建議新界專線小巴113開設支線113A循環來往康城站
[複製鏈接]
|
ViviTse 發表於 2020-7-9 23:38
113 改雙向總站應該可行性不大,因為:
1. 坑口站PTI根本無位,尤其繁時仲要照顧西貢、清水灣、康翠、科大 ...
可惜坑口站街邊小巴泊位太短,否則擺 109M 113 都唔成問題,
不過如果鄰近坑口站就可以,擺安寧花園出面條掘頭路又得唔得呢?
我心目中如果要改 113 做兩邊總站嘅話,
會係去程 明德 > 街市 > 安寧,回程 安寧 > 街市 > 煜明 咁去,
明德去峻瀅嘅客行去街市同煜明(102B 總站)等車算係合理步距。
拆支線去康城站,其實對峻瀅出坑口班次並無改善。
叫峻瀅客穿過商場去新 PTI 坐 113A?佢哋應該會繼續響自己樓下等 113。
115 個最大問題係寶琳站行去寶林總站個過程太麻煩,
一係穿兩層新都城去小巴總站,一係就搭嗰條成日停開嘅扶手電梯落去,
唔夠將軍澳站同坑口站咁方便,於是做唔到 298E 797M 駁鐵嘅功能同客量,
所以要救亡就無可避免要兜其他地方搵新客,好似上面話兜康城站,
或者兜入 PopCorn,不過問題變左同 797M 重疊,新巴會有咩反應 ⋯⋯
至於康城反對,我諗而家 115 都係擺工業邨而非康城,
拉去第 137 區,兜 PopCorn 嘅同時可以幫佢樓下條線保命,
甚至因應客量增長而會有加班可能,都幾肯定會好過死攬啦。 |
|
|
|
|
本帖最後由 ViviTse 於 2020-7-10 04:59 編輯
>> Re: 可惜坑口站街邊小巴泊位太短,否則擺 109M 113 都唔成問題
非常同意,其實唔止街邊果個小巴泊位,係成個PTI都太細,淨係放得落幾架駁鐵嘅巴士(91M,98A,91S)、
駁鐵嘅小巴(101M,109M,11,11M)、同埋102,就已經咩都放唔落,連102有時都唔夠位到要泊出街......
>> Re: 不過如果鄰近坑口站就可以,擺安寧花園出面條掘頭路又得唔得呢?
個人唔建議放果度,因為果個位經常泊咗好多私家車、貨車、甚至有時有旅遊巴喺度,仲未計違泊問題。
再加上常寧路係安寧、馮晴小學、教堂嘅停車處/出入口,應該無位可以放到小巴站頭。
如果單純想揾個站比113,而又想鄰近坑口站,我諗 煜明苑落車過馬路 應該差唔多步程。
>> Re: 我心目中如果要改 113 做兩邊總站嘅話,會係去程 明德 > 街市 > 安寧,回程 安寧 > 街市 > 煜明 咁去
安寧花園對出(常寧路)做總站應該有難度,如果真係好想有兩邊總站,
以坑口區嘅內街泊車情況黎講,應該得培成花園對出(培成里)可以非常非常勉強做到,
而呢個正正係開線前曾經喺某康城區議員個網誌出現過嘅方案,只不過始終係中途站(同埋最終無落實到)。
但如果以培成里做總站,相信只會增加行車時間,而又完全唔近坑口站,所以不如唔變仲好。
>> Re: 拆支線去康城站,其實對峻瀅出坑口班次並無改善
拆支線去康城站有三大好處:
1. 分流環保大道沿線(峻瀅以外)嘅乘客去支線 113A,騰空 113 回程位置等峻瀅乘客易上車D,
亦都可以有個PTI比小巴加密班次之後泊吓車(雖然康城PTI都唔係好坑口PTI好多)
2. 日出康城陸續入伙,預計對 113 需求會更大,開支線 113A 可以方便到日出康城3期-13期嘅居民,
亦可以避免呢十幾期嘅居民湧晒出環保大道一齊迫 113 而令峻瀅居民回程難上車
3. 吸納雙向客源(例如環保大道轉鐵嘅乘客,可能唔再坐 113 而改坐 113A 去康城站;
又譬如中午呢D時段,可能會吸引到坑口居民去康城商場坐 113A 而非 113 嘅雙向客源),減輕 113 負擔
>> Re: 115 個最大問題係寶琳站行去寶林總站個過程太麻煩,於是做唔到 298E 797M 駁鐵嘅功能同客量
老實講,環保大道沿線「駁鐵」應該正路都唔會用到寶琳站嘅,無論係價錢定車程都唔扺搭。
所以坐 115 嘅乘客,我估一係想去新都城,一係想轉車上山(例如去秀茂坪)掛。
>> Re: 所以要救亡就無可避免要兜其他地方搵新客,好似上面話兜康城站
115 如果兜入康城站,我認為有3個難題:
1. 同 112M 重疊
2. 去寶琳(尤其轉車上山嘅乘客)會慢咗,客量可能會流失往 298E 轉 98A
3. 康城新PTI(商場底果個)似乎得4條巴士坑(?),甚至我之前構思條 113A 入康城果時都唔一定可行;
所以我認為除非 115 有強烈理由,否則同 112M 重疊、PTI又無位之下,應該改入PTI會有難度。
>> Re: 或者兜入 PopCorn,不過問題變左同 797M 重疊,新巴會有咩反應
呢樣我又反而無咁擔心,因為喺未來嘅十年裹面,相信新巴/城巴嘅版圖都會「大地震」,
原因包括:康城入伙(797)、屯馬綫通車(796X)、轉乘站啟用(A29轉乘?)等等
而 797M 現時呢個班次...... 未來有可能會一併重組都絕不出奇,所以我認為可以睇定D先。
>> Re: 至於康城反對,拉去第 137 區,兜 PopCorn 嘅同時可以幫佢樓下條線保命
都啱嘅,不過想問吓如果入popcorn嫌延長至137區,會唔會影響全程里數,而影響到收費呢?
如果路線郁咗,而令全程收費郁到,我相信某部分嘅反對者寧願「棄線」都唔想加價。
另外,咁樣改亦有可能同其他線服務範圍重疊,可能會被佢地提出反對:
例如296M(尚德至寶林)、108A(市中心至尚德)、114A(市中心至尚德)、popcorn shuttle bus等。
>> Re: 至於康城反對,因應客量增長而會有加班可能,都幾肯定會好過死攬啦
完全同意你嘅想法,增加幾分鐘嘅車程,去換取更密嘅班次,根本係好值得。
可惜,我之前抱住呢種想法,去建議新線 98 喺出隧道前加經小量車站,例如坑口站、厚德邨,
方便坑口嘅居民出觀塘轉車之餘,亦令康城嘅居民有113嘅替代服務(唔使再捱長龍、上唔到車),
亦可以大D機會比 98 加密班次,等佢地唔使捱15-20分鐘嘅班車,而車程亦只係有幾分鐘嘅影響。
結果,有部分自稱「我都無話自己住康城」嘅版友就話 寧願捱20分鐘一班都要非直出不可;
亦都有某幾位版友(例如某L字頭、R字頭、W字頭版友)認為
呢種做法係「將南/坑口騎劫康城」、「搶資源」、「貪得無厭」嘅做法。
所以合理地推斷,之前有版友提出115加經popcorn/將軍澳醫院是但一邊,
相信之前果班「我都無話自己住康城」嘅版友如果以相同原則表態,亦好大可能反對加班但加站。
|
|
非【求同存異.和而不同】者一律唔覆
|
|
|
SE7378 發表於 2020-7-10 01:04
可惜坑口站街邊小巴泊位太短,否則擺 109M 113 都唔成問題,
不過如果鄰近坑口站就可以,擺安寧花園出面 ...
點會用115駁鐵呀。入到將軍澳線尾站駁鐵? 貴左又遠左。
兜入Popcorn,康城客可以搭免費邨巴,點解要搭佢 |
|
|
|
|
安寧花園路面情况未如理想,但其實培成花園亦唔係好得多,
如果以上選址都唔適合做 113 總站,不妨考慮擺文曲里公園出面?
我諗隨住康城人口上升,只會加速提升康城列車服務水平的步伐,
加上百勝角及第 137 區發展,康城列車的班次遲早會同寶林達成 1+1 的水平,
而且未來各大屋苑穿過商場去康城站會比而家方便,有機會削弱 113A 競爭力,
不過如果目標在於吸引坑口去康城商場的街客,個人建議路線改於寶寧里開出,
走線訂為 寶寧里 <> 街市/南豐 <> 銀澳路 <> 昭信路 <> 環保大道 <> 康城站,
但問題係因可能會對 298E 營運狀况構成進一步打擊而遭到九巴反對。
至於 115 拉入第 137 區,又唔可以同本身唔兜坑口的 98 兜坑口相提並論,
始終後者唔多唔少會影響到康城出將轉及觀市的車程,佢地反對尚算合理,
但拉入第 137 區對康城出寶林的車程近乎無影響,應該較易受落,
反而另一角度因客量增長,屆時康城搭 115 的上車難度無可避免會增加,
但觀乎現時客量及上述鐵路因素影響,似乎問題唔大。
|
|
曾經滄海難為水,除卻巫山不是雲。
|
|
|
拉 115 去第 137 區同兜 PopCorn 的目的為服務第 137 區同寶林去 PopCorn 的居民,並非搶康城邨巴生意。
|
|
曾經滄海難為水,除卻巫山不是雲。
|
|
|
文曲里對出有個傷健人士泊車位,迴旋處果個位亦係3個出入口,應該唔容易/無位改得到,或者咁講,
作為113另一個總站嘅可行性:康城站>>>>>坑口北>>>培成里>文曲里>常寧路。
康城站唔重覆講,坑口北適合嘅原因係純泊車用(但定線唔方便,會用黎上落客、定係純私牌就另一回事),
培成里(勉強有個明德的士站)、文曲里、常寧路三者都太窄,講真都唔太適合。
113A競爭力應該唔會被削弱,因為街市同坑口站有一段距離,而寶林車再度削班只會令坑口去康城車程更長
(仲未計咁短路程都要轉車係非常唔吸引,正如115客量無大家開線前predict得咁差到吓亦係呢個原因)。
btw 如果呢日真係要來臨,我比較擔心油塘站、將軍澳站、坑口站、寶林站如何爆到九彩。
至於113兜晒全圈,我認為唔止九巴會反對,係各方都有可能反對:
- 九巴:如你所講
- 小巴:停街市又係做咁多客,自轉一個圈又係咁多客,結論係嘥油錢
- 峻瀅居民:有車唔開密D,反而走去兜圈運櫈?仲有,南豐可能會上滿,結果街市連往南豐方向都要照上。
- 康城居民:有車唔服務埋康城3-13期,反而走去兜圈運櫈?
- 坑口居民:繁忙時間已經夠多車,朝早街市門口又貨車又校巴,仲要增加一倍車流量而條人龍無短過?
但拉入第 137 區對康城出寶林的車程近乎無影響,應該較易受落
加價嘅反對聲音 點都大過加兩個中途站掛...... 113之前加果3亳子都嘈到拆天啦
再加上要兜入將軍澳站、尚德,食燈又加站,仲耐過98入坑口,佢地無咩可能唔反對
|
|
非【求同存異.和而不同】者一律唔覆
|
|
|
|
Advertisement
Advertisement
Advertisement
Advertisement
Advertisement
|