[擴展網絡] 建議開辦 266 大棠<>石籬、微調68E/68M

castanopsis 發表於 2024-2-3 11:01
應該咁講
天北可以比較，但266唔係對應265M
而係對應265M+69C+967+265B，再減返轉車流失既客源

根本冇人覺得東北葵去元朗好大需求
淨低有嘅，而家一係落荃灣轉車 一係行落山坐車
你條266咪執呢啲餅碎 （仲要真係開得足15分鐘一班至好）

用人口比係冇乜意思 正如其他版友都有講 唔係有幾多人口就有幾多人坐車 都要考慮埋唔同人嘅搭車習慣
而你又直接忽視咗元朗南偏好邨巴嘅特性

跟住攞埋天北市區線出嚟一齊比，本身天北人口多過元朗南大棠兩倍又唔講，明明講緊條轉車線，跟住係都要捉埋其他長途線嚟講，「減返轉車流失嘅客源」又冇實數，你龍門鍾意點搬都得啦

喺大欖轉車其實唔可以算係車海，只不過係多幾條線。都係嗰句，本身啲線其實唔算密嘅情況下，撞正聯合到站其實都幾麻煩，所以點解有啲人鍾意出元朗轉就係見到巴士唔對路都可以直接落西鐵，但係大欖只要你上咗去就冇得走，所以唔係你轉車快過地鐵，啲人就一定會坐你轉車，本身班次配套都好重要，尤其淨係快得嗰幾分鐘嗰啲，絕對會有一班人寧願求穩定搭地鐵都好過搭巴士， 巴士嘅市場未必係想像中咁大，除非真係好似做到屯轉呢啲真正嘅車海啦，不過大欖就真係難啲，本身西鐵優勢會較大，亦都係啲人會更偏好於轉西鐵多過轉巴士嘅原因。

castanopsis 發表於 2024-2-3 10:23
如果講到接駁元朗站
正常居民，都會想要15分鐘一班開到入屋苑既村巴
多過唔入屋苑、30分鐘聯合到站班次、 ...

其實不嬲我都覺得你轉車線嘅概念係OK嘅，但問題就係你太過理想化，太大貪
好地地參考返天水圍3M模式，荃灣葵涌上一堆客，大欖轉車再幫你質爆佢，逆向開疏啲已經OK
但你偏偏要玩埋嗰啲雙向需求（仲要唔知夠唔夠），走去行上東北葵，仲要大安旨意一定開到15分鐘一班
天北係可以坐一堆直車，用返你最鍾意嘅人口計，天北人口亦都都係比起266沿線多好多，咁樣其實冇類比性，唔可以話因為天水圍有好多人坐巴士，所以人口較少較偏僻嘅大棠元朗南都會坐266轉車

同埋十八鄉本身朝頭早都有特別車啦，連呢段需求最高嘅時間都有其他直達車分薄，真正做得起嘅，可能只有晚繁時段

ATENU135 發表於 2024-2-3 13:35
根本冇人覺得東北葵去元朗好大需求
淨低有嘅，而家一係落荃灣轉車 一係行落山坐車
你條266咪執呢啲餅碎  ...

東北葵市場無先例宜家打散咗落唔同搭車方法度，需求唔容易估
好難話一定有客，但要咬牙實齒話係餅碎，一樣係無乜證據
最近似又人口相約既係青衣，264M多客時段叫做每20分鐘坐滿一架車
但取消咗之後，啲客打散咗落68E/279X度，已經唔知點計

特別係68E/264M/279X青衣覆蓋好窄
長宏/青衣邨/長青呢啲，以前轉264M算方便，宜家究竟係
1. 青衣區內線<>279X/68E<>68M 轉兩次
2. 直接出荃灣轉68M
3. 出荃灣西/美孚轉西鐵

難以定奪......

用人口比係冇乜意思 正如其他版友都有講 唔係有幾多人口就有幾多人坐車 都要考慮埋唔同人嘅搭車習慣 而你又直接忽視咗元朗南偏好邨巴嘅特性

人口最多既大棠無村巴可言
我好認同kay版友話齋，出元朗站係村巴既天下，否則就唔使68E/F變266
但有趣既係，268C/968元朗南特，一來非常受歡迎，二來就算天價，都有唔少人大欖隧道落車
似乎十八鄉路直出，效果同68E/F完全唔同

跟住攞埋天北市區線出嚟一齊比，本身天北人口多過元朗南大棠兩倍又唔講，明明講緊條轉車線，跟住係都要捉埋其他長途線嚟講，「減返轉車流失嘅客源」又冇實數，你龍門鍾意點搬都得啦

上面有講，天北人口係多266沿線三倍，但同時欖隧車班次，亦多過266三倍
我好願意同大家一齊探討 "轉車流失既客源" 有幾多
但實數可以點計，倒要請教

ATENU135 發表於 2024-2-3 13:42
其實不嬲我都覺得你轉車線嘅概念係OK嘅，但問題就係你太過理想化，太大貪
好地地參考返天水圍3M模式，荃 ...

天水圍本身去 港島/東九/長深荔/旺角，有曬直車
睇返265M以致類近既59M，都開始出現轉車站載唔曬，但再加密就無效益既問題
大棠遠比 屯門碼頭/天北 孤島，呢個亦係點解我質疑，天水圍3M模式適唔適用既原因

同埋十八鄉本身朝頭早都有特別車啦，連呢段需求最高嘅時間都有其他直達車分薄，真正做得起嘅，可能只有晚繁時段

早繁我估單靠無特車既大棠都夠做