我在上年十月在李健駕駛學校報名學車，十一月筆試合格後便跟教車師傅學習駕駛，到了今天正式考路試，考天光道線(農圃道段)。

我跟那位教車師傅兩個月以來，從學習基本駕駛技術開始，之後就集中操線，包括泊位、路上行車以及『三手汰』掉頭，期間已經從教車師傅口中聽取了一些駕車時的注意地方，包括可能導致考試不合格的地方，我亦在考試前研究如何考好路試。我的目標是路試可以『一take pass』，無須重考，今天考路試，教車師傅認為我有能力可以合格，結果泊位、斜路停車及起步(乙部試)，以及『三手汰』窄路掉頭，由於在學車期間經常操練，完全應付自如，乙部試合格；但在路面行車(丙部試)時，本來可以一切順利的，包括轉彎切線做到望鏡、『擰頭』，可惜出現了一個大瑕疵，就是從天光道左轉入馬頭圍道時，由於轉汰轉得不太好，反應慢了一點，導致轉彎時右邊車身稍為越過隔鄰行車線，結果在評分紙上被評為嚴重過失，就是轉彎位置不正確，丙部試不合格，要再排期補考。

距離路試『一take pass』只是差一小步，如果不是在天光道左轉入馬頭圍道時出現一個大瑕疵，現在車牌都已經到手了，實現『一take pass』，不過再鑽牛角尖也沒有用了，惟有再想辦法，在三月中補考丙部試時避免再出現今早考路試時出現的過失。

[ 本帖最後由 3AD172004 於 2009-1-14 23:47 編輯 ]

我考果陣都有比人tick轉彎位置不正確, 不過屬輕微
我自己都知咩事, 事發果個彎我遲左拎太, 本應可以貼d咁轉
但我部車稍微出左少少, 幸好冇過火位, 仍然響返自己果行線
只係轉得樣衰d, 結果就拎左個輕微不正確

呢個位真係肥唔少人

其實個人覺得睇考官手鬆手緊
當然 如果你過小半條對面線以上(即係對頭車有機會撞到你部車)
咁評為嚴重過失亦不為過...

轉得樣衰唔緊要 但真係要小心唔好越線
我0個陣0係教仔考都係轉得難睇0架啦
路面經驗唔夠0既時候一定會咁 就係要練番0黎