大家在日本有冇試過特登搭比較長途既地鐵線跨市行？

HV9990 發表於 2017-6-4 23:51
人地"地鐵"呢個簡稱唔係"地方鐵道"既縮寫咩？
日本本身地鐵係叫"地下鉄"架喎
...

呢個當然知，回文只係爛 gag 一個咁解

CliveTo@FB 發表於 2017-6-4 15:27
N'EX要查飛？上次搭過車掌淨係巡車一轉，記低邊個位有人坐

同埋車上寫明如果相關座位無被人劃咗，其他持 ...

宜家車掌查飛已經電子化左，車掌手上部tablet可以知道邊D位有人座左，你入閘時個張劃左位既車票D資料已經即時入左落佢部tablet度

paul2357paul 發表於 2017-5-29 07:26
如果真係咁既話那的確是日本鐵路系統既一大污點，原來去成田機場搭早機班客隔晚去定機場附近既酒店過夜係不被鼓勵？..

正正就係因為好似你咁講，想要 serve 埋成田市嗰邊嘅酒店、住宅，所以原本行 Sky Access 線嘅 Skyliner 响晚間就改行京成本線入成田機場，改稱作 Evening Liner 囉 (行車時間長，停站多啲，同時票價平過 Skyliner。)

Skyliner 入東成田站!? 真係異想天開，不過我諗好多鐵路迷都想坐。
之前 AE100 型 Skyliner 告別 event 試過，再現 Skyliner 入舊成田空港站！

話時話，東京站夜晚有巴士俾人去成田機場附近酒店架。
Access Narita 巴士，只要 ¥1,000。

去日本玩真係要睇住火車時間表做人，同最好上乘換案內網站 check 定終電時間，print 定出嚟。(電話冇電都有得睇)
夜媽媽再盲舂舂搵車搭真係玩命，隨時斷纜！

不過我覺得 Skyliner 個網站都有改善空間，Skyliner 同 Morning/ Evening liner 一齊列出來好啲。外國人未必識上日文網站查時間表嘛。

ktw1391 發表於 2017-6-4 01:07
乜以上依堆都算係地鐵咩
本身仲諗入嚟住睇下日本邊度有跨市地鐵

地下鐵定義其實好含糊，地上鐵行行下變地下鐵，地下鐵行行下變地上鐵，亦有不同公司之間的直通運轉，好似東京地下鐵副都心線咁，完全係由東武東上線、西武池袋線、東急東橫線依d「非地鐵線」入黎的班次所組成

另外日本的縣界純屬行政區分界，並非作為城市功能上的邊界，所以點定義「跨市」都好含糊

不過就算以一般既定的地下鐵定義和以跨行政區等於跨市去睇，東京地下鐵東西線已經係跨市地鐵，葛西站後已經離開東京都進入千葉縣

Kaix 發表於 2017-6-6 11:24
地下鐵定義其實好含糊，地上鐵行行下變地下鐵，地下鐵行行下變地上鐵，亦有不同公司之間的直通運轉，好似 ...

定係樓主想講「在來線」?