九巴你要點樣先肯為39M按編定班次開車？

https://www.hkitalk.net/HKiTalk2/thread-2291086-1-1.html
見早前有人出文講九巴31M的收車問題，我都想分享下另一條巴士線九巴39M的收車問題。

https://www.hkitalk.net/HKiTalk2/thread-2277178-8-2.html
係4月9日回覆其中一篇帖文提及九巴39M以往經常收車，3月30日起調整班次後仍然有收車問題，遠的唔講，只簡單講4月9日之後的繁時收車情況。

4月14日、15日同16日連續三日踏入下午5點就收到15分鐘一班，14日同16日持續到下午6點幾，15日更加係下午5點至10點之間除左中間下午6點至7點之外收到15分鐘一班，4月24日下午4點45分至7點30分收到15分鐘一班。呢啲時段以往本應7至8分鐘一班，減班後變為10分鐘一班，再收車變15分鐘一班。

踏入5月頭三個星期，每星期的其中一日早繁收車，其中一日早上7點至7點半本應5至6分鐘一班收到10分鐘一班，其餘早上7點半至8點本應7至8分鐘一班收到10分鐘一班，早上8點至9點本應10分鐘一班收到15分鐘一班。踏入5月最尾一星期仲慘，四日平日(另一日係佛誕假期)當中有三日早繁類似咁樣收車，其中5月29日更加由早上7點40分起收到15分鐘一班，早上8點之前仲係7至8分鐘一班的時段，竟然早上7點40分起就收到15分鐘一班，同埋5月最尾一星期的其中三日平日下午踏入5點起由本應10分鐘一班收到15分鐘一班，分別持續至下午6點、6點半同7點15分。

本人向TCU投訴左三年，運輸署總係回覆話車長缺勤所致，上個月改為直接電郵俾高級運輸主任(荃灣)投訴，得到的回覆都係話缺車長。以前因車長缺勤而係本應用四架車開7至8分鐘一班的時段變為用三架車開10分鐘一班，家陣同樣時段變為只需三架車開10分鐘一班(除左平日早上7點至8點)，原來都一樣會缺車長，再收到得兩架車開15分鐘一班。

37M早繁同下繁的編定班次為10分鐘一班，亦總能開10分鐘一班(37M都有收車問題，主要發生係平日日間非繁時)，39M繁時減到同37M一樣10分鐘一班，結果並非好似37M咁開齊車，而係照樣收車。隔離西約的34M一向絕大部分時間開齊車，至起碼當5月最尾一星期39M有三日平日早繁收車果陣，34M係果個星期的早繁都準時開車。

果篇講31M收車的帖文話「希望有人上黎Mon post之後可以收斂下」，如果我呢篇帖文都有人上黎睇的話，希望九巴再正式減服務詳情表上的班次，將真實願意開的班次寫落服務詳情表上，例如認為繁時開10分鐘一班都好難或唔願，只肯開15分鐘一班的話，咁請將服務詳情表上的班次改到15分鐘一班，然後日後至少按呢個班次開車，等荃景圍居民知道39M實際班次好疏然後自會識得用其他方法來往地鐵站(例如行路，唔少荃景圍居民早已咁做)——有居民仍然以為39M班次好密，那怕見到ETA顯示15分鐘一班會以為中間有班次無入機或者以為塞車拉疏班次。

附上39M的服務詳情表上的班次以供參考：https://search.kmb.hk/TD_SS/39M.pdf

P.S.現時星期六同紅日仍然按舊班次開車，固然亦同以往一樣經常係舊有的7至8分鐘一班時段收到10分鐘一班。然而由於紅日的新班次已減到10分鐘一班，所以按舊班次再收到10分鐘一班就唔算收車；而星期六的新班次主要只由原本7至8分鐘一班減到8分鐘一班，因此按舊班次再收到10分鐘一班的話就算收左車。

39M如果收而家價錢 3倍，咁九巴就會開足車

要改善嘅情況 最好係招請投訴的板友快快去考個巴士牌 報名申請365日做死嗰條線嘅車長  到你要放假時就回復現時狀況


不如快快行動吧！
最慘係 你唔搭39M,仲可以俾多少少搭39A,30,30X 又未到好有需求要補司機落39M不可...

唔怪得28/5 放工6點幾，富華街等20分鐘先上到39M嘅企位。

最慘係啲轉乘優惠得39M有，其他都無

MP7697 發表於 2026-5-31 19:28
39M如果收而家價錢 3倍，咁九巴就會開足車

而家坐巴士同坐的士差唔多


的士就近嘅唔想做，遠嘅唔想做，交更時間唔做，塞車唔做
巴士就平嘅唔想做，長途唔想做，行車時間長唔做，塞車回車慢唔做
新皇崗啲線開埋可能真係車都唔使搭。

收3倍價錢，落地底呢個價錢都出到尖沙咀了。
今鋪真係比多少少3個人坐的士都可以。講真不如開放紅小禁區，比大家一齊上山鬥一鬥，咁就可能39M可以壽終正寢收晒啲車。又或者84小巴開特別車荃灣站上山，連埋而家95M小巴瓜分晒啲客又得。

乘客最好買完月票就落車，仲好意思話自己係城市脈搏，條脈搏虛弱到咁。
定係好似隔離版講，而家超前部署荃景圍站，而家就收定啲車。

九巴見住30X有楊屋道客保底同時又吸到238X班客，客多左唔少，
有時仲加密早繁班次15分鐘一班時段多過1粒鐘，
睇黎佢而家想吸埋39M 39A嘅南九龍客過檔30X！

晚繁就少左脫班收車，間接食多左富華街客，
令39M晚上收多左車，近排39M仲見用多左11.3米

而且而家荃景圍2蚊客唔小，九巴比較想佢地坐30X啦。
坐車聽八仔聲，30X啲2蚊已經佔一半架

chunwah1908 發表於 2026-5-31 20:50
而家坐巴士同坐的士差唔多

今日先同人吹完水,

金巴正價 $65, 搭 40 分鐘, 塞車機會極低, 過橋費 $300 (雙層車平均每人少於 $5 用於過橋費), 仲有客源保證，簡直賺到笑
就算城巴皇牌線 A 車每人頭 $40 左右，但又搭成個幾鐘、又會塞車, 都唔能夠同金巴營利可比
再望下普通市區線，幾蚊雞搭足成個鐘，望到金巴個營收簡直會心理唔平衡

呢批紅公司減班 (咩名義都好) 我都多左搭鐵路,
只要 Check 完 ETA 等車時間長過 10 分鐘直接地底見，如果要轉車而轉果架已經係疏車既直情唔博搵 Alternative route
發現左某d路線搭鐵路唔係想象中咁難頂 (價錢+時間), 可作為長遠替代方案, 就算日後紅公司班次復常返我相信都會多左搭鐵路

其實本地私營巴士公司 (包括紅黃綠) 如果係覺得本地運輸搵唔到錢, 不如全部都拿拿聲交返個牌，比返個問題運吉好過，無謂生人罷死地

要準時好簡單，入紙減班減到而家咁樣咪得