小弟剛剛駕車駛經九龍城家計會個十字路口往九龍城方向。綠燈時因有架的士停在路中心等人讓佢切線,所以後面響晒horn,佢切完線後就加速啦。咁我後面有架波子推緊我,我就過白線時剛轉黃燈,咁我剎車前望一望個倒後鏡先剎,點知架波子已經在我左邊抽頭兼衝埋紅燈,被人閃左兩閃,同時亦有架26號巴士行得慢左,未來得切在轉紅燈前駛離黃格,因此亦被攝入鏡頭(但佢絕對唔係衝燈)。而小弟自己就在中線,前轆踩住斑馬線,尾轆就應該仲未過白線,我想問白鴿籠影架衝燈波子時會否影倒我??會唔會當我衝埋燈?? 我在相機閃燈時已經停定左......
我覺得裝左白鴿籠會導致更易發生交通意外,尤其是在燈位前既追尾相撞。我自己頭先既心態係,急停前都望一望後面有冇車推緊我,費事人地剎唔切隊埋來,但換來係自己過左白線,隨時畀人屈衝燈。本來好既practice以後都會改變,一見倒轉燈就要盡brake務求要在白線前停下,後面隊埋來就當佢唔好彩...... 廢事好心做壞事 |
|
柏麗之戀
|
|
|
原帖由 fai 於 2008-7-29 14:45 發表
o個度係臭名遠播既陰濕位,大直路一條行50,
可能係交通部收入主要來源。
唔靠呢D陰濕位, 可能要加我地牌費, 政府先至夠皮! |
|
唔大得,唔少得,點至得呀?
|
|
|
所有同車速有關既偵測一定會用雷達或雷射,包括固定
超速相機。不過我都想搞清楚超速白鴿籠個雷達或雷射
槍係收o係邊,唔知係咪收o係個籠入便。
而所有市面既雷達探測器如果岩頻譜都可以測到雷達或
雷射槍(收唔收得切另一回事),但就冇一隻探測器可以
測到衝燈相機,因為佢係用線圈而冇用任何雷達。
原帖由 dongfeng 於 2008-7-28 21:34 發表
固定超速攝影機的攝影範圍並沒有線圈的,那麼有什麼裝置能偵察超速車輛,從而啟動攝影機呢?
[ 本帖最後由 fai 於 2008-7-29 14:42 編輯 ] |
|
[i]影像.從心[/i]
|
|
|
O.T. 關於超速攝影機問題
固定超速攝影機的攝影範圍並沒有線圈的,那麼有什麼裝置能偵察超速車輛,從而啟動攝影機呢? |
|
에이핑크 대박!
|
|
|
我話驚只係講下笑,我都知佢唔會告我。
不過講開那些在路面上既方格感應器,好多人都有個誤解以
為佢係感應車輪經過既壓力,但其實佢係一個金屬感應器,
原理係一個通電既線圈,當有金屬在感應器上方經過時就會
產生磁場變化,令個感應器感應到有金屬,而基於假設絕大
部份汽車都係用金屬製造既,感應器就用呢個原理運作,同
輪壓力沒有關係,亦不一定要轆過感應器才會感應到。
而停車場既閘機都會用到類似感應器,留意佢地感應器範圍
只係集中條路中央而唔需要伸延到兩邊車輪經過既地方既。 |
|
[i]影像.從心[/i]
|
|
|
原帖由 fai 於 2008-7-28 10:14 發表
題外話:
我有次經歷仲搞笑,話說個晚渣車經過土瓜灣道/木廠街
路口,即盲人輔導會對出,我係向九龍城方向行既,而
o個個路口裝左衝燈相機,不過就裝o係對面反方向往紅
磡方向行車線。本來部機同我無關,但由於個日路口有
水管工 ...
都唔係好怕, 因為影相會註明係經由邊條線的感應器而影相的, 即係話你經過時係踩中原本對面方向的右線, 但張相係會影到你嘅方向, 道路工程等, 而且影呢啲相, 除咗要影到架車之外, 亦一定會影到支交通燈當時顯示緊咩色, 但你個case點都影唔到你行車方向嗰盞係咩燈, 明知告你唔入, 梗係唔會告你啦! 就算如果喺一般情形下衝紅燈, 但個相機俾架巴士或者大貨車遮晒而影唔到, 不論係你定係架大車都唔會有事, 一來影你唔到, 二來啟動快門嘅感應器亦唔係架大車行緊嗰條線, 所以亦唔使擔心會冤枉咗人.
其實如果有四十呎貨櫃車由木廠街左轉土瓜灣道, 都有機會因偷位而踩到個感應器, 唔通咁都要告佢咩? |
評分
-
查看全部評分
|
唔大得,唔少得,點至得呀?
|
|
|
原帖由 KV9033 於 2008-7-27 22:45 發表
我都唔清楚個界線係點先會被罰
有冇版友可可講解下
thx!
要前後輪都踩過地下感應器後都有影相就算數, 即係一共會影兩張相; 如果只係前輪踩過感應器, 後輪在停定後仍在感應器方格或未到方格上, 就只會影到一張, 係唔會告你, 只係顯示你停車停過界. 如果你在剛轉紅燈時前輪過咗感應器, 但後輪經過時剛啟動攝影機, 亦只係影到一張, 亦都無事. 即係話要俾人告, 一定要俾人影到兩, 即係閃光燈都要閃兩次, 但如果係三軸車就要閃三次, 貨櫃車就再睇有幾多條軸嚟計! 但如果當時你無論停嘅位置係邊, 阻唔阻人都好, 你都唔好再郁部車, 不論向前定向後都唔好郁, 否則都會影多你一次, 直至交通燈轉綠先好郁!
如果你衝燈期間亦有超速, 該感應器亦會計到你當時車速, 即係話有機會俾人告兩樣.
印象中有兩個設有衝燈相機的燈位如果有啟動, 在你停紅燈時偷步, 即係著咗紅, 黃燈, 未轉綠而開車, 亦都會被影相, 呢兩個分別係亞皆老街西行與洗衣街交界, 以及亞皆老街東行與露明道交界位, 我試過在對面線睇住有人偷步而被影咗相!
題外話: 大家有無留意到有部份電單車個車牌擺放角度特別斜? 即係個牌幾乎向天咁滯, 你坐車時幾乎係睇唔到佢幾號, 或者故意將行車證放在車牌之上而令人睇唔到, 呢班人就係故意令衝燈相機, 鐳射鎗及警察擺位的相機影唔到佢幾號, 但作為巿民的亦可以記低佢車牌, 日期及時間, 如果知道該電單車牌子的最好亦記下, 然後向警方舉報佢非法改裝, 到時就有信寄俾車主要佢喺指定時間拎部車去驗車中心驗車, 到時就算佢唔俾人罰, 但要將架車還原都要使唔少錢同時間, 唔好等佢地咁得戚, 亦還其他奉公守法的車主一個公道都好!
[ 本帖最後由 牛奶仔 於 2008-7-28 10:30 編輯 ] |
評分
-
查看全部評分
|
唔大得,唔少得,點至得呀?
|
|
|
|
Advertisement
Advertisement
Advertisement
Advertisement
Advertisement
|