(麻帆良市時報記者キズナアイ報導)
はい、ども! キズナアイです~♥
城巴一向比人有朝氣同勇於創新嘅形象, 由佢地嘅車隊亦可以反影出呢一點,
城巴喺 1998 年首度引入 80 架德國 MAN NL262 單層巴士, 佢地被編號為 1501-1580,
亦成為全港首間引入 MAN 巴士產品嘅專利巴士公司,
佢地採用 MAN 自家研發, 有 11.97 公升嘅 Euro 2 標準 D2866LUH-2 2 型卧置式柴油引擎,
馬力高達 260 匹, 連接 Voith 全自動波箱。由於佢地嘅引擎出力高,
比當時唔少雙層巴士例如 Volvo Olympian 嘅 245匹, 以及唔少中型單層巴士,
例如 Dennis Dart 嘅 145 匹或 Volvo B6 嘅 210匹還要高出唔少,
所以 NL262 巴士嘅起步同加速性能突出, 爬坡上斜嘅能力亦因為大馬力而相當出眾,
因此佢地主要被分配到北角寶馬山、南區香港仔及中環嘅半山區路線,
亦會喺假日及非繁忙時段行駛乘客量較低嘅過海隧道巴士路線行走,
另有部分 NL262 改作單門同加裝行李架後，曾經成為來往機場 A10 嘅主力用車,
深圳灣西部通道啟用後, 部分 NL262 亦曾經行駛口岸路線。雖然NL262整體表現良好,
但係由於香港專利巴士嘅 18 年車齡限制, 所以城巴從 2011年開始,
分批訂購中國製青年單層巴士, 以及 ADL 嘅 Enviro 400 雙層巴士逐漸取代 NL262。
2016年，NL262 已經全數撤出城巴專利巴士路線, 部分 NL262 被移交到城巴嘅非專利部繼續服務。
但係隨着政府資助更換 Euro 2 標準商業車輛的計劃, Euro 2 車輛於 2018 年起唔可以再續牌,
餘下嘅 NL262 亦已於去年 12 月中因牌照到期先後退役。
今日, 麻帆良市隆重歡迎城巴 MAN NL262 巴士登陸!
呢款百份百德國出品嘅 MAN 巴士, 配上由 MAN 自家製造,
由位於葡萄牙嘅 Salvador Caetano 車身裝配廠嘅車身, 車身線條充滿歐陸風味,
亦令市長 Super Bus 為之心醉, 係一般英國巴士都比唔到嘅感覺, 加上搶眼鮮明嘅城巴車身色彩,
對於鍾意歐洲風巴士嘅市長 Super Bus 嚟講無疑更加吸引!
2012 年 Model 1 推出過樹脂膠車版嘅 NL262 模型, 作為呢款巴士嘅支持者, Super Bus 自然支持啦,
估唔到多年後, 佢地再推出金屬版, 而且比前作更有神, 就連 Super Bus 都話: "冇任何唔支持嘅理由!!"
今日呢架城巴車隊編號 1538, 行走 12M 嘅 NL262 巴士, 將佢昔日喺城巴服役嘅風采,
喺今日再度重現大家眼前!!
隆重歡迎!! 城巴 MAN NL262 巴士, 見參!!
隨同巴士年鑑 2019 今日一齊到埗
證書編號 0004, 全球限量推出 800 架
正式落地!! アイちゃん也愛上猛男~
新舊 MAN 相會, 12A 嘅 MAN 亦係同廠出品, 不過係膠車,
相比起 12A, 12M 鐵車手感重好多, 而且車轆亦推得好順
好耐冇拎架膠 MAN 出嚟, 一拎出嚟,
赫然發現右邊車窗底部嘅黑邊成條甩左出嚟,
車窗亦谷起, 不過今日呢 12M 到手,
架 12A 應該可以棄療兼退役...
來一個對比先~~
鐵車真係越睇越似真車, 淨係車頭, 鐵車已經 Win 哂,
真係有啲後悔當初買左膠車...
真車相, 友人陳鴻輝相片, 1501 新落地攝
再睇下本年鑑
港珠澳大橋通車, 真係冇可能唔講
唔知呢批紅巴 B8L Fleet code 係乜? AVBWL...?
估唔到連陳鴻輝都上場, 又幾上鏡啵~
Thanks for reading~ |
