本帖最後由 JH_LE4612 於 2019-3-1 08:54 編輯
分享完湖區嘅免費火車,碌碌相簿又見有啲野可以些牙下,就有左呢篇小品。
湖區,因為離我住嘅地方唔遠,至今都去左第三定四次。大路景點就唔去啦,但還掂有車,就即管向西面海邊方向行下。
沿住條山路行行下,無端端見到橋下面有條鐵軌,好奇心驅使就打燈入路口,又有個停車場喎,就泊低車睇下。
The Green 車站嘅一棟候車亭,隔離企左個人。
上面寫住 Ravelglass and Eskdale Railway Preservation Society。原來係古董鐵路。呢條鐵路以前係運鐵礦用嘅,直到六十年代開始變成景點。
車費表。都唔算平,當捐錢支持下保育咁(我冇搭呀),始終要 maintain 一條鐵路唔會平。
時間表。原來有蒸氣頭嘅。有唔同套票選擇。
牌匾。
呢條線會行咩車呢?唔係淨係得蒸氣頭嘅。
路軌。
本身冧住望下就走,但之前上鏡嗰位義工話就有車到,又勾起左我地嘅興趣。英國好多 preservation society 都會有義工管理,尤其係交通嘅保育團體,真係少啲毅力都唔得。
行上天橋,隱約見到火車。
火車名叫 "Northern Rock" (睇左好耐先睇到...),上網搵翻,係 1972年製嘅蒸氣頭。以當時資助砌車嘅 Northern Rocks Building Society 命名。總共八卡,窄軌嘅車廂特別細,難怪成年遊客都逼哂喺開頂車卡。
有頂車廂。趟門應該係比輪椅上。
其實鐵路本身唔係話好長,當睇下湖區山景咁,自己都對舊火車興趣不大,加上要趕行程就冇搭到。不過平時見開大 size 啲嘅古典火車,成日以為窄軌只係小朋友嘅野,今次過後都唔會再咁冧...
|