電腦版 重點文章 新巴士出牌 以fb Messenger聯絡本站

Mitsubishi FUSO MP618N 的下落? 看全部


* 圖片轉自www.gakei.com

根據各巴士公司的資料,以上這款巴士好像只行走過1-2年就退下來。
請問原因是什麼?

另外這些巴士的下落好像是被旅遊巴公司買下來,200年在天水圖行走過免費巴士,
請問最後他們的下落如何?

Advertisement

  • 2# lpc
  • 2007-12-29 20:16
引用: 原帖由 ckckck 於 2007-12-29 19:30 發表

* 圖片轉自www.gakei.com

根據各巴士公司的資料,以上這款巴士好像只行走過1-2年就退下來。
請問原因是什麼?

另外這些巴士的下落好像是被旅遊巴公司買下來,200年在天水圖行走過免 ...


其實來來去去只得呢部FL5622,
只係響唔同時期借俾專利公司做試驗,
據聞部車已經退役兼"湯"左喇,
但已經唔記得係咩時間退役。
此車首次公開發表, 是在1992年底某一期《車主》雜誌內刊登的一幅照片, 依稀記得其載客量是45個座位, 11個企位, 車子中間設有一道自動搪門, 車子後軸以後並寫上「New三菱巴士」的字樣, 並髹上九巴色彩, 但比起九巴的空調巴士色彩, 它的車身顏色是比較接近米色的.

呢架車在1993年初交予九巴試驗, 車隊編號AP1, 並於1993年6月3日開始行走2號(當年2號掛牌車, 冷氣係三菱, AA1-2及AP1, 熱狗則是3N), 車型津貼與AH及Lance相同(當時AH, Lance及AP1同是加四車), 九巴在1994年將之退回三菱.

1994年中九巴將車退回三菱後, 再交給城巴試, 翻髹上城巴的坡柴色彩(即黃紅藍冇白邊), 車隊編號1205, 先後行過1號, 5號及12號,  試行半年後再退回三菱, 同時城巴在行12號時, 撞歪了車頭泵把, 另由於車頭牌箱的號碼牌採用不透光的物料製成, 故此在城巴時它是不會在晚上行走的, 加上城巴在此車上貼出告示, 指出這車是試驗行走, 如有任何意見, 可致電某個電話找某個人.

1995年初城巴將車退回後, 再交給九鐵試, 髹上當時紅白灰的九鐵色彩(與當時的九鐵利蘭色一樣, 不是輕鐵那一款), 車隊編號318, 主要行走K1X, 試行一年後退回三菱.

車子在九鐵退回三菱後, 在1997年被欣欣旅運購入, 車頭牌箱被封掉(相中擋風玻璃對上白色部份, 就是當年的牌箱位置), 行走天水圍的百佳免費巴士直至退役, 車子據知最後在2004年退役, 退役前最後一程為接載一班巴士迷一天遊河, 並於遊河結束後即時駛到車場處決.

架車咁早死, 可以估計到的原因係耗油量與一部ISUZU的LT系列相若, 但載客量比一部ISUZU少得多, 不符合成本效益, 敢肯定如果呢部車仍在九巴服役, 至今應該仍未退役.

同埋可以肯定的是, 呢架FL5622之後, 三菱在香港巴士的佔有率就一直下降, 除了東洋及冠忠購入一大批MS系列客車, 以及九巴最後一批MK217J之外就再沒有大批量的訂單, 村巴校巴廠車的用家 - 包括冠忠這個當年三菱的大用家, 當時冠忠大部份車隊均是三菱的BM系列, 亦有可能係冠忠在1992年購入了嶼巴這個ISUZU老主顧, 為了統一零件的緣故, 紛紛轉投ISUZU懷抱, 而客車用家就改用UD以至歐洲的Iveco, Scania, DAF及MAN等等.

[ 本帖最後由 gordon 於 2007-12-30 02:31 編輯 ]
引用: 原帖由 gordon 於 2007-12-30 02:05 發表
此車首次公開發表, 是在1992年底某一期《車主》雜誌內刊登的一幅照片, 依稀記得其載客量是45個座位, 11個企位......

架車咁早死, 可以估計到的原因係耗油量與一部ISUZU的LT系列相若, 但載客量比一部ISUZU少得多, 不符合成本效益


以 2+2 座標準計算,一台短陣的 Isuzu LT 系可以載 45 人,長陣的可以載 49 人
其實都相差無幾......
若果部三菱改為 3+2 座,載客量應該都冇乜分別......

[ 本帖最後由 garyfirst 於 2007-12-30 02:41 編輯 ]

Advertisement

引用: 原帖由 gordon 於 2007-12-30 02:05 發表
此車首次公開發表, 是在1992年底某一期《車主》雜誌內刊登的一幅照片, 依稀記得其載客量是45個座位, 11個企位, 車子中間設有一道自動搪門, 車子後軸以後並寫上「New三菱巴士」的字樣, 並髹上九巴色彩, 但比起九巴的空調巴士色彩, 它的車身顏色是比較接近米色的.


張相應該是白色車身,攪203定208牌,在九龍灣等驗車,果期是92定93年巴士大事回顧

我第一次見架車應該是在九巴荔廠天台,果時架車未出牌,但油上了米黃色,九巴紅線及New 三菱巴士 logo, 而出牌之後只坐過佢行九巴2號一次,仲要無位座,個人覺得架車冷氣唔夠.

之後如你所講,架車去過CTB及KCR,而最後由欣欣旅運要左,油到成架中巴冷馬咁,記得當年C會都租過架車來玩,仲整埋2,尖碼,蘇屋等牌去蘇屋站拍照呢!之後仲上埋山頂同入石澳,最後在小西灣解散

除此之外,架車曾經做過嘉湖山莊睇樓車,我有次坐佢行美孚線,行屯公都過80km/h(好似最高有90km/h,入到天水圍仲遇上一位相信是該巴士公司負責人見我影巴士,送了一套三菱水牌俾我,至今我仲keep住!

架車之後大部分時間都俾天水圍銀座百佳租了作免費專車直至退役,並翻油過新色彩

至於最後B會租來玩那次,據知架車當日壞冷氣,不過見最後一程,所以堅持出車,作最後order,之後就去左肢解收場
仲聽聞部車比城巴試果陣, 巴士o係斜路停車落客, 落車門唔夠力開闢
引用: 原帖由 gordon 於 2007-12-30 02:05 發表
同埋可以肯定的是, 呢架FL5622之後, 三菱在香港巴士的佔有率就一直下降, 除了東洋及冠忠購入一大批MS系列客車, 以及九巴最後一批MK217J之外就再沒有大批量的訂單, 村巴校巴廠車的用家 - 包括冠忠這個當年三菱的大用家, 當時冠忠大部份車隊均是三菱的BM系列, 亦有可能係冠忠在1992年購入了嶼巴這個ISUZU老主顧, 為了統一零件的緣故, 紛紛轉投ISUZU懷抱.


據聞當年代理商環宇既服務同態度惹來九巴同其他用家不滿, 令在港銷情一直下跌.
除近年ROSA有起色之外, 大巴可以話係完全離開本港市場.

冠忠轉買五十鈴, 以至近年多買MAN, 就係大昌行既功勞,
與統一零件無關, 因為收購後初期兩邊車隊係獨立採購既.

個人覺得, 五十鈴性能比三菱可靠, 但行車舒適度則係三菱優勝.

Advertisement

引用: 原帖由 Seiko 於 2007-12-30 21:57 發表


據聞當年代理商環宇既服務同態度惹來九巴同其他用家不滿, 令在港銷情一直下跌.
除近年ROSA有起色之外, 大巴可以話係完全離開本港市場.

冠忠轉買五十鈴, 以至近年多買MAN, 就係大昌行既功勞,
與統一零件無關, 因為 ...

當年冠忠買果批MS的原因, 一來不多不少係因為東洋有同款車用緊, 二來當年未有計劃收購泰豐遊覽車, 冠忠係想買佢地黎開展接待外國遊客的觀光旅遊巴士業務, 後來冠忠批MS到手不久才收購了泰豐遊覽車, 因為泰豐本身的業務是觀光旅遊巴士為主, 故此冠忠批MS全轉入泰豐車隊內, 三來(個人估計)當年歐洲巴士車價較高, 又未普遍(當年只是城巴擁有5部B12客車, 及環島一批台雞西雞及兩架B12而已), 當年過境巴士除了城巴之外, 是以UD為主的.

如果當年大昌行肯向冠忠推銷MAN, 肯定冠忠唔會買三菱MS, 個人估計可能因為冠忠當年大部份生意來自校巴, 廠車, 租車, 錦繡/加州/陽明山莊/博康的村巴, 故此ISUZU比較適合.

反而我有個愚問, 環宇除了代理三菱汽車及富士汽車之外, 仲有那一間車廠的車(據知黃海的香港代理都是環宇)?
引用: 原帖由 gordon 於 2007-12-30 22:40 發表

反而我有個愚問, 環宇除了代理三菱汽車及富士汽車之外, 仲有那一間車廠的車(據知黃海的香港代理都是環宇)?


http://www.sdesc.com.hk/tc/News/news2.aspx
引用: 原帖由 gordon 於 2007-12-30 22:40 發表

當年冠忠買果批MS的原因, 一來不多不少係因為東洋有同款車用緊, 二來當年未有計劃收購泰豐遊覽車, 冠忠係想買佢地黎開展接待外國遊客的觀光旅遊巴士業務, 後來冠忠批MS到手不久才收購了泰豐遊覽車, 因為泰豐本身的 ...


冠忠的是MM828,不是MS來的

泰豐最使的懷念的,是批捷聯車身短平治811D,個樣好鬼過癮~

Advertisement

12下一頁
(B2)香港巴士討論 [熱門] [精華]
(B3)巴士攝影作品貼圖區 [熱門] [精華]
(B3i)即拍即貼 -手機相&翻拍Mon相
(B4)兩岸三地巴士討論 [精華]
(B5)外地巴士討論 [精華]
(B6)旅遊巴士及過境巴士 [精華]
(B0)香港巴士車務及車廂設備
(B1)香港巴士廣告消息/廣告車行踪
(B7)巴士特別所見
(B11)巴士精華區


(R1)香港鐵路 [精華]
(R2)香港電車 [精華]
(R3)港外鐵路 [精華]
(C2)航空 [精華]
(C3)海上交通及船隻 [精華]
(D1)公共交通有關商品 [精華]
(M1)小型巴士綜合討論
(M2)小型巴士多媒體分享區
(V)私家車,商用車,政府及特種車輛 [精華]
(A10)香港地方討論 [精華]

巴士路線消息
巴士路線計劃
2021年新巴士訂單
2020年交通要聞回顧
2019年交通要聞回顧

80年代巴士相片
90年代巴士相片
2000年代巴士相片
2010年代巴士相片
昔日中巴
保留巴士

英國巴士
新加坡巴士
飛行報告
日本鐵路
台灣鐵路