊（之後解釋），三嚟會帶大寄艙篋坐普通Y都要加錢，結果每人加多600蚊港紙，換來呢個有嘢食、有叉電、有行李、有揀位嘅單程假J之旅，每人就1600蚊來回，屎忽痕買咗套amenity就另話啦


0510起飛，0410 check-in close，就算有架0330開嘅NA都趕唔切，唯有就坐尾班E車，入去食宵夜M記


起飛前3小時先開counter，我哋有自己嘅check-in隊，好快就有得check


300人機排3個counter自然墟冚，慶幸有priority


除咗Priority check in仲有Priority boarding
呢個係上次JAL內陸機夢幻假J都冇嘅福利


所有自動閘機太夜閂晒，結果所有人都要行禮遇通道人手check


冇機好似我哋咁癲啦




是日25號閘
癡膠花邪教組織亂入


Gate上隻Cebu都未走，我哋隻機仲喺越南inbound
於是我哋就落平民lounge aka M記打躉
同上次假J之旅一樣冇lounge access
to be fair, Scoot可能都知自己嘅假J真係假得滯，其實都好耐冇話自己係Business Class，我諗佢嘅定位而家介乎PEY左右



瞌咗大約一個鐘就隻機嚟，今日坐嘅係新加坡第一隻嘅B788，機齡剛過10年

適逢早幾個禮拜就墜咗隻AI B788，家母得知同型號都有啲擔心，不過我就話10年先嚟料唔應該係先天嘅defect，人為因素更大；然而Scoot唔洗機，個機頭一達達的確幾嚇人


優先boarding除咗ScootPlus仲有高級星航會員，坐Y亦可以買boarding zone 1


好想喺呢度boardimg，不過香港條橋會整壞787機頭嘅sensor，所以冇得埋Door 1


上機後轉左有一段Y+嘅位，有多段式頭枕，同埋唔俾小朋友坐呢段及ScootPlus，於是D2前面就係寧靜嘅區域




我張凳
外貌上的確有誠意過JAL嘅內陸假J真PEY


787最重要嘅玩具


唔係我相機setting衰，但係個mood light 真係黃過黃之鋒


趁隔離未有人去咗廁所先，呢個moment cockpit後嘅廁所都算乾淨冇異味，不過明顯冇fancy amenity啦


返嚟seat tour，有call button有閱讀燈制


閱讀燈係咁嘅，不過竟然冇獨立風口


控制legrest同凳背


armrest攞出嚟嘅摺檯


椅袋內有safety card有menu有duty-free，仲有嘔吐袋/垃圾袋，Scoot鼓勵乘客垃圾放紙袋，臨landing就一次過揼，crew做少啲嘢，亦慳返少少清潔


787 Safety card


Menu價錢貴過UO


Wi-Fi價錢、機上upgrade座位價錢，仲有插座使用費
冇錯Scoot Y用插座要俾錢，如果咪就冇電


假J就有得免費用插頭


Scoot全部位都冇電視，不過可以用呢個網睇吓啲Scoot自家廣告，反正佢聲稱嘅遊戲同in-flight map我就見不到


座位其實好闊，橋腳仲有位，明顯闊過之前嘅JL假J


之後空少過嚟打招呼加派welcome drink，啫係一人一杯水
另外因為所有J客都有餐兼且已經pre-order咗，所以都逐一confirm order，同時落埋drink order（幫某版友睇清楚，冇酒精飲品）



然後再走嚟派30MB Wi-Fi兌換卷
以防大家唔知咩係30MB，大概你send 2-3幅相就會爆


屎忽痕訂嘅amenity，質素比想像好，眼罩好黑又唔係用會痕嘅質地，張氊就有抓毛好暖，仲有吹氣枕頭，但係好重膠味同要用口吹，所以冇用到，留返下次

Serve完就開始做safety demo，並且做咗幾個安全廣播，包括唔可以用尿袋叉電、提防機艙老鼠偷嘢等等，另外新加坡規例就taxi 起飛 descent 降落全部不准戴耳機耳筒，啲crew除咗檢查安全帶之外都檢查埋耳仔
呢班機嘅語言係英文為主，華語為副，其他馬拉語等新加坡常用嘅語言就欠奉，可能去馬拉嘅機情況唔同？





一pushback就直接去25R起飛without holding
成個香港郁緊嘅飛機得我哋





冇耐就穿過雲層，順便撳暗個窗



轉個頭crew都上埋餐
我揀咗Nasi Lemak啫係椰漿飯，嗰個suppose係辣醬，但係唔知係味覺失調定係氣壓問題定係航空公司怕乘客怕辣，我反而食出係甜甜哋嘅；另外仲有個好好食嘅香蕉蛋糕，朱古力餅2塊，同埋檸檬茶一罐，味道難以形容，但係唔似飲過嘅檸檬茶味道

叮叮飯求其食完都好快收餐，然後大家都真係瞓


呢張係中途窒醒影，個個都撳到最低椅背
想講其實crew冇鎖窗，但係大家都自覺撳暗晒，成個環境係舒服的


真係醒就撳光多少少，Captain都話開始descent了


Crew走嚟叫人撳光晒個窗，同埋再次check安全帶check耳機
係喎，根據佢哋嘅廣播，Scoot幫crew改咗個好kam嘅名，叫Scooties




由北面land，呢啲應該都係馬來西亞嚟


樟宜基地


不知reg嘅廢棄777


SQ招牌A380

然後就係非常平穩嘅landing，可以繼續安心睇飛機


抬偈中嘅星航B78X


SIN最代表性嘅Jewel


草地招牌


後面land嘅SQ B77W




最後泊喺星航大本營附近
SIN可以用孖橋，所以用機頭落機


Arrivals同Departures嘅landside混埋一齊，喺國際機場都少有，甚至隔離T4都係好傳統分開





Arrivals嘅就自己落去過關
因為新加坡要用ETA，所以佢一早有晒資料，旅客都可以行e道，只需要一分鐘左右就成功入境




攞行李，非常難以置信，條帶郁之後頭10隻篋已經見到自己嘅篋，只但係Scootplus好似唔suppose有priority baggage，又有小確幸


T1出嚟就係Jewel瀑布位早到都未開瀑布


雖然呢幾個Terminal交通方便，但係都係坐Grab，遇上早繁塞車，又瞓到成個鐘，個人咁就上足電了

小結：
Scootplus喺需要瞓覺嘅航程的確好舒服，但係真係唔好預啲咩服務，因為真係始終廉航質素，不過如果想加呢樣嗰樣嘅可以考慮Scootplus，畢竟買貴一級未必貴過買Y逐個add-on
張凳舒服到飛澳洲都唔介意，不過Scootplus冇娛樂，瞓唔着就真係眼光光了，所以有冇下次呢？我嘅答案係有得揀我會揀試埋Jetstar J囉

感謝閱讀

Crew走嚟叫人撳光晒個窗

想知點解唔係由 crew 統一撳光全部窗？

插座使用費係咪收錢後由 crew 著比你叉電

見到樓主篇報告先醒起原來 Scoot 真係有時間奇奇怪怪既航班

點解我知？因為舊年幫阿媽 book HKG-SIN 果陣喺 SQ 官網見到，但果陣好似係 redeye，開朝早五點隨時比起 redeye 更難頂，係估唔到呢類航班而家香港都有巿場。樓主同屋企人都頂到都算好野，至少我一定唔得，我阿媽一定唔得，正常情況都唔會揀太早起飛或者太遲到，果次佢仲指定要時間最舒服果班 SQ894（當然都最夾到大家時間），而呢班機當時用現金買最貴。最後我用信用卡積分轉換作 AC Aeroplan 積分幫佢換

至於唔去 KL 同檳城而選擇再去新加坡，舊年去過晒三度既我表示新加坡巿容遠比 KL 同檳城好，可能更適合作 family destination。至少阿媽都係咁諗，去完之後佢話新加坡有機會會再去，但馬來西亞就免了 但可以講既係新加坡消費遠比馬來西亞昂貴，KL 同檳城都有少少似八九十年代舊香港，有一種特別風味，KL 街頭亦比起新加坡更具活力，檳城食既野亦比新加坡更具特色更正宗。但各方面配套真係麻麻，加埋巿容未必人人都頂到。我自己就覺得 KL 同檳城都相當值得去睇去玩，但如果係同老人家就真係要小心少少同注意安全

最衰果陣十月去，阿媽錯過左榴槤時節

記得 ScootPlus 係改過名嚟

一開始好似係叫 Scootbiz
然後曾經發生過藝人何韻詩投訴搭 Scootbiz 「商務位」都冇免費毛氈嘅事件

咁樣的飛機餐好似7仔飯盒

clivetock 發表於 2025-7-17 13:03
想知點解唔係由 crew 統一撳光全部窗？

插座使用費係咪收錢後由 crew 著比你叉電

撳窗真係唔知點解唔統一撳光，去到臨掂地都冇鎖窗，我後面嗰個撳暗咗至少兩格降落
插座冇經歷過唔知，因為我坐ScootPlus就唔使俾錢都用到

S3BL100 發表於 2025-7-17 21:07
見到樓主篇報告先醒起原來 Scoot 真係有時間奇奇怪怪既航班

點解我知？因為舊年幫阿媽 book HKG-SIN 果 ...

睇咗我幾年report應該都知我其實先係唔頂得嗰個
不過我哋不嬲都唔瞓得多，最多瞓得少嘅話第二晚早啲瞓，其實又還頂得（屋企人未去到2蚊客程度，佢哋覺得一日未2蚊都唔可以同個老字掛鉤）

新加坡嘅物價其實已經唔及香港貴，出街食嘅話，同level計應該係香港貴啲，7仔物價係新加坡貴，但係去超市買水買嘢飲都唔夠香港百佳惠康貴，車費我哋坐巴士多，距離計價錢可能又平過香港，有種終於有樣嘢贏新加坡嘅感覺 不過下個月要去英國探親，如冇意外中途會停瑞士一日，到時再睇下咩叫物價指數最高

榴槤我諗馬拉會平好多，喺新加坡開咗個3kg嘅黑刺王，都成850港紙，馬拉冇半價應該都至少七折，之但係冇理由咁新鮮唔食

KG1428 發表於 2025-7-17 22:35
咁樣的飛機餐好似7仔飯盒

畢竟係啲需要長期擺放嘅嘢食，隨時有人落order買，最方便最安全衛生最唔浪費一定係叮叮飯盒