本帖最後由 ryandroid 於 2018-1-7 03:40 編輯
jpoon 發表於 2018-1-7 01:15
個人覺得會展站數字被低估，因為每年有D大型展覽會展就會迫爆，但呢個數字未能反映有關情況 ...
會展個數係講緊上繁
但開展覽嘅人流係過咗上繁時間
而離開展覽嘅人流比較分散
但完場通常係係過咗下繁
覺得好多人好迫只係因為全部搭鐵嘅都係灣仔站
但港島綫下繁之後都比較多人搭啫
而且會展沙中綫每小時都有一萬人出閘已經幫補咗
北港島綫每小時有6千人出會展其實都俾多添
以人口比例嚟計
新界四百萬人口加九龍城(經東西綫紅磡轉沙中綫)、黃大仙(經東西綫紅磡轉沙中綫)、深水埗、油尖旺(經荃灣綫金鐘轉沙中綫) 、中西區(經港島綫金鐘轉沙中綫) 、南區(南港島綫金鐘轉沙中綫) 有成5百萬人去會展搭沙中綫(補充：已扣減西貢、觀塘、東區、灣仔區、離島區及九龍站、奧運站周邊人口)
北港島綫去會展嘅人口只有約二百萬人口
就咁計會展站嘅沙中綫乘客及北港島綫乘客嘅比例應該係5:2而唔係5:3
所以顧問個數算係合理嘅
書展一日人流都係十萬多啲，除返開每小時其實又真係每小時得一萬多啲左右
而且去完會展
好多人都會返灣仔站嗰邊食嘢
更加有部分係搭巴士咁啫
唔係數字係唔反映大型展覽人數
而係最盡可能真係得咁多
只係會展站喺有展覽時係平均地有咁多人咁解
jpoon 發表於 2018-1-7 01:15
個人覺得會展站數字被低估，因為每年有D大型展覽會展就會迫爆，但呢個數字未能反映有關情況 ...
會展站緊係被低估，日日去灣仔站條天橋咁多人就知咩事
本帖最後由 jpoon 於 2018-1-7 02:23 編輯
ryandroid 發表於 2018-1-7 01:41
以人口比例嚟計
新界四百萬人口加九龍城(經東西綫紅磡轉沙中綫)、黃大仙(經東西綫紅磡轉沙中綫)、深水埗、油尖旺(經荃灣綫金鐘轉沙中綫) 、中西區(經港島綫金鐘轉沙中綫) 、南區(南港島綫金鐘轉沙中綫) 有成5百幾萬人去會展搭沙中綫
北港島綫去會展嘅人口只有不足二百萬人口
就咁計會展站嘅沙中綫乘客及北港島綫乘客嘅比例應該係5:2而唔係5:3
所以顧問個數算係合理嘅
新界西唔見得會全部響紅磡過海去會展，尤其係東涌綫可以響添馬站轉北港島綫去會展，相信點都好過去南昌轉東西綫後響紅磡同南北綫班客一齊迫
將軍澳就更加唔駛講，所以話新界四百萬人口搭沙中綫應該要減咁Ｄ
本帖最後由 ryandroid 於 2018-1-7 03:42 編輯
jpoon 發表於 2018-1-7 02:04
新界西唔見得會全部響紅磡過海去會展，尤其係東涌綫可以響添馬站轉北港島綫去會展，相信點都好過去南昌轉 ...
謝謝提點我寫清楚返
按2016年人口統計
東區555034人
西貢區461864人
離島區156801人
觀塘區648541人
我加埋葵青區嘅青衣約最多二十萬人口(2011年統計係17萬左右)
再加奧運、九龍站附近大約有8萬人口
北港島綫會展站潛在客源夾埋都係最多二百一十萬人口
全香港2016年有733萬人
扣返灣仔區180123人(我當成個灣仔區都唔係搭地鐵去會展)
其餘沙中綫潛在客源的確仲係500萬人口有凸
沙中綫紅磡去會展嘅客源大約有350萬人口
沙中綫金鐘去會展嘅客源大約有150萬人口
GM 發表於 2018-1-6 20:44
粉嶺站預計是第三大最多人次進入車站 (每小時22,000)
你起聯絡線、搞信號兼容、改建西九龍站，搞咁多野仲要只係臨時，點解唔直接起東鐵2綫同屯門綫？
仲有高鐵自己都每5-10分鐘一班，高鐵亦有通勤客，又開到時速200公里，仲有幾多位可以俾你入？一個鐘兩班？
ryandroid 發表於 2018-1-7 03:23
謝謝提點我寫清楚返
按2016年人口統計
荃灣區唔見得全部用荃灣西站吧？同埋我上面都講咗，搭西鐵嘅未必會搭去紅磡轉車
仲有你嘅推算係以2016年人口做推算，東大嶼都會、小濠灣發展、南昌站公屋等等因素都冇考慮
ryandroid 發表於 2018-1-7 00:43
北港島綫要南移其實並非不可能
我講講我心目中嘅走綫之前
先聲明我唔會對工程可唔可行作太多回應
你忽略左會展站有另一個關鍵作用，就係俾九龍新界黎的人可以轉車去銅鑼灣、北角及港島東，毋須再經金鐘
但我非常認同添馬站應該南移並改為金鐘站，我一向提倡的夏愨道方案在技術上係可行
銅鑼灣海岸線較近，其實銅鑼灣冇需要好似灣仔咁分南北兩站，如果北港島綫能夠南移至駱克道在銅鑼灣站西面設站，會係最佳的選擇。銅鑼灣站本身係位於怡和街地底的雙層側式月台，而北港島綫銅鑼灣站以雙層側式月台設在介乎堅拿道至波斯富街之間的一段駱克道地底，兩站冇衝突之餘仲可以頭尾在銅鑼灣廣場1期下面打通同層共站，可以大大增加北港島綫的價值。
本帖最後由 DIH 於 2018-1-7 14:04 編輯
ryandroid 發表於 2018-1-7 00:43
北港島綫要南移其實並非不可能
我講講我心目中嘅走綫之前
先聲明我唔會對工程可唔可行作太多回應
聲明：我唔係港島人，暫時亦不在港島返工，所以有些情況可能不太清楚。以下內容並非針對技術問題。
我同你都同意應該有南面鐵路，亦同樣接駁過海線，最大分別係(i)車站位置、(ii)由西面定東面過海，以及(iii)北港島線是否有需要興建。:handshake
－－－－－
在走線設站方面，我有以下意見：
整體上，我的立場是將新站建於遠離舊站的地方，舒緩舊站擠迫，同時吸引新客源。
金鐘站：
我尋晚貼完之後，發覺可以將新線放於金鐘道地底與港島線同台轉乘，連帶將金鐘站大堂擴建至太古廣場前庭地底，太古廣場前庭可直接落地鐵站，唔使再經天橋或兜去後面，原文已因此修訂。此外，擴建大堂與沙中線轉乘大堂之間可以加建新電梯，使沙中線乘客不致集中於一端。
灣仔站：
你在#36提及合和二期發展，但在#37則把新站設在莊士敦道，與現有灣仔站服務範圍重疊，而且仍然遠離合和、胡忠等商業大廈，以及灣仔道附近重建住宅。我是想服務這些樓宇，所以將車站設在大道東地底，而該車站將與灣仔站完全分離，最多只需非付費行人隧道接駁。
禮頓站：
我與你建議的位置相若，只係通道接駁範圍不同，我想將佢觸角伸埋去馬場及跑馬地東。由於係相距不多於數百米的平行路線，中途站的轉乘需求不會太大，所以我認為唔需要有付費通道，只需非付費通道將人流散開，亦可減少路面行人。之前唔知道有加路連山道發展，有此新項目則新站人流更有保證。
天后站：
我想擴大鐵路服務範圍到大坑，因此將車站放在銅鑼灣道浣紗街至禮賢街之間。
－－－－－
我建議用觀塘線過海，係因為觀塘線覆蓋大量人口，但過海必須轉車，而除中環金鐘北角鰂魚涌（及北港島線車站）外，去其他車站必須轉兩次，以九龍東的位置及人口，這種安排並不合理。觀塘線設炮台山站亦可方便荃灣線油麻地以北往港島東，減少途經金鐘至天后一段的人流。當然，觀塘區往港島建議路線仍然係經東隧，觀塘線經黃埔過海最受益的是黃大仙區及彌敦道。
－－－－－
假如不興建北港島線，會展站將成為南北線的孤獨車站，東涌線、將軍澳線及港島線的乘客要前往會展及附近商業區則全部要在金鐘轉車或在灣仔行過去，這對舒緩舊站擠迫完全沒有幫助，反而係加重負擔。在我的建議中，北港島線興建與否，以及採取甚麼方案，與「北岸南線」沒有直接關係，而我認為港島北岸最繁忙路段有三條平行路線並無不妥。
純粹分享 :handshake
jpoon 發表於 2018-1-7 11:18
荃灣區唔見得全部用荃灣西站吧？同埋我上面都講咗，搭西鐵嘅未必會搭去紅磡轉車
仲有你嘅推算係以2016年 ...
咁其實係咪又要計埋觀塘半山廿幾萬嘅人都可以搭東九龍綫去鑽石山轉東西綫去紅磡再轉會展？
觀塘半山兜落去將軍澳仲遠過經啟德
去得睇會展展覽都唔會係繁忙時間
荃灣西站直去紅磡落一次電梯轉南北綫一個站就到
何解要喺南昌上落兩次電梯又要行一大段路？
要離開會展嘅話南北綫都係企一個站就可以喺紅磡上西鐵
邊有人咁鍾意做運動去南昌轉？
驚上唔到車都可以坐返去金鐘站過返對面月台上車，都仲方便過南昌
洪水橋、元朗南、古洞北、粉嶺北、馬料水都為南北綫、東西綫帶嚟五十幾萬人口客源
都仲未計坪輋打鼓嶺
計埋都多過北大嶼新增人口一倍
仲有東大嶼70萬人口
條鐵路去到堅尼地城定係用南北綫伸延都係經金鐘上會展
咁又點計？
出得呢堆數字，「屯九綫」幾年內上馬有望，爭在走綫問題。